Xildhibaan
Ibraahim Saalax Dayfallah “…Xaqeena Marna Kama Tanaasuleyno, Waxaana
Leeyahay Dulmiga Ma Soconayo…”
Xildhibaan Ibraahim Saalax Dayfallah oo ka mid ah xildhibaanadii TFG,
islamarkaana ka soo jeeda Beesha Carab Soomaali oo aan kula kulmey
Caasimada dalka Jabuuti intii uusan ka dhoofin, waxna ka weydiiyey qaab
dhismeedka Xukuumada cusub sida uu u arko ayaa wuxuu yiri:
“waxaan u arkaa dowlad lagu dhisey xal raadin, balse aysan ahayn mid xaq
raadin ah, sababtoo ah habeenkii loo codeynayey Xukuumada dad badan ayaa
wax tabanayey, ilaa iyo xiligaana wali tabanaya, iyagoo leh wixii aan ka
mud nayn Xukuumada cusub kama helin, anagu ka Carab Soomaali, ahaan
waxaan ka mid nahay beelaha laga tegey, inagoo walib ah Beelaha weyn oo
degta Raas kaambooni ilaa Raas caseyr, balad iyo baadiyo, lana ogyahay
dowrka shariifka ah ee aan ku leenahay Taariikhda Soomaaliya xag
siyaasadeed, Wax-barasho, dhaqaalo iyo mid ciidanba” ayuu yiri
Xildhibaan Dayfallah isagoo hadalka sii wata ayaa intaa ku darey
“Dowladihii hore e Soomaaliya waxaan ku lahayn mas’uuliyiin sar sare oo
isugu jirey Wasiiro, Wasiir ku xigeeno, la taliye madaxweyne,
Denjireyaal, Qunsuliyado iyo Jananno ciidan, waxaadna moodaa labadii
dowladood ee ugu dambeeyey ee lagu dhisey nidaamka 4.5-ka, waxay keeneen
in laga soomiyo Beesha, iyadoo qayb weyn ka soo qaadatey dowladihii kala
duwanaa ee soo marey Soomaaliya wixii ka horeeyey kuwan lagu dhisey
4.5-ka” ayuu yiri Xildhiban Dayfallah.
Ugu dambeyn Xildhibaanku mar uu ka jawaabayey su’aal aan weydiiyey in
cabashadooda uu u gudbiyey mas’uuliyiinta sar sare ee Dowlada iyo in
kale ayaa wuxuu “aniga waan kala Hadley madaxda sare ee Dowlada dulmiga
aan tabaneyno, xaqeena marna kama tanaasuleyno, waxaana leeyahay dulmiga
ma soconayo, xukuumadihii hore waxaa bur buriyey dulmiga ee waa in laga
ilaaliyaa Xukuumada cusub dulmiga”.
Maxamed Macallin Cismaan(All-man) Somalitalk Jabuuti
fatxumaalik@hotmail.com
Wareysi Barre Hiiraale oo ku sugan Doolow oo u waramay Maxamed
Gaarane:
Xildhibaan Barre Hiiraale oo waraysi siiyey Maxamed Gaarane Aadan
(Somalitalk- Baladxaawo,Gedo)..
Dhegeyso
ama soo rogo