Xisbul Islaam “Mid ka mid ah gacanta ayaan ku heynaa labada nin ee Faransiiska, mana jiraan wax khilaaf ah oo naga dhexeeya Al-Shabaab”

Xisbul Islaam “Mid ka mid ah gacanta ayaan ku heynaa labada nin ee Faransiiska, mana jiraan wax khilaaf ah oo naga dhexeeya Al-Shabaab”

Iyadoo dhawaan Wakaaladaha Wararka ay faafiyeen in labadii nin ee Faransiiska u dhashay ay gacanta u galeen Xarakada Shabaabul Mujaahidiin ayaa haddana warar aanu helnay Xisbul Islaam waxay sheegayaan in mid ka mid ah labadaasi nin ay gacanta ku hayaan Raggii horey u soo afduubtay labadaasi nin oo ka tirsanaa nabadsugida wadanka Farasiiska waxaana dusha ka ilaalinaya ciidamo ka tirsan Ururka Xisbul Islaam.

Ninka kale ee Faransiiska ah ayaa waxaa gacanta ku haya Xarakatul Shabaabul Mujaahidiin, hase yeeshee saraakiil ka tirsan Xisbul Islaam ayaa inoo sheegay in ninka ay gacanta ku hayaan Shabaabka dib loogu soo celin doono gacanta Xisbul Islaam sida ay sheegeen, waxay kaloo sheegeen in la wado waan waan lagu sii deynayo raggaasi, waxayna meesha ka saareen in aysan jirin wararka sheegaya in Al-Shabaab Al-mujaahidiin ay xoog ku wadatay mid ka mid ah ragga Faransiiska ah.

Xisbul Islaam ayaa sidoo kale inoo sheegay in ragga afduubtay labadaasi nin ay doonayaan in la siiyo lacag madax-furasho ah oo aan la sheegin cadaddeeda, waxayna Xisbul Islaam sheegeen in uusan wax khilaaf ah u dhexeynin iyaga iyo Al-Shabaab oo ku saabsan labadaasi nin.

Sheekh Xasan Daahir Aweys oo ah Guddoomiyaha Xisbul Islaam ayaa la sheegay in uu dadaal ugu jiro sidii lagu sii deyn lahaa raggaasi kadib markii ay la soo xiriireen mas’uuliliyiin ka tirsan Dowladaha Faransiiska iyo Ereteriya.

Goobta lagu hayo raggaasi ayaa waxaa ku sugan ciidamo aad u xoogan, waxaana la diiday in saxaafaddu ay wax ka ogaato xaaladdooda caafimaad, kadib markii ay Warbaahintu codsaday in la soo tuso raggaasi, balse ay suurtageli-waysay.

Shirkii Golaha Wasiiradda ee Dowladda Federaalka ayaa hadal ka jeediyey Wasiirka Arrimaha Gudaha Sheekh C/qaadir Cali Cumar, waxa uuna iska fogeeyey in uu wax lug ah ku lahaa afduubka lagula kacay labadaasi sarkaal, waxaana si weyn u soo dhaweeyey xubnihii golaha Wasiiradda ee ka qaybgalay kullankaasi.

Amiin Yuusuf Khasaaro

Faafin : SomaliTalk.com | July 20, 2009

Markii ugu horeeysay oo lagahirgaliyay waxbarasho heer Jamacadeeda Gobalka Gal-gaduud.
Plasma University’ College of health science, ayaa noqday kulyadii caafimaad oo ugu horeeysay furo xarunta Gobalka Galgaduud ee Dhusamareb Akhri Jul 19