| w w w . S o m a l i T a l k . c o m |
|
|
|
Warar dheeraad ah oo ku saabsan Rag Wariyayaal oo laga afduubtey Gudaha Hotel Saxafi ee Muqdisho Waxaa saakey Hotel Saxafi ee Magaalada Muqdisho ka dhacay Fal afduub ah oo ay geystewen Ragg si aad ah u hubeysnaa oo soo galey Hotelka islamarkaana Qoryo ku qabtey Ilaaladdi hotelka kuwii ku sunaa Albaabka hore ee Hotelka iyo kuwii Gudaha , waxaa kaloo Qoryo lagu qabtey Raggii kale ee ku sugnaa Hotelka oo u badnaa dadka degan Hotelka Ragga la afduubey ayaa waxay u dhasheen Wadanka faransiis sida aan ku heleyno wararka waxayna Masuuliyiinta Hotelka ay sheegeen in Ragga ay ahaayenn wariyayaal u yimid Howlo shaqo gaar ahaan Xaaladda Magaaladda Muqdisho waxaa kaloo lagu waramey in ay lahaayeen Ilaalo u gaar ahaa oo hotelka uu siiyey lamana garanayo sababaha keeney in ragaas la wato iyadoo Hotelka uu Deris la yahay Xarunta Dambi baarista ee CID wuxuu kaloo uu hotelka deris la yahay oo labada dhinac ka degen Ciidamada Nabad Ilaalinta Amisom Agaasimaha Hotelka Mudane Gaafaa oo u waramayey Ragga wararka dira ayaa sheegay in ragaasi uu Hotelka u diwaangeliyey in ay yihiin Wariyayaal isagoo sheegay in ay u dhasheen Wadanka faransiiska Daqiiqadu yar ka dib mar aan soo gaarey Hotelka ayaa waxaa la ii sheegay in Ragga wax afduubtey ay ahaayeen rag si aad ah u hubeysnaa oo watey laba gaari waxay kaloo ii sheegeen ragaas la afduubtey loola dhaqaaqey dhinaca Xaafadda taleex , waxaana kaloo lagu waramey in ragaas wax afduubtey mid ka mid gawaaridii ay wateen uu ku ciladoobey Xaafadda taleex , waxay raggii wax afduubtey la sheegay in ragii ay wateen inta gawaaridii ka dejiyeen ula dhaqaaqeyi dhinaca degmada Hodan waxaana lo arkayey iyagoo lala lugeynaya Xaafadaha dhexdooda ayna la socdeen raggii wax afduubtey Ragga afduubka sameeyey ayaa waxaa lagu waramey in ay ka mid ahaayeen Ciidamada Maxaakiimta eek u biirey Dowladda waxana la sheegay in ay wateen gaari kuwa dagaalka ah Afduubkaan ayaa waxaa uu dhabar jab ku yahay Dowladda federaalka maadama Meesha wax laga Afduubtey ay tahay Goob ay si weyn u ilaaliyaan Ciidamada Dowlada iyo kuwa Amisom Waxaana dhabarka dambe ee Hotelka Ka furan Xafiisyada Dhowr Wasaaradood oo si weyn loo Ilaaliyo, warar ayaa sheegay in ragga la afduubtey aysan ahayn Wariyayaal ee ay ahaayeeen ragg Marti u ahaa Dowladda Federaalka waa haddii aysan noqon Wariyayaal sidoo kale Wasaaradda Warfaainta ayaa iyadu Diwaangelisa wixii wariyayaal ah ee shisheeye ah haddi ay imaanayaan Magaalada Muqdisho ilaa iyo hadda wax war ah kama soo bixin dhinaca Dowladda Hotelka Saxafi ayaa waxaa Degan Xildhibaano , iyo Wasiiro ka tirsan Dowlada Federaalka iyana waxay leeyihiin Ragg Ilaalo ah hadaba wixii faahfaahin ah dib ayaa idiin la socodsiin doonaa ee la xiriira Afduubka Ragaas iyadoo dad shisheeya ay weli gacanta ugu jiraa rag huibeysan kuwaas oo la afduubtey sannadkii hore W/D Amiin Yuusuf Khasaaro E-Mail amiinkhasaaro@hotmail.com Faafin : SomaliTalk.com | July 14, 2009 |
|
Kulaabo bogga www.SomaliTalk.com © www.SomaliTalk.com La soo xiriir: |
Daabaco
Boggan | Print
  Dhul-Badeedka Soomaaliya
HESHIISKII IS AFGARAD
|
