Muqdisho: Canbaarayn Afduubida macalin kenyati ah
Midawga Barayaasha Qaranka Soomaaliyeed wuxuu canbaaraynayaa
falkii lagu afduubtay Macalin dhalashadiisu tahay Kenyati oo
lagu afduubtay Maalintii Talaadada ahayd (13-05-2008)
Magaalada Muqdisho.
Falkaas wuxuu ka hor imanayaa xeerarka Caalamiga ah ee
Xushmaynta Xuquuqaha Asaasiga ah ee Bini’aadamka, wuxuuna
meel ka dhac ku yahay Xeerka Soomaalida ee ku salaysan
Ixtiraamka Dadka Martida ah. Somali National Union of
Teachers (SNUT) oo ah urur u dooda xuquuqda Macalimiinta ka
hawl gala Somaaliya wuxuu ugu baaqayaa afduubayaasha inay si
shuruud la’aan ah Xuriyada ugu soo celiyaan Macalinkaas la
dhawrana xuquuqdiisa asaasiga ah, si xushmad lehna lagu eego
kaalinta uu ka qaadanayay iftiiminta Maskaxda Caruurteena.
Waxay sidoo kale SNUT canbaaraynaysaa falalka foosha xun ee
lagula kacayo Macalimiinta Soomaaliyeed iyo kuwa ka hawl
gala Soomaaliya oo xadgudubyada loo gaysanayo ay isa soo
tarayeen baryahan danbe oo ay ka mid yahiin Dilka, Dhaca,
Afduubka iyo Burburinta goobaha ay ka shaqeeyaan.
Waxaa hubaal ah inay tahay arin marag ma doonto ah Kaalinta
muga leh ee Macalinku uu ka ciyaaro bulshadiisa taas oo
keentay inay Soomaalidu ka dhigto qaybaha ugu muhiimsan ee
waxa loo yaqaan “Birimagaydada”. waxaan ugu baaqaynaa
kooxaha isku haya siyaasada Soomaaliya inay xushmeeyaan
bulshada waxbarasho ee ay ka mid tahay Macalinka ,Ardayga
iyo iskoolka taas oo la'aanteed la waayi doono tiir ka mid
ah tiirarka ugu waawayn ee horumarka bulshada.
Waxaan ugu yeeraynaa sidoo kale Macalimiinta Soomaaliyeed oo
ku hawl gala duruufo aad u qalafsan inay muujiyaan isku
duubnaansho, ayna sii wadaan hawlaha barakaysan ee ay u
qabtaan umada Soomaaliyeed xili ay la’yihiin waxyaabo badan
oo ka mid ah xuquuqdoodii.
Gudoomiyaha Midawga Barayaasha Qaranka Soomaaliyeed
Osman M. Ahmed
Email:
snutpresident@hotmail.com
Faafin: SomaliTalk.com | May 15, 2008 | 
Daabaco
Boggan | Print
Soomaalida
Iswiidhen oo si
C/Laahi Yuusuf oo Saxiixiisa ku biiriyey Shirkadaha
Gen. Cadde ugu Yeero Jirrida
Qoditaankii
Shidaalka Puntland oo dib loo dhigay (Muddo aan la cayimin)