HAMBALYO KA SOCOTA XUBNAHA UDUB EE USA
Taageerid Go'aankii Doorasho ee Gudoomiyaha & Gudoomiye ku xigeenka ee Xisbiga
Udub
Aniga oo ku hadlaya magacayga shaqsi ahaaneed, kan dhamaan xubnaha iyo
taageerayaasha xisbiga Xaakimka ee Udub, laantiisa USA iyo magaca walaalahayga
nabada jecel ee reer Somaliland ee degen dalkan USA waxa aan hambalyo iyo
bogaadin u diraynaa Madaxweyne Daahir Riyaale Kaahin iyo Madaxweyne ku xigeenka
Mudane Ahmed Yuusuf Yaasiiin.
Waxa aanu ku hambaynaynaa dhamaan xubnaha ka qayb-galay shirweynihii golaha
dhexe ee Xisbiga Udub ee shalay kusoo gebo-geboobay huteelka Maansoor ee
caasumadda Somaliland sida sharafta leh ee ay ugu doorteen jagooyinka
Gudoomiyaha Xisbiga Udub iyo Gudoomiye ku xigeenka, labada muwaadin ee sharafta
iyo maamuuska ku dhex leh bulsha weynta S/land iyo gaar ahaan xisbiga cadaaliga
ah ee UDUB.
Anaga (Udub-USA) oo ay shirkaasu nooga qayb galeen xubnaha ugu muhiimsan ee Udub-USA,
ayaanu ku qanacsanahay, taageeraynaana go'aanka goobtaasu kasoo baxay.
Waxa aanu hubnaa in shirkanu/doorashadanu u dhacday si cadaalad ah. Waananu ku
hambalyaynaynaa dhamaan dadkii soo qaban qaabiyay iyo kuwii taageerada ka
geystayba.
Waxa hubaal ah in uu maanta inoo furmay waa cusub, waxa keli ah ee inala
gudboonna ay tahay isu diyaar garaynta ku guulaysashada doorashada
Madaxweyne-nimada ee soo socota.
Allaa Mahad leh
Yusuf Budle
Gudoomiyaha xisbiga Udub ee USA
udubparty@gmail.com
Faafin: SomaliTalk.com | Feb 5, 2009
|