Afhayeen U Hadlay Dariiqada Suufiyada Ee La Baxay Ehlu Sunna Oo Sheegay
Inay Al-shabaab Wadaan Daan Daansi Dagaal
Dariiqada Suufiyada Ee La baxay Ehlu Suna ayaa Ururka Al-shabaab Ku Eedaysay
Inay Wadaan qorsheyaal ay kaga soo horjeedaan dariiqadooda islamrkaana ku
doonayaan sidii ay uga tir tiri lahaayeen dalka soomaaliya waa siduu sheegaye .
Afhayeen u hadlay dariiqada suufiyada ee la baxay ehlu sunna oo shir jaraa,id ku
qabtay dhinaca isgaarsiinta ee hawada ayaa tibaaxay inay ururka al-shabaab
wadaan shirqoolo ay ku doonayaan inay ku baabiyaan dariiqada islamrkaana dadka
shacabka ah ay doonayaan inay marin habaabiyaan waxyaalaha runta ah waa siduu
hadalka u dhigaye isagoo xusay in dagaalada ka socda gobolka gal-guduud ay ka
wada dagaalamayaan ururka al-shabaab iyo dariiqada suufiyada ee la baxay ehlu
sunna taasina ay hore u dhacday in afhayeenka shabaab uu sheegay inay la
dagaalamayaan dabadhilifka Ethiopia .
Sidoo kale afhayeenka dariiqada suufiyada ee la magac baxday ehlu sunna Sh, C/laahi
sh, C/raxmaan Abuu Yuusuf ayaa shacabka soomaaliyeed ugu baaqay inay ururka al-shabaab
doonayaan inay diinta ka been sheegeen waa siduu u sheegaye islamrkaana ay dadka
shacabka ahi ka feejignaadaan shirqoolka ay wadaan al-shabaab .
Abuu yuusuf ayaa sidoo kale saxaafada u sheegay inay ururka al-shabaab dalka soo
geliyeen ciidamada Ethiopia islamrkaana nabad la,aanta ka jirta ay iyagu ka
dambeeyaan waa siduu hadlka u dhigaye taasina ayuu yiri ay marag madoonto tahay
.
Hadalka afhayeenka suufiyada la baxay ehlu sunna ayaa kusoo beegmaya xili ay
gobolada dhexe dagaalo ka jiraan islamrkaana xoogaga al-shabaab ee gacanta ku
haya gobolada jubooyinka ay sameeyeen koox la baxday la dagaalanka shirkiga oo
ay bur buriyeen qabuuro la siyaaran jirey xili ka xili sanadkiiba taasoo ay
culumada qaarkod sheegeen inay diinta islaamku qabin
Ciidamo Ka Tirsanaa Midowga Maxkmadaha Ee Gobolada Bay Iyo Bakool Oo Ku Biirey
Ururka Al-shabaab
Ciidamo aad u tiro badan oo la sheegay inay xiliyadii hore ahaayeen xoogaga
midowga maxaakiimta islaamiga ah ee gobolada bay iyo bakool ayaa la sheegay inay
ku biireen ururka al-shabaab isalamarkaana la wada magac bexeen al-shabaab .
Afhayeenka ururka Al -shabaab Sh, Muqtaar Rooboow Cali (Abuu Mansuur) ayaa
saxaafada uga waramay xaalada gobolada bay bakool isagoo tibaaxay inay gobolada
bay bakool ay intooda badan gacanta ugu jiraan ururka al-shabaab islamrkaana ay
ciidamada xoogaga maxakm,aduhuna kusoo biireen dhankiisa isagoo intaasi sii
raaciyey inay ku midoobeen magaca al-shabaab .
Sidoo kale Abuu Mansuur rooboow oo saxaafad kala hadlayey dhinaca isgaarsiinta
ayaa ugu baaqay mujaahidinta muqaawimada dagaalka kula jirta cadowga aysan ku
mashquulin kala qaybsan islamrkaana ka feejignaadaan waxyaalaha kala qaybin kara
isagoo intaasi sii raaciyey inay meel kasta oo ay joogaan inay is kaashadaan
sida sharciga islaamku qabo .
Sh,Rooboow oo ay saxaafadu wax ka weydiisay sida uu arko Iscasilaada
madaxweynihii hore ee dowlada KMG ah Cabdullaahi Yuusuf axmed ayuu waxa uu ku
tilmaamay in uu ahaa nin ku ad adag illaalinta Axdiga u degsanaa dowlada KMG ah
ee Soomaaliya isla markaana ugu baaqay in uu ka towbad keeno dunuubtii uu ka
galay shacabka Soomaaliyeed.
Dhinaca kale Afhayeen Mansuur ayaa carabka ku adkeeyey in hadii ay midoobaan
mujaahidiintu ay meel kasta kula dagaalami doonaan cadowga islaamka wa siduu
hadalka u dhigaye islamrkaana ay adkaan doonaan .
Saraakiisha ka tirsanaa midowga maxaakiimta islaamka ee ku biiray ururka al-shabaab
ayaa waxaa kamid ahaa Macalin Aada Macalin Cali iyo saraakiil sar sare oo ka
wada tirsnaan maxkamadaha islaamka soomaaliyeed oo si weyn loo wada yaqaanay .
Si kastaba ha ahaatee Hadalka Afhayeenka ururka Al shabaab Sh, Muqtaar Cali (Abuu
Mansuur) ayaa ku soo beegmaya xili ciidamada Ethiopia ee ku sugan caasimada
muqdisho ay wadaan dhaq dhaqaaq ku aadan ka guurtitaanka gudaha wadanka
soomaaliya
yaasiin maxamed Faytin
yaasiinfaytin@hotmail.com
Faafin: SomaliTalk.com | Jan 5, 2009