Beesha karanle oo ka mid noqotay beelaha qaadacay Maamulkii
Gobolka banadir ku salaysnaa 4.5 ee muranka badan dhaliyey
Iyada oo muran xogani ka tagan yahay Maamul ku salaysan habka 4.5 kaasi
oo ay ku dhawaaqeen Gudigii loo xilsaaray in ay Maamul dhamaystiran in
ay u sameeyaan Gobolaka Banadir ayaa waxaa isa soo tarayo Beelaha ka
biyo diidsan qorshihii ay soo bandhigeen Gudigii arintaa ku howlanaa
Waxaa si isdaba joog ah u soo shaac baxaya qilaafka laga muujinayo iyo
saluugitaanka ka imanaya qabaa.ilada qaar waxaana ugu danbeeyey Beesha
karanle hawiye oo go.aan ka qaadatay ka dib markii ay kulamo ka yeesheen
arintaa .
Hadaba shirar is daba joog ah oo ay odoyaasha Dhaqanka Beesha Karanle
Hawiye Maalmihii la soo dhaafay ay ka yeelanayeen arrimaha Maamul u
sameynta Gobolka Banadir ayaa waxaa laga soo saaray dood deer iyo
falanqeyn ka dib warkaan cad oo Warsaxaafadeed ahaan loogu gudbinayo
dhamaan inta ay qusayso iyo Hay.addaha warbaahinta Caalamka .
Beesha karanle
Markii ay aragtay : in lagu xadgudbay qodobka 5 aad ee axdiga KMG,kaas
oo si qeexan u qorayo in xeer gaar ah loo sameeyo Magaalada Muqdisho
,sidoo kale ay aragtay in Gudiga la sheegay inuu ku howlan yahay
Dhismaha Maamulka Gobolka Banadir uu yahay mid aan waafaqsanayn
Shuruurcda Dalka .
Markii ay aragtay : in la dhinac maray tixgalintii ama mudnaanta ay
Beelaha Deegaanka Muqdhisho ku leeyihiin Maamul kasta loo dhisayo
Magaalada Muqdisho , Beelahaas oo wax tashi ah aan lagala yeelan howlaha
haatan socdo :
Markii ay aragtay : in aysan suurta gal ahayn in doorasho laga sameeyo
Gobolka Banadir xili ay inta badan shacabka Gobolka ku sugan yihiin
xaalada barakac guryahoodiina ay faaruq yihiin
Markii ay weyday :cid uga wakiil ah Gobolka Banadir oo lala soo xiriiray
arrimaha dhismaha Maamula Gobolka Banadir si ay talooyinkeeda ugu
gudbiso .,
Beeshu waxay ka soo saaratay howlaha Maamul u sameynta Gobolka Banadir
warsaxaafadeedkaan .
Beesaha Karanle waxay gabi ahaanba qaadacday Howlaha Maamul u sameynta
Gobolka Banadir oo ay kala socoto Idaacadaha Muqdisho sababaha kor ku
xusan awgood ,islamarkaana aysan jirin cid wakiil uga ah Gudiga la
sheegay inuu dhisayo Maamulaka Gobolka Banadir
Beeshu waxay soo jeedinaysaa in marka hore la sameeyo xeer gaar ah ee
lagu dhisayo Maamulka Gobolaka Banadir ,samaynta xeerkaa soo lagala
tashanayo beelaha deegaanka oo ay yaqaaniin sida ay u kala mudan yihiin
,iyadoo aan laga tagaynin maqaamka caasimadeed oo ay leedahay magaalada
Muqdisho .
Beesha karanle : waxay ugu danbeyntii soo jeedinaysaa in belaha
deegaanka ay kulan deg deg ah ka yeeshaan arimaha Muumul u sameynta
G/banadir si ay hal mowqiif uga wada qaataan
Wabilaahi towfiiq
Qaraalkaan waxaa saxaafada u aqriyey nabadoon Adan Shekh Nuur ( qooje )
waxaana ku saxiixnaa 13 oday dhaqameeyd oo kala ahaa
Nabadoon C/laahi Ibraahin Dhagay
Nabadoon Xujaale Cabdulle Jiisow
Nabadoon Daahir Cabdi Kulmiye
Cumar Axmed Xasan ( killi )
Nabadoon Max’ed Axmed Yalax
Nabadoon C/laahi Axmed Garabey
Nabadoon C/raxman Cabdulle bariise
Sheekh Cali Yuusuf Sabriye
Nabadoon Muxudiin Roble Camay
Nabadoon Adan Shekh Nuur ( Qooje
Nabadoon Cabdi Macalin Maxmuud
Nabadoon Cabdi Jimcaale Calasow
Nabadoon Maxamed Tuuryare
Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666
Faafin: SomaliTalk.com | Nov 9, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka