Dagaal Culus Oo Laysu Gabal Dhacsaday Oo Ka Dhacay Deegaano Ka Tirsan Gobolka
Hiiraan.
Dagaal xoogan Oo u dhexeeya Xoogaga golaha maxaakiimta islaamka soomaaliyeed iyo
Ciidamada Ethiopia ayaa Arbacadii ku dhex maray deegaanada buuraleyda ee Nuur
fanax iyo garasiyaani oo kawada tirsan gobolka Hiiraan Halkaasoo ay ka dhasheen
dagaaladaasi Khasaare nafeed iyo mid kaleba .
Amiin Daacad oo kamid ahaa Xoogaga Al-shabaab ayaa la xaqiijiyey inuu ku
shahiiday dagaalkaasi islamrkaana ay ciidamada Ethiopia ka geeriyoodeen in ka
badan 4-askari sida uu xaqiijiyey Afhayeenka xoogaga halkaasi ka dagaalamyey
Iyadoo sidoo kalena laga gubay Sadex gaari Oo ay laheeyeen ciidamada Ethiopia Oo
mid kamid uu ahaa Nooca biyaha Qaada ee Booyada loo yaqaano halka kuwa kalena ay
ahaayeen Noocyada ciidamada Qaada Ee Uralka loo yaqaano.
Sidoo kale Dagaalkan oo ka bilowday ciidamada ethiopianka ah oo kasoo kicitimay
magaalada Buulo-burde islamrkaana kusii jeeday magaalada Beledweyne ayaa waxaa
jid gooyo ku sameeyey Xoogaga Midowga maxaakiimta halkaasoo ay Khasaare ba,an u
gaysteen islamrkaana dagaalkaas oo ahaa mid laysu gabal dhacsaday ayay jireen
khasaare soo gaaray dad rayid ah oo xoolo dhaqato ahaa oo uu sameeyey dagaalkasi
.
Dhinaca kale dagaalada Soo Noq-noqday ee badanaaba ka dhaca Buuraleyda Gobolka
Hiiraan ee u dhexeeya Xoogaga Midowga maxaakiimta iyo ciidamada Ethiopia ayaa la
sheegayaa inay Guulo la taaban karo kasoo hooyeen xoogaga maxaakiimta sida ay
sheegayaan dadka ku dhaqan deegaanada dagaaladu ka socdaan.
Mana jiraan maamul ka taliya inta u dhaxaysa dhuuso dhuuso mareeb ilaa Jowhar oo
ah xarunta gobolka shabeelada dhexe oo ay maalin ka Hor kusoo rogaal celiyeen
Midowga maxaakiimta islamrkaana Howlgalo amaan sugid ah ka sameeyeen
Magaalada Jowhar Ee Xarunta Shabeelada Dhexe Oo Loo Sameeyey Ciidamo Madani ah
Oo Ka Amar Qaata Maxaakiimta ISlaamka
Waxaa Dhowaanahanba Ku hareeraysnaa magaalada Jowhar ee xarunta Gobolka
Shabeelada Dhexe Xoogaga Midowga maxaakiimta Kuwaasoo maalin ka hor ka sameeyey
magaaladaasi Howlgalo amaanka lagu sifaynayo islamarkaana kusoo qabqabtay Burcad
dadka jidka u geli jiray iyagoo isla Magaaladaasi Jowharna U sameeyey Ciidamo
Wata dirays U gaar ah Oo Madani ah .
Ciidamadani loo sameeyay Sugida amaanka Magaalada Jowhar ee gobolka Shabeelada
dhexe ayaa maanta Lagu arkayey Gudaha magaalada Jowhar iyagoo ku gaaf wareegaya
suuqyada iyo meelaha laga dukmaaysto ee magaalada Jowhar .
Sidoo Kale Ciidamadani oo la sheegay in ay gacan ka helayaan Xoogaga Maxaakiimta
Islaamiga Somaliyed ayaa Habeenkii xalay ahaa Degey Saldhigii Hore ee Ciidanka
Boliiska Ee Jowhar kuwasoo durba wax ka bedelay amaanka magaaladaasi oo
Mudooyinkii ugu dambeeyey ay hareeyeen amaan xumo baahsan oo ay shacabka u
gaysnayaan Burcad hubaysan oo Jidgooyo dhigta
Ciidamadan Madaniga ah ee ay saameeyeen Golaha maxaakiimta islaamka Soomaaliyeed
oo iyagu si tartiib tartiib ah Durba Ula wareegay Meelo badan oo ka katirsan
Koonfurta iyo barymaha soomaaliya ayaa waxay kusoo beegmayaan Xili ay dadka
deegaanka shabeelada Dhexe ay saamayn xoogan Ku yeesheen amaan xumi baahsan oo
ka dhalatay xarig jiidadka siyaasadeed ee u dhexeeya Ciidamada Huwanta ee
dowlada iyo ethiopia iyo Xoogaga iska soo horjeeda oo iyagu Mudo ku hardamayey
magaalada Jowhar iyo Qaar ka Tirsan gobolada Dersika la ah waloow ay iminka U
awood roonaadeen xoogaga maxaakiimta islaamka soomaaliyeed.
Yaasiin Maxamed Faytin
Yaasiinfaytin@hotmail.com
Faafin: SomaliTalk.com | May 9, 2008 | 
Daabaco
Boggan | Print
Soomaalida
Iswiidhen oo si
C/Laahi Yuusuf oo Saxiixiisa ku biiriyey Shirkadaha
Gen. Cadde ugu Yeero Jirrida
Qoditaankii
Shidaalka Puntland oo dib loo dhigay (Muddo aan la cayimin)