SOMALITALK.COM dahabshiil
w w w . S o m a l i T a l k . c o m
SOMALITALK - WARAR

Dowlada fadaraalka KMG somaliyeed oo markii ugu horeysay inta la ogyahay rashin u qeybisay dad ay gaajo heyso

Sawirada Halkan ka daawo....

codkii Sh Cali Dheere iyo Sheekh Kheyrow halkaan ka dhagayso

Deeq cunno iyo saliid isugu jirtay ayey maanta markii ugu horeysay dowladda FS ka qeybisay Muqdisho , iyadoo deeqdaasi ay ka timid dowladda Kuwait, si gaar ah Guddiga Afrika ee hey’adda Ixyaa Alturaath Alislaami .

Deeqdan ayaa waxaa qeybisay wasaaradda garsoorka iyo arrimaha diinta ee dowladda FKMG , iyadoo meesha ay ka muuqdeen dad badan oo dhibaateysan oo la siinayay galley iyo saliid , waxaaney muujinayeen sida ay ugu faraxsan yihiin howshani gargaareed.

Agaasimaha Guud ee Wasaaradda garsoorka iyo arrimaha diinta dowladda KMG ah ee Soomaaliya Sheekh Maxamed Kheyrow Aadan oo madashii dadka loogu qeybinayay raashiinka ka hadlayay ayaa waxa uu u mahadceliyay dowladda Kuweit iyo dadaalka ay ugu jirto u gargaarida dadka tabaaleysan ee shacabka Sooomaaliyeed , waxaana uu xusay in gargaarkani oo bilow ah la gaarsiiyay 500 qoys oo u badan dadka abaaraha iyo colaadaha ku barakacay , kana mid yihiin naafadii xoogga dalka soomaaliyeed iyo dad kale oo barakac ah oo la nool, waxaana uu u mahad celiyay safiirka Soomaaliya ee Kuweit oo uu ku tilmaamay nin u taagan u dhimrinta dadka Soomaaliyeed , soona fududeeyay kaalmadani.

Qeybinta deeqdan oo ka dhacday maanta xarunta maamulka goboka Banaadir ayaa waxaa kaloo halkaasi ka hadlay Sheekh Cali Sheekh Maxamuud “ Sheekh Cali Dheere” oo ah Agaasimaha waaxda diinta ee wasaaradda garsoorka iyo arrimaha diinta ayaa isna soo dhoweeyay deeqda ka timid dowladda Kuweit oo uu ku sheegay inay ka qeybtahay howlo gargaar degdeg ah oo dowladda Kuweit ugu talo gashay dadka dhibaateysan ee Soomaaliya , waxaana uu fariin mahadnaq ah u diray safiirka soomaaliya uga wakiil ah dalka Kuweit Danjire C/qaadir Amiin Sheekh .

Waxaana uu sheikh Cali dheere tilmaamay in loo baahan yahay kaalmooyin kale oo la gaarsiiyo dadka saameynta uu ku yeeshay dagaalada iyo abaaraha gobolada dalka ay ka jiraan .

Waxaa qeybinta deeqdani ka qeybqaadanayay Sheekh C/qaadir Sheekh Cali Ibraahim oo ah Agaasimaha waaxda awqaafta ee wasaaradda garsoorka iyo arrimaha diinta oo ka mid ahaa wafdi dhowaan dalka kuweit booqday oo howlo badan halkaasi u aaday.

Arrintan ayaa loo arkaa talaabo cusub oo wasaaradda garsoorka iyo arrimaha diinta dowladda FS ay qaaday , taasoo farxad gelisay qoysas gaarayay 500 , oo loo qeybiyay 300 loor oo galley ah iyo 60 kartoon oo saliid caddeey ah .

Dadkani oo ka kala socday qeybaha kala duwan ee bulshada , kana kala yimid 16-ka degmo ee gobolka banaadir ayaa waxa ay ahaayeen haween , caruur , curyaamiin , caruur , indhoolayaal iyo kuwa ay ka muuqatay diif iyo darxumo nololeed ayaa laga dareemayay indhahooda sida ay ugu faraxsan yihiin markii loo qeybinayay kaalmadani.

Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666

Faafin: SomaliTalk.com | Nov 22, 2008

BAARID | SEARCH


"Markabka sida Taangiyada iyo hubka waxaan ka rabnaa Madax-furasho gaareysa $35 Milyan oo Doolar"
sidaas waxaa yiri nin u hadlay burcadda.. iyo Markab laga leeyahay Japan oo laga qaatay $2 million Akhri... Sept 28

yusufPuntland oo Ganafka ku Dhufatay Heshiiska DFKMG La Gashay Shirkadaha Batroolka Wasiirka Tamarta DGPL ayaa waxba kama jiraan ka dhigay heshiiskii Eng. Kaanje la soo galay shirkadaha KEC iyo Medco Akhri Aug 22


Kulaabo bogga www.SomaliTalk.com © www.SomaliTalk.com

La soo xiriir:

IIDHEH
XAYAYSIIS