Barnaamijkii Radio
Xoriyo
21 Jun 2008.
Dagaallo lagu jabiyay
ciidammada gumaysiga
Dil iyo xidhay gumaysigu
u gaystay dadwaynaha
Dagaallada Afrika iyo
Aasiya oo kordhiya qoxootiga adduunka.
Hawlgalkii GULUF oo
taageero iyo riyaaq lagaga soo dhaweeyey dacalada aduunka.
Jaaliyadaha Ogadenya ee
Waqooyiga America oo hambalyo iyt bogaadin ku aadan hawlgalkii GULUF
hawada u marinaya ciidanka qalabka sida ee
ogadenya.
======================
Dagaallo lagu jabiyay
ciidammada gumaysiga
Shan maalmood gudohood
dagaallo kala duwan oo dhex-maray CWXO iyo kuwa gumaysiga Itoobiya waxaa
ciidammada gumaysiga lagaga dilay ugu yaraan 29 askari, waxaa sidoo kale
lagaga dhaawacay 20 askari, sidaas waxaa noo soo tabiyay wariyaha nooga
soo warrama dalka Ogaadeenya. Dagaalladaasi waxay u dhaceen sidatan;
19/06/08 ciidammo gumaysigu
leeyahay oo hawlgal u tegay meesha lagu magacaabo Carbadhis, oo
Dhagaxbuur ka tirsan, ayaa weerar lagu qaaday, waxaana weerarkaas lagaga
dilay 2 askari, 3 kalana waa lagaga dhaawacay.
17/06/08 weerar lagu qaaday
ciidammo gumaysigu leeyahay oo ku sugnaa Far-dhiig, oo Qabridaharre ka
tirsan, waxaa lagaga dilay 2 askari, 1 kalana waa lagaga dhaawacay.
16 iyo 13/06/08 dagaallo ka
dhacay Darida, oo ka tirsan degmada Xamaro, waxaa ciidammada gumaysiga
lagaga dilay 10 askari, 6 kalana waa lagaga dhaawacay.
15/06/08 labo dagaal oo ka
kala dhacay Dhoofa iyo Haar-Dhagax, oo Dundumo-Cadka ka tirsan, waxaa
ciidammada gumaysiga lagaga dilay 11 askari, 8 kalana waa lagaga
dhaawacay.
Isla 15/06/08 dagaal
isaguna ka dhacay Shabeeley, oo ka tirsan degmada Qabridaharre, waxaa
ciidammada gumaysiga lagaga dilay 4 askari, 2 kalana waa lagaga
dhaawacay.
Dhinaca kale ciidammo cusub
oo la keenay degmada Haar-cad, ka dib markii toddobaad ka hor ay CWXO
cagta mariyeen ciidammadii halkaas joogay, ayaa baxsad billaabay iyagoo
ka baqaya in CWXO ay mar kale ku soo rugaal celiyaan. Waxaa iyaguna
baxsad midkaas la mid ah billaabay malleeshiyooyin Dabaqoodhi ah oo ku
sugnaa meelo kala duwan oo ka tirsan gobolka Qorraxey, kuwaasoo
goʼaansaday inay xeryaha banneeyaan intayna CWXO ku soo kadinin.
Dil iyo xidhay gumaysigu
u gaystay dadwaynaha
Ciidammada gumaysiga
ayaa meelo kala duwan oo Ogaadeenya ka mid ah ku laayay dadwayne rayad
ah. Waxay sidoo kale meelo kala duwan ku xidhxidheen dad rayad ah oo aan
waxba galabsanin.
Marki ay taariikhdu
ahayd 16/06/08 waxay ciidammada gumaysigu ku dileen meesha lagu magacabo
Tawulane, oo Dhagaxbuur ka tirsan, nin shacab ah oo lagu magacaabo
Abshir Xuseen Cali.
14/06/08 Qurqura, oo ka
tirsan degmada Dhagaxmadow, waxay ciidammada gumaysigu hal Qori kaga
dhaceen nin shacab ah oo lagu magacaabo Macalin Nuur.
18 iyo 12/06/08
magaalada Shaygoosh waxay ciