Xukuumadda Nuur Cadde oo ka badbaadey in afka ciida loo daro
Iyadoo Maalmahan uu socdey Mooshin ka dhan ah Raisul Wasaare Nuur Cadde
ayaa maanta oo ay bishu tahay 1-da September waxa loo qaadey Codka
Kalsoonida waxana markii la qaadayey Baarlamanka fadhiyey 200 oo
xildhibaan hase yeeshee waxa inta aysan bilaaban Codka Xukuumada
bilowdey Muran aad u dheer oo sababi gaarey in gacanta la iskula tago
hase yeeshee Gudoomiyaha Baarlamanka ayaa doodaas dejiyey xildhibaanada
ku khasbey in in la raaco Dastuurka iyo Xeer hoosaad uu barlamaanka uu
leeyahay
Dood dheer ka dib ayaa waxa la si ku raacay in cod Gacan tag ah la
sameeyo taasoo uu si aqlabiyad uu ku guuleysto Nuur Xasan Xuseen Nuur
Cadde oo helay Codka kalsoonida oo gaarayey 191laguna yiri " ha sii
shaqeyso Xukuumada Nuur Caddee" waxaa diidey 7 xildhibaan waxa ka
aamusey 2 xildhibaan
codka kalsoonida ee ay heshey Xukuumada Nuur Cadde waxa ay dar-dar
gelineysaa howlhii uu wadey Nuur cadde oo ay ugu horeeyan Dib u
heshiisiinta waxaana lagu waramey in uu Nuur Cade uu u hambalyeyey
XildhibaAnadii u codeeyey isagoo sheegay in uu sii wadi doono
Barnamjiyada Xukuumad oo uu sheegay in uu sii laba -labi doono
Sida uu dhigayo heshiiskii lagu saxiixdey Magaalada Adis -Ababa ee,
ay wada galeen isaga iyo Mdaxweyne Cabdulahi Yuusuf waxa Nuur Cade looga
fadhiyaa in soo dhiso Xukumad ka kooban 23 Wasiir iyadoo beelaha waaweyn
oo ka kooban 4 beelood ay heli doonan min shan Wasiir halka beelaha
isbahaysiga ay heli doonan 3 Waasiir waxa kale uu heshiiska uu dhigayaa
in dib loo soo celiyo Wasiirradi iscasley balse warar aan ka helay
Xafiiska Raisul Wasaaraha ayaa sheegaya in Wasiiradaas aysan ku noqon
doonin Wasaaradahoodi hore balse loo magacaabi doono Wasaarado kale
Waxaa dib Candhuuftooda u liqey xildhibaanadii u ololeynayey in la
rido Xukuumada Nuur Cade oo uu hor joogaha uu u ahaa Xidhibaan Cali
Cabdulahi Cosoble waxaana maanta la ogaadey in Nuur Cade uu tiir adag uu
ku leeyahay Gudaha Baarlamaanka waxaa isweydiin mudan waxa laga yeelayo
mooshinka isna uu ka yaalo Baarlamaanka Madaxweyne Cabdulahi Yuusuf oo
haatan u muuqdaa mid aan xoog ku lahay gudaha baarlamaanka
isku soo wada duuboo codka ay maanta heshey Xukuumadas Nuur Caade
ayaa dad u kuurgala siyaasada ayaa sheegaya in aysan waxba soo kordhin
doonin maadama ay laba lixaadsadeen Dagaaladii looga soo horjeedey
Xukuumada iyo weliba ku dhawaaqidii ka bixitaanka Ciidamada Itoobiya oo
lafadhar u ahaa sii shaqeynta Dowladda Federaalka
W/D Amiin Yuusuf Khasaaro
E-Mail amiinkhasaaro@hotmail.com