SOMALITALK.COM dahabshiil
w w w . S o m a l i T a l k . c o m
SOMALITALK - MINNESOTA

Soomaalida Minnesota oo u Dabaal dagtay Dowladda Cusub, soona dhaweeyey...

Waxaa la dhihi karaa Jaaliyadda Somaliyeed ee Minnesota waxay u dabaal degtaa is badal kasta oo ka dhaca Somaliya ama Maamulkasta oo la soo dhiso, mudo hal asbuuc ah ayaa laga joogaa markii ay Culumada Waqooyiga America Ay Taageeradooda u muujiyaan Dowladda Cusub - halkan ka eeg Bayaan ii Culumada.


wadaadkii qur,an ka akhriyey Sh ahmed

Xalay (Feb 22, 2009) ayaa Xafladd Dabaal deg iyo Damaashaad Wadatay lagu dhigay Convention Center, Minneapolis, walow aysan Culumadu qayb ka ahayn Dabaal degaan waxaa daadihinayey Mr Yassin Yabaarag iyo Shire Warsame Garbayte, waxaa goobta ka muuqda Dhalin yaro lagu soo xardhay Astaanta Qaranka Somaliyeed oo ah Calanka Baluugaa. Dadweynaha ayaa iskugu jiray Aqoon yahano Odayaal Dhaqameed iyo Haween iyo Dhalin yaro iyo Madax ka socotay Gobalka Minnesota dhammaantood waxay Ruxayeen Calamo iyo Boorar ay ku sawiran yihiin Madaxweyne Sh Sharif iyo Raisawasaare Omar Abdirashid Ali Sharmarke waxaa indhahaygu soo jiiteen laba wiil oo aad u dayar Zakariye iyo Abdirahman Waxayna xirnaayeen laba Fanaanadood waxayna gacmaha ku hayeen boor uu ku sawiran yahay Madaxweyne Sh Shariif waxaan weydiiyey su,aal Waxaan iri maxaad dareemaysaa dhalin yaro Caawey waxayna ku jawaabeen waxaan taageersan nahay Dowladda waxaana rabnaa Nabad iyo waliba is badal.


Zakariye iyo Abdirahman

Waxaa Qof kii ugu horeeyey ee lagu soo dhaweeyo Sameecadda ayaa ahaa Nabadoon Cabdullahi Ahmed Khayr oo ah Oday Dhaqameed Somaliyeed waxuuna yiri dhowr eray oo kooban ka dibna Madaxda Gobalka Minnesota qayb ka mida oo Marti ahaa ayaa ka hadlay waxaana ka mid ahaa Haweenay la yiraahdo Jan Clison oo ka socotay Hennepin County Commissioner Waxay hadal keedu ku bilowday Somaliya Ha noolaato Sacab iyo is taag ayey abaal marin oga dhigeen:

Dhegeyso: Hadalkeedii oo kooban ama soo rogo.

Waxaa kaloo halkaas ka hadlay Peter boo ahaa nin horay u tartamay in uu noqdo Duqa Magaalada Minneapolis Waxuuna hadalkiisa ku bilaabay erayo Somali ah waxuuna xusay is badalka ka dhacay dalka America in ay Somalidu ka qayb qaateen Is badalkaas oo uu ku guukaystay Obama Madaxtinimada Maraykanka sidaas darteed waxaa la rabaa in aad isbadal ka cusub aad taageertaan.

Dhegeyso Hadalkii Peter: Halkan ama soo rogo.

Kan dib waxaa halkaas Buraabur ku Bururtay ilaa ay ka daasho Marwo Xaawo Ayeeyo ayada oo dad badan ay aad u qiiroodeen.

