Wasiiradda Caafimaadka Dowlada Soomaaliya Drs. Qamar Aadan Cali "Muhiimada
Ugu Weyna Waxay Tahay Ma ahan Wax Qabadkeeda ee …" xili ay la wareegeysey deeq
ka timid dalka Turkiya
Deeq isugu jirta dawo iyo qalab Caafimaad oo ka timid dalka Turkiya ayaa lagu
wareejiyey Wasiiradda Wasaaradda Caafimaadka DFKMG Soomaaliya Drs. Qamar Aadan
Cali 30/06/2009-ka.
Deeqdan ay la wareegtey Wasiiradda Caafimaadka DKMG Soomaaliya Drs. Qamar Aadan
Cali ayaa dowlada Turkiya usoo marsiisey Safiirka Soomaaliya u fadhiya dalka
Turkiya Amb, Hilaall Maxamed Aadan, iyadoo goobta xil wareejinta ay ka dhacaysey
ee ZON Free ee dalka Jabuuti uu goob joog ka ahaa Wakiilka dalka Turkiya u
fadhiya Soomaaliya, islamarkaana hadal kooban ka jeediyey halkaas.
Ambasador, Hilaall Maxamed Aadan oo ugu horeyn halkaasi ka Hadley ayaa wuxuu
yiri "waxaan ku wareejiyey Wasiirka Caafimaadka Dowlada Soomaaliya Drs. Qamar
Aadan Cali deeq dawo ah oo ka timid dalka Turkiya , islamarkaana ah tii ugu
horeysey oo ay Soomaaliya ugu deeqdo dowlada Turkiya," ayuu yiri Amb; Hilaall
Maxamed Aadan.
Ambasador Hilaall Maxamed Aadan oo deeq wareejin sameynaya.
Wasiiradda Caafimaadka Dowlada Soomaaliya Drs. Qamar Aadan Cali waxay tiri
"waxaan halkan kula wareegey mucaawino nooga timid dowlada Turkiya oo muujinaysa
walaall-tinimada, qadarinta dowlada aanu nahay walaallaha iyo dareenka Gargaar
ay la damacdey maanta, iyadoo noosoo marisey Safaarada Soomaaliya ee uu wakiilka
ka yahay Ambasador Hilaall Maxamed Aadan" ayey ku sheegtey khudbadeeda
Wasiiradda
bidix Amb Hilaall, dhexda Amb Muuse, midig Wasiirad Qamar.JPG
Iyadoo hadalkeeda sii wadata ayaa intaa ku dartey "tayadeeduna waa wax muuqda,
waana wax Ummadda Soomaaliyeed wax weyn taridoona, qiima ahaan daawadan iyo
qalabka caafimaad ee la socda waxay ku fadhidaa ku dhawaad $300,000, waxayna u
badan tahay qalab iyo is-ticmaal dawo, waxaana ka haysanaa balan qaad intan ka
badan, inaga ayaa nalaga rabaa baahideena inaan sheegno, sida ay naga balan
qaadeen, muhiimada ugu weyna waxay tahay ma ahan wax qabadkeeda ee waqtiga ay na
soo gaartey ayaa macne weyn inoo sameynaya, isla xiligana waxaan u direynaa
dalka, waxaana sugeynaa duulimaadka diyaarada" ayey kusoo gebagebaysey
Wasiiradda iyadoo u mahad celineysa Dowlada Turkiya iyo Wakiilkeeda Soomaaliya.
bidix marwada Ambasadorka, dhexda Safiirka Soomaaliya ee dalka
Jabuuti Amb Muuse, Dr. Qamar, Wakiilka Turkiya , midig siihayihi
Ambasador Hilaall Maxamed Aadan oo aan wareysi gaar ah kula yeeshey xil
wareejinta kadib Hoteel Shariton ee caasimada dalka Jabuuti ayuu waxaa uu
wareysigiisa iigu faah faahiyey mudadii ay ku qaadatey u gudbinta baahida
Dowlada iyo xaaladaha kala duwan ee uu ku sugan yahay dalka, tirada daawada iyo
waxa ay ka kooban tahay ayaa Isagoo arimahaasi ka hadlaya waxaa uu yiri
"waxaa farxad ii ah inaan ku wareejiyo Wasaaradda Caafimaadka dowlada midnimada
Qaran, deeq dawo ah oo dalka Turkiya usoo hibeeyey Shacabka Soomaaliya, dawaduna
waxay gaareysaa 5-tan oo isugu jirta dawo iyo qalab caafimaadka ugu qaalisan,
waxayna ku kala jiraan 425-kartoon"
Xildhibaan Yaasiin Bucul iyo Drs.Qamar
Amb, Hilaall mar uu ka hadlaayey noocyada qalabka ayaa wuxuu yiri "qalabku wuxuu
isugu jiraa, laga bilaabo Aytamka koowaad ilaa 209, waxaana ka mid ah qalabka
Sheybaarka, kan dawooyinka deg dega ah, sariiro iyo qayb dhaxanta laga huwado,
waxayna igu qaadatey in aan dowlada Turkiya Wasiirkeeda Caafimaad ka qanciyo
baahida aan u qabno dawoda mudo lix bilood, kadib Wasaaradd wasaaradda ayaana
ula xiriirey dowlada Turkiya, si dowlada Soomaaliya loo caawiyo, waxaana ku rajo
weynahay in deeqaha kale ee soo socda ay noqondoonaan in laga sii badiyo tirada
daawada aan hada helney" ayuu ku soo gebagebeeyey Ambasadoorka.
Maxamed Macallin Cismaan (All-man) Somalitalk Jabuuti.
fatxumaalik@hotmail.com
Faafin : SomaliTalk.com | July 2, 2009
Daabaco
Boggan | Print
