SOMALITALK.COM dahabshiil
w w w . S o m a l i T a l k . c o m
SOMALITALK - WARAR

Mbeki xilka wuu sii heynayaa, ugu yaraan illaa hadda. Dhamaadkii Safarka Mbeki ee madaxtinimada oo lasoo gaaray.

Iyadoo cadaadiska ah in uu is casilo uu kusii kordhayo Madaxweyne Thabo Mbeki, ayaa kulan uu yeeshey golaha wasiirada waxa ay sheegeen in Mbeki uusan xilka ka dagaynin ugu yaraan illaa hadda, golaha oo qabtay kullan degdeg ah, ayaa diidey xukunkii Garsooraha maxkamada Sarre Chris Nicholson ee ahaa in Mbeki uu soo farogaliyey xeerbeegtidada.

Golaha wasiirada xukuumada Mbeki ayaa shalayto galab yeeshey kullan degdeg ah oo aan caadi ahayn, waxay oga wadahadleen cadaadis iyo culeys isa sii taraya oo ku saabsan in madaxweynaha uu jagadiisa iska casilo, kadib markii xaakim maxkamada sarre uu ku heley in uu soo farogaliyey dacwada Zuma loo heystey, golaha wasiirada ayaa diidey runnimada xukunka xaakimka, oo ay sheegeen in ay arrintan kala tashan doonaan garyaqaano kale bal waxa uu shirciga ka dhahayo.

Afayeenka xukuumada Thembo Maseko oo saxaafada saakay kula hadlay qasriga madaxtooyada, ayaa sheegey in eysan golaha u oolin in ay go’aan ka gaaraan in Madaxweynaha uu xilka ka dego iyo kale, balse ay go’aankaasi isla eegi doonaan haddii golaha dhexe ee ANC ay sidaasi go’aamiyaan kulankooda dabayaqada todobaadka dhacaya.

Warar saxaafada kusoo baxay ayaa sheegaya in kullanka golaha dhexe ee xisbiga talada haya ee ANC oo kulmaya dabayaaqada todobaadka ay go’aamin doonaan in Mbeki uu xilka ka dego, ugu yaraan mid ka mid ah raga xagga siyaasada ugu caansan oo lagu magacaabo Butti Manamela oo ah madaxweynaha xisbiga dhaliyanrada ee hantiwadaaga ayaa sheegey in uu ka warhayo in illaa maalinta isniinta ah wixii ka bilowda Mbeki shaqada laga dirayo, wuxuu sheegey in go’aankaasi ay qaadan doonaan golaha dhexe ee xisbiga oo kulmaya dabayaaqada todobaadkan.

Shalay hey’ada xeer illaalinta guud ee la yiraahdo “National Prosecuting Authority (NPA) oo aheyd hey’adii Zuma dacwada ku oogeysey ayaa sheegtey in eey rafcaan ka qaadan doonto xukunkii Garsoore Chris Nicolson oo Zuma dacwada ku waayay, xukumayna in dowlada Mbeki ay soo faragalisey arrimaha garsoorka dalka, iyadoo isticmaaleysa NPA-da, talaabadani racfaacka ah waxay ka caraysiiyey ANC oo sii sii adkeeysey go’aankeeda ah in Mbeki shaqada laga ceyriyo.

Tan iyo intii jimcihii hore Zuma lagu waayay dacwadii loo heystey, waxaa isa soo tarayay baaqyada loo jeedinayo in Mbeki uu xilka ka dego, gaar ahaan waxaa soo jeedinayay inta baddan xisbiga ANC, hase yeeshee madaxda Xisbiga sida Zuma, Klegma Mutlanthe, iyo kuwa kale ayaa diidey in talaabo xun lagu dhaqaaqo.

Maalin kadib markii dacwada lagu waayay Jacob Zuma, ayaa isagoo ka hadlaya meel fagaaro ah wuxuu taageerayaashiisa u yiri “mas baqtiyey ayaad madaxa ka garaaceysan, xukummada Mbeki waa mas baqtiyey oo kale, waxbo tamarta ha’isaga dhamaynina, waxaa noo taala howl ka culus oo ah tan doorashada, dadaalkeena aan u weecino doorashada sanadka soo socda”.

Mbeki oo ah madaxweynaha Africa ugu caansan, kana taliya dalka ugu dhaqaalaha baddan qaarada, ayaa maalmo ka hor xal ka gaaray mashaqadii Zimbabwe oo sanooyin taagneyd, wuxuu heshiis dhexdhigey dowlada iyo mucaaradka , waxaa kale oo dadaalo mirrodhalay oo nabad raadin ah ka sameeyey dalalka Sudan, Congo, iyo Burundi, arrimahaasi waxay usoo jiideen amaan iyo bogaadin farabaddan, laakiin mashaqadan dalka gudihiisa kaga aloosan ayaa sumcadiisii dhulka la gashay.


Mbeki xilkiisa wuxuu ku egyahay sanadka soo socda kadib doorashada oo dhacaysa bisga febaraayoee sanadka soo socda, laakii waxaa muuqata in ka hor uu xilka baneeynayo, dhow siyaabood ayaana xilka looga dirri karaa, midda koowaad waa in uu isaga xilka isaga dego oo uu ogolaado in uu kursiga baneeyo, marka xigta waa in codka kalsooni darada laga mariyo aqalka baarlamaanka oo ay xildhibaanada ANC u baddanyihiin, midda sedexaad waa in isla baarlamaanka ay go’aamiyaan in la qabto doorasho waqtigeeda laga soo hormarshay, haddii meesha uu baneeyo Zuma ayaa badalaya, laakiin marka hore waa in uu noqdaa xubin baarlamaanka ka mid ah, taasina waa mid sahlan oo ANC ayaa qorsheynaysa in ay aqalka baarlamaanka ku soo galiso isagoo badalaya xubin geeriyoodey.

Cabdinaasir Saxansoxo. Email: saxansoxo1@hotmail.com, Somalitalk.com, Johannesburg.
 

Faafin: SomaliTalk.com |  Sept 19, 2008

BAARID | SEARCH


yusufPuntland oo Ganafka ku Dhufatay Heshiiska DFKMG La Gashay Shirkadaha Batroolka
Wasiirka Tamarta DGPL ayaa waxba kama jiraan ka dhigay heshiiskii Eng. Kaanje la soo galay shirkadaha KEC iyo Medco Akhri Aug 22

Hayadda batroolka SoomaaliyaDFKMG oo Heshiis u Saxiixday Shirkadaha Batroolka ee Kuwait Energy iyo Medco Energi...
Maadaama shirkadahaasi jaal la ahaayeen Geeddi ma lagu macnayn karaa in la soo celinayo Geeddi Akhri

Sheikh Shariif “ciidamada bixitaankooda wuxuu bilaabanayaa markii la sixiixey heshiiska, laakiin…” Shir jaraa’id
Warbixin arintaas ku saabsan Akhri Aug 22


Kulaabo bogga  www.SomaliTalk.com  © www.SomaliTalk.com

La soo xiriir:

IIDHEH
XAYAYSIIS