DHEGEYSO: Buranburkii Xaawo Ayeeyo ama Soo rogo (mp3).

waxaa kaloo kaloo goobta ka hadlay Abdifitah Mohamed Ali oo ka hadlay Taariikhda Qoysaska Somaliyeed haddii aan soo koobi waxaa kaloo ka mida dad kii goobta ka hadlay Dr Mohamed Hassan iyo Abdulqadir Mohamed Dhafuuje Duuliye sare iyo Abdihakim Osman Gudoomiyaha Jaaliyadda Arizona iyo Mohamed Jibril Confederation Of SomaliCummunity iyo Sayid Mohamud Ali oo ka socda Xafiiska Senator Amy Klobuchar waliba asaga oo halkaas ka akhriyey dhambaal uu ka siday Senator Amy.

Dhegeyso: Hadalkii C/fataax Maxamed Cali ama soo rogo.

Dhegeyso: Hadalkii Xaaji Cabdi doore ama Soo rogo

Dhegeyso: Hadalkii Duuliye Sare C/Qaadir Maxamed Dhafuuje. ama soo rogo


Shire warsame Galbayte iyo Yassin Yabarag - Xariiriyaasha


Dadweynaha ka soo qayb galay...

Gunaanadkii oo la filayey Raisawasaare Omar Abdirashid in uu Jaaliyadda la hadlo ayaan jaaliyaddu nasiib u yeelan in ay Codkiisa Maqlaan waxaana la hadlay Jaaliyadda Wasiirka Ganacsiga Abdirashid Ciro. Mahad naq iyo Hanbalyo ka dib ayaa la weydiiyey Goorta ay guurayaan iyo in ay la hishiinayaan Al shabaab, waxuuna yiri: Dhawaan sida ugu dhakhsiyaha badan, Cidkasta waan la Hishiinaynaa.

DHEGEYSO: Hadalkii C/rashiid Cirro ama soo rogo (mp3).

Gabagabadii ayaan waraysi ka yeeshay Mid ka mida Xiriiriyaashii isku soo duba Riday Xafladdaan oo Magaciisa la Yiraahdo Shire Warsame Galbayte.

Dhegeyso: Waraysigii Galbayte ama Soo Rogo.

Dhinaca kale Dadweyne badan oo aan la kulmay ayaa ka Cabanayeen Music iyo heeso faneed. Mid ka mida dad weynihii ayaa yiri Heestii Calanka Somaliyey Toosaay oo la' qaadin Waxaa lagu badalay heeso Jacayla, Meesha Tumashaa looyimide Taageero kama jirto. Si kastaba ha ahaate Dad ka ayaa u ekaa kuwo u ooman Dowladdanimo Qaran iyo Sharaftii Somaliya lahayd in ay soo noqoto waxaana ka muuqda Dadweynaha Dulqaad iyo Samir iyo Calanka Baluugaa oo Lalulayo waxaase hubaal ah in dhagaha lootaagayo Baaq ay Soo saareen Culumo awdiin Somaliyeed oo Muqdisho ku shirsanaa Asbuucyadii la soo dhaafay Jawaabta ay ka bixiyaan Kooxaha is diidan ee iskaga soo horjeeda Siyaasadda Somaliya.


Tarabi iyo Yassin Yabarag - Tarabi Abdirahman Haji Gudoomiyaha Qaban Qaabada Xafladda

Ugu Danbayntii waxaa soo Qaban qaabiyey
Xafladdaan
1. Yaasin Yabarag
2. Tarabi Abdirahman
3. Abas A/Hashi
4. Amine Deeble
5. Mohamud H Dooyo
6. Ali Yusuf iyo Xubne kale


Qaar ka mida odayaasha iyo siyaasiyiinta ka soo qaybgalay..

VIDEO: Sawiro iyo Cod sidii Xafladdii u dhacday (Eeg)

SAWIRRO: Sawiradii Xafladda Halkan ka daawo

Ustaad Abdiwali Bashir (Dalboon)


cdalboon@hotmail.com


Minneapolis, Minnesota

Faafin: SomaliTalk.com | Feb 23, 2009

Kulaabo bogga www.SomaliTalk.com © www.SomaliTalk.com

La soo xiriir:

IIDHEH
XAYAYSIIS