| w w w . S o m a l i T a l k . c o m |
|
|
|
Xarakooyinka Al-Shabaab iyo Xisbul Islaam oo dib ula wareeygey Goobihii ay qabsadeen Ciidamada Dowladda Iyadoo Maalintii shaley uu dhacay Dagaal qaraar oo u dhaxeeyey Ciidamada Dowlada iyo Xarakooyinka Al-Shabaab iyo Xisbul Islaam oo isku dhinac ah wuxuuna dagaalkaas uu ahaa mid qaraar oo labada dhinac ay isku adeegsanayeen Hubka culus , oo mararka qaar ku dhacayey Goobo ay degan yihiin Dad Rayid ah waxaa la xaqiijiyey in ay ku dhinteen ilaa 40 qofood oo u badnaa kooxhii dagaalamayey , wuxuuna dagaalkaas uu keeney in Cidamada Dowlada La wareegaan in badan Degmada Karaan ah , ka dib markii ay gacan ka heleen Ciidamada Amisom oo watey Dabaabaadka dagaal Ciidamada Amisom Gawaaridooda Dagaalka ayaa waxaa lagu waramey in ay dib ugu soo Gurteen Xarunta Madaxtooyada kadibna waxaa dhacay in Ciidamada Dowladda ay iyagan soo raacaan , taasi waxay keentey in Xarakooyinka Al-Shabaab iyo Xisbul Islaam ay dib ula wareegaan Goobihii hore looga qabsadey ee Degmooyinka Kaaran iyo Cabdicasiis , waxayna ciidamada Hadda ku sugan yihiin Agagaarka Baar Fiat oo ay joogaan Ciidamada Dowlada , halka kooxaha ka soo horjeeda Dowladda waxay ku sugan yihiin Agagaarka Hotel Global , waxaana mararka qaarkood dhacaya Rasaas Goosgoos oo ay isweydaarsanayaan labada dhinac Afhayeenka Ciidamada Amisom ayaa xaqiijiyey Goor dambe in ciidamadooda ay ka qayb qaateen Dagaalkii shaley isagoo shaeegey in sababaha ay u galeen Dagaalkaa uu ahaa markii kooxaha ka soo horjeeda Dowladda ay ku soo dhawaadeen Xarunta Madatooyada iyo Dekedda weyn ee Magaalada Muqdisho , wuxuu kaloo sheegey in Ciidamadooda markaan diyaar u yihiin in ay gaaraan Qaar ka mid Goboladda Dalka oo ay ku sugan yihiin kooxaha mucaaradka , wuxuu kaloo uu sheegay in ciidamadooda ay amar ka sugayaan Qaramada midoobey si ay dagaalka uga qaygalaan dowladana taageero u siyaan Dadkii ku harey Xaafadaha ay dagaalada ka dheceen ayaa waxaa lagu waramey in ay halkaas isaga tageen ka dib markii uu dagaalka uu noqdey I jiid aan ku jiidee waxay lagu waramey in ay ku biireen Barakacayaasha kale ee ku sugan Daafaha Magaalada Muqdisho halkaas oo ay ku haystaan dhibaatooyin isugu jira Cunto la’aan , Hoy la’aan iyo Daawo La’aan Isbitaalada Magaaladda Muqdisho ayaa shaley la gaarsiiyey Dhaawacyadii ugu badnaa oo tiradooda gaareyso 120 qofood kuwaas haatan ku haysata Isbitaaladaas Dawa la’aan aad u daran waxayna Isbitaalada codsanayaan in lala soo gaaro Daawooyin iyo Qalab caafimaad W/D Amiin Yuusuf Khasaaro E-Mail amiinkhasaaro@hotmail.com Faafin : SomaliTalk.com | July 13, 2009 |
|
Kulaabo bogga www.SomaliTalk.com © www.SomaliTalk.com La soo xiriir: |
Daabaco
Boggan | Print
  Dhul-Badeedka Soomaaliya
HESHIISKII IS AFGARAD
|
