Daabaco Boggan | Print

• Dagaallo Qasaare Gaystay Oo Beelo Ku Dhexmaray Xuduuda Soomaaliya Iyo Kenya.
• Roobab Maansheeyay J/Dhexe Halka Ay Abaar ay la hardamayaan Dadka Ku Dhaqan G/GEDO
• Kulan Abaabul Ciidan Oo Shalay Ka Dhacay Degmada B/Xawo

Waxaa isku soo dubaridey
Maxamed Gaarane Aadan
Baardheere,Gedo

Dagaallo Qasaare Gaystay Oo Beelo Ku Dhexmaray Xuduuda Soomaaliya Iyo Kenya.

Baardheere:Dagaalka oo hubka noocyadiisa kala duwan loo adeegsaday, kaasoo dhexmaray labo maleeshiyo beeleedyo ayaa Axadii (Sept 7, 2008) ka dhacay goob 30 km dhinaca galbeed kaga beegan degmada Ceelwaaq islamar ahaantaasina ku taalla gudaha xadka kenya.

Inkabadan 7 ayaa lagu soo waramayaa inay ku dhinteen dagaaladaasi cusub halka 10 kale ay ku dhaawacmeen sida ay ii sheegeen dad goobjoogayaal ah ku sugan deegaan u dhaw degmada Ceelwaaq ee gobolka Gedo.

Tiro dhaawacyo ayaa lagu daabulayaa gaadiid kuwaasoo oo loo wado xaga dhinaca magaalada Mandheera ee gobolka Waqooyi Barri Kenya.

Dagaalkan culus oo aan ilaa iyo iminka la ogeyn xogtiisa dhab ta ah ayaa waxaa uu dhexmarayaa labo beelood oo wada degan gudaha dalka kenya gaar ahaan gobolka Soomaalida oo xad la leh dhinaca Gobolka Gedo ee K/Galbeed Soomaaliya.

Iska horimaadyadaasi ayaa ka dhashay aano qabiil taasoo u dhaxaysa labadaasi beelood oo horay sanadkii hore dad badan isaga laa'yay.

Roobab Maansheeyay J/Dhexe Halka Abaar ay la hardamayaan Dadka Ku Dhaqan G/GEDO

Baardheere:Roobab xoogan oo hoorayay muddo 24 saac ayaa ku daruursaday degaano ka tirsan gobolka J/Dhexe halkaasoo ay ka jireen abaar iyo biyo la'aan aad u daran.

Roobab oo la mirdhigay bey'adda ayaa sababay islam ar ahaantaasna daad ku soo rogay wadooyinka waaweyn ee gobolkaasi.ayadoo uu hakad dhamaan howlihii gobolkaasi.

Qasaare isugu jira xoolo gaaraya ilaa 60 neef iyo bur bur lixaad leh oo ku yimid guryo aan tiradooda la xaqiijin ayaa lagu soo waramayaa inay roobabkaasi ay gaysteen.

Waxaa sidoo kale la sheegayaa in daadadkaasi ay hakad galiyeen dhamaan isu socodka dadka iyo gaadiidka kajiray gudaha gobolkaasi.

Roobabkaasi ayaa dhinaca kale ku soo beegmaya xili ay dad badan oo ku dhaqan gobolka dariska la ah gobolkaasi ee GEDO ay u maaro waayeen abaar iyo biyo la'aan soo jiitamayasay sanadihii la soo dhaafay.

Kulan Abaabul Ciidan Oo Shalay Ka Dhacay Degmada B/Xawo

Xildhibaan Barre Hiiraale iyo xubno la socda oo dhawaanahanba ku sugnaa deg/B/Xaawo ayaa kulan la qaatay qaar kamid ah mamulada Deg/Gedo iyo odayaasha SADE.

Kulankaasi oo ka dhacay hotelka Cabdinuur oo ay deganyihiin xubnihii horay uga arrimin jiray magaalada Kismaayo ayaa ku aadanaa abaabul sidii loogu aruurin lahaa maleeshiyaad dib ugu ruqaansado Kismaayo.

Col Warfaa Sh Aadan oo ah taliyaha ciidamadaasi ayaa sheegay in ay isla garteen waxgaradkii ay la kulmeen in la uruuriyo ciidan si dib duulaan loogu qaado magaalada Kismaayo. waxaana uu xusay in talo ay u soo bandhigeen shacabka Gedo Maadaama Kismaayo laga qabsaday Dadka Degan Gobolka Gedo ayna tahay inay ka arrinsadaan waa sida uu hadalka u dhigaye.

Mar aan way diiyay in ay la kulmeen saraakiil itoopiyaan ayaa Col. Warfaa waxa uu tibaaxay inay la kulmaayaan cid kasta oo ay garab kagahelayaan duulaankooda. waxa uu yiri " ma qarin doono in aan dagaal ku qaadayno kismaayo"

Inkastoo uu jiro abaabulkaasi ayaan la ogeyn waxa uu xaal ku dambayn doono.waxaana laga dhursugayaan sida uu xaal noqon doono.

Maxamed Gaarane Aadan
Baardheere,Gedo

Faafin: SomaliTalk.com |  Sept 8, 2008

Kulaabo bogga  www.SomaliTalk.com  © www.SomaliTalk.com

La soo xiriir: