Kooxda Futzalka SCE 3 ayaa guuldaro kula kowsatey horyaalka
Futzalka 3e klasse B Zaal Voetbal dalka Holand.
Magaalada Nijmegen dalka Holand ayaa waxaa ka dhisan koox
dheesha Futzalka isla markaana ay ka mid yihiin dhalinyaro
Soomaaliyeed oo dagan magaalada Nijmegen xaafada Dukenburg,
kuwaas oo wax ka barta jaamacadaha ku yaal dalka Holand.
Kooxda Futzalka SCE3 ayaa la aasaasay sanadkii hore 2007/2008
isla markaana ay horyaalka ka galeen kaalinta 3aad.
Horyaalka sanadkaan 2008/2009 ayaa ka qayb qaadanaya 9 naadi
isla markaana isku wada arki doono min labo goor ayaa si rasmi
asbuuci dhawaa uga biloowday bariga dalka Holand.
Kooxda SCE 3 ayaa waxay ciyaar kula yeelatey Eendracht '30 1
garoonka Jan Mazinhal oo ku yaal duleedka magaalada Nijmegen,
ciyaartaas oo ahayd mid aad u xiisa badan ayna ka soo qayb
galeen dadwayne kala tageersanaa labada kooxood ayaa ku
dhamaatey in kooxda SCE 3 looga adkaado xaafadooda 4 goal iyo 5
gaol halka guusha ay ku raacday kooxda Eendracht '301.
Mar aan la xiriirey ciyaaryahan ka mid ah kooxda SCE3
magaciisana la yiraahdo Guled Mohamed Abdi si aan u su’aalo
guuldarada la soo gudboonaatey kooxda ciyaartii ugu horeysay
horyaalka sanadkaan, madaama sanadkii hore aan laga badanin ilaa
la gaaro biloowgii ciyaaraha is aragyada dambe ayaa ii sheegay
inay aad u daaleen isla markaana ay soonaayeen sidaa daraadeedna
looga badiyay hasayeeshee ay dadaali doonaa ciyaaraha soo socda.
Kooxda SCE3 ayaa ka qayb qaadanaysa horyaal si rasmi ah uga
diiwan gashan xiriirka Futzalka dalka Holand, ka qayb galida
tartamadaan oo kale ayaa waxay faaido badan u leeyihiin
dhalinyarada Soomaaliyeed eek u nool qurbaha madaama tartamadaan
ay yihiin kuwa ay kaga faaidaysan karaan inay mustaqbalkooda
ciyaaryahanimo.
Ciyaarta Futzalka ayaa ah ciyaar ku dhisan xeelad iyo
farsamooyin gaar ah taas oo wax badan ka duwan tan kubadda cagta
oo u baahan xoog iyo awood marka laga soo tago farsamada, hadii
jaaliyada Soomaaliyeed ay xooga saarana waxaa mustaqbalka laga
yabaa inay garoomada caalamka lagu arki doono kooxo Soomaaliyeed
iyo amaba dhalinyaro Soomaaliyeed oo ka soo muuqan doono.
Kooxda SCE3 waxay tusaale fiican oo lagu daydo u tahay
dhalinyarada Soomaaliyeed iyo kooxaha Soomaaliyeed ee ka dhisan
dalalka Galbeedka Yurub iyo North Amerika, kuwaas aan ogayn inay
ka qayb gali karaan horyaalada ka socda magaalooyinka ay
joogaan.
W/D: Yusuf Yusuf
Secretary General of SSPA & Sports Editor
mrsomalia@hotmail.com
London