Odayaasha Dhaqanka Beesha Hawiye Oo Ugu Baaqay Raysal-wasaare Sharma,arke
Inuu Qanciyo Beesha Sadde
Odayaasha dhaqanka beesha hawiye ayaa raysal wasaare sharma,arke ugu baaqay in
la qanciyo beesha sadde mareexaan kadib markii ay kasoo horjeesteen golaha
wasiirada ee dhowaan lagaga dhawaaqay dalka jabuuti .
Afhayeenka odayaasha dhaqanka Beesha Hawiye Nabadoon Axmed Diiriye Cali oo la
hadlayey qaar ka tirsan warbaahinta magaalada muqdisho ayaa ugu baaqay
raysal-wasaaraha xukuumada dowlada midnimada qaran inay qanciyaan oo soo gole
fariisiyaan beesha sadde mareexaan islamrkaana carabka ku adkeeyey inay
soomaaliya kasoo daashay is jiid jiid loona baahan yahay in la qanciyo cid kasta
oo xaqiraad tirsanaysa waa siduu sheegaye .
Sidoo kale Nabadoonka ayaa waxaa uu Madaxweynaha iyo Raysal-wasaaraha ugu baaqay
in loo baahan yahay maadaama dowladu tahay mid wada dadaalo lagu doonayo dib u
heshiisiinta inay qanciyaan beeshaasi oo sheegatay inaysan ku qanacsanayn hal
xubin islamrkaana ay si wada jir ah madaxweyne shariif iyo raysal-wasaare
sharma,arke looga baahan yahay in loo muujiyo dadaal .
Si kastaba ha ahaatee hadalka kasoo yeeray odayaasha dhaqanka beesha hawiye ayaa
kusoo beegmaya xili ay beesha sadde mareexaan si weyn uga soo horjeesatay
xukuumada dhowaan lagaga dhawaaqay dalka jabuuti islamrkaana sheegtay inaysan ku
qanacsanayn golaha wasiirada lasoo dhisay .
yaasiin maxamed cali (faytin)
yaasiinfaytin@hotmail.com
Faafin: SomaliTalk.com | Feb 24, 2009
Daabaco
Boggan | Print
