Shirka ururka Jamhuuriga Marakanka oo lagu mudaharaaday
Sawirada bannaanbaxa Ka daawo halkan...
Banaanbax aad u balaaran oo ay soo abaabuleen ururo badan oo ay ka mid tahey
ururka Somali Cause ayaa manta ka dhacay magaalada Saint Paul ee gobolka
Minnesota. Banaanabxan ayaa ahaa mid looga soo horjeeday dagaalada.
Dadyowgii halkaa isugu soo baxey ayaa lagu qiyaasay inay kor u dhaafayeen
ilaa 20,000. Somaalida iyagu banaabaxa ka qayb galayey ayaa qiyaastii dhamaa
ilaa 500 oo qofood.
Somalida halkaa joogtey ayaa iyagu ka soo horjeedey joogitaanka cidama
Ethiopia. Waxay ku eedaynayeen dilal iyo barakicin baaxad weyn. Sidaas oo kale
ayay eed dusha uga tuurayeen dowlada Mareykanka oo ay lahaayeen waxay si buuxda
u taageertay qabsiga iyo xasuuqa dowlada Ethiopia kula kacdey ummada
Soomaaliyeed.
Ka soo qeybgalayaasha bananbaxa ayaa waxaa ka muuqatay shucuur wadaniyeed.
waxay ruxayeen calanka somaliya iyo kan mareykanka. Waxayna ku dhawaaqayeen
erayo ey ku dheehan tahay xamaasad. Waxaa ka mid ahaa erayadooda "gumeysiga
Ethiopia ee ay dowlada mareykanku taageerto waa inuu dhamaadaa hada iyo Bush waa
inuu na dhafaa McCann doonimeyno" Iyo kuwa kale oo faro badan.
Gudoomiye Xigeenka Ururka Somali Cause, Maxamed Xusein "Gudbaaye" oo la hadlayey
dadkii faraha badnaa ayaa ku booriyey iney la xiriiraan dowlada & siyaasiyiinka
gobolka iyagoo ka dalbanaya iney Ethiopia ka saaraan Somaliya iyo aqalka
odayaashu baaraan hadal haynta in ay argagixiso Soomaaliya ku sugan tahey oo u
yiri waa waxba kama jiraan. Dhamaadka hadalkiisa ayuu ku muteystey sacab iyo
bogaadin faro badan.
Mudaaharadka ayaa ahaa mid ujeedooyin badan lagu soo bandhigayey marka loo
eego qowmiyadaha kala duwan ee ka soo wada qaybgaley balse ahaa mid ka mideysnaa
diidmada dagaalada. Banaanbaxa iyaa ka dhacay magaalada St Paul oo uu ka dhacayo
shirwynaha caleemasaarka ninka ugu tartamaya madaxnimada ururka Jamhuuriga ee
wadankan Mareykanka.
Banaanbaxayaasha oo ku qeylinaya hadallo shucuuri ku dheehan tahay
Banaanbaxayaasha oo socod ku maraya Magaalasa Saint Paul.
Sh. Hassan Jamici iyo Gandi oo ka dhex muuqda dibadbaxayaasha.
Abdullahi Husein Abdi "Macruuf"
Minneapolis, MN – U.S.A.
Macruuf77@gmail.com
Macruuf waa wariye madaxbanaan oo ku nool wadanka Mareykanka
Faafin: SomaliTalk.com | Sept 3, 2008
|