Daabaco Boggan | Print

Xuduuda xaafadaha Camden iyo Islington 

Sawiro kaloo badan halkan ka eeg

Waxaa loogu bishaaraynayaa umadda muslimiinta ah dhamaan, gaar ahaan Jaaliyada Soomaaliyeed in laga furay xudduda Islington iyo Camden masaajid cusub oo lagu magaacabo Islington Islamic Centre. 

Masjidkan oo ku yaal wadada halka ay iska gooyaan York Way iyo Agger Grove ayaa waxa uu u jiraa daqiiqada yar Caledonian Road station (Northern Line), waxaa kale oo ku keeni kara Bus No 274 oo ka soo baxa Camden Town. 

Sawiro kaloo badan halkan ka eeg

Xafladihii furitaanka masidkan oo dhacay maalmihii khamiistii iyo Axadii aynu soo dhaafnay ayaa waxaa ka qayb-galay culumo Soomaaliyeed oo badan iyo marti sharaf aad u kala duwan kana socota ururada u adeega bulshada ee Soomaliyeed,  iyo muslimiin kale, maamulka dawlada hoose ee labada xaafadood, police-ka labada xaafadood iyo xubno badan oo ka tirsan shacabka degen London. 

Masjidkan cusub ayaa waxaa asaasay urur soomaliyeed oo lagua magacaabo Somali Cultural Watch oo mudo dheer ku gudo jiray in uu ka hirgeliyo masjid ay ku cibaadaystaan muslimiinta degen London, laguna haqabtiro baahida baaxada weyn ee ay qabaan umada Soomaliyeed eek u nool magaadala London. 

Waxaa furitaanka xaflada ka hadlay gudoomiyaha gudiga Shuurada ee Masaajidka cusub Dr. C/qaadir Jasiira oo ka warbixiyey baahida umadda Soomaliyeed ee Muslimiinta ahi u qabaan masaajid iyo xarun Islaami ah oo ay ku cibaadaystaan waxna lagu baro dhalinyarta iyo caruurta Jaaliyada.

Waxaa sidoo kale ka mid ahaa dadkii ka hadlay xafladii maalinta khamiista Dr. Daud Abdalla oo ah gudoomiye ku xigeenka ururka (MCB) oo ah urur ay ku midoobeen ururada muslimiita ah ee dalkan UK. Waxaa isna xafladaas ka hadlay duqa xaafada Camden Clr Ansari oo ah nin muslim ah kana sheekeeyay sida uu ugu faraxsan yahay ka qayb galka furitaanka xaruntan Islaamiga ah ee cusub.

Xafladdii maalintii Axada oo loogu talagalay jaaliyada Soomaaliyeed ayaa waxaa furay gudoomiyaha gudiga fulinta ee masaajidka Dr. C/risaaq Takar, waxaa kale oo xafladaas ka soo qayb-galay kana jeediyey hadalo mushiim ah intooda badan culimo badan oo Soomali ah iyo Sheikh reer Kuwayt ah oo furitaanka xaflada darted uga yimid Kuwayt, sheekhaas oo lagu magacaabo Shiikh Walid Al-Durat ayaa hadal kooban oo qiimo leh kazoo jeediyey xafladaas lana dardaarmay jaaliyada Soomaliyeed.

Culimadii Soomaliyeed ee xafladaas ka soo qayb-gashay ayaa waxaa ka mid ahaa:

1. Shiikh Xuseen Jaamac
2. Shiikh C/xakiim Shiikh Cali Suufi
3. Shiikh C/qaadir Muumin
4. Shiikh C/risaaq Takar
5. Shiikh Cali Mowliid

 Xafladaas oo si wanaagsan u dhacday ayaa lagu soo gaba-gabeeyay furitaanka dugsiga qur’aanka kariimka ah iyio daraasaadka Islaamiga ah lagu baranayo oo laga furay xarunta cusub ee Islington Islamic Centre. 

Gudiga maamulka Islinton Islamic Centre ayaaau balan qaadaya umada Soomaliyeed in ay ku dadaalayaan in ay wax ka qabtaan baahida jaaliyada khaas ahaan tan caruurta iyo da’yarta, waxbarashada iyo horumarinta guud ee jaaliyada Insha Allaah. Waxaana gudiga maamulku ka codsanayaa in ay lagu taageero hir-gelinta yoolalka xarunta cusub oo  dhamaan jaaliyada ka qayb-qaataan dhismaha iyio horumarinta masaajidka cusub. 

Jasaakullaahu Kheyran

Islington Islamic Centre

55-61 Brewery Road

London N7 9QH

Tel 0207-609 8472

www.islingtonic.org.uk email: info@islingtonic.org.uk

BAARID | SEARCH

---

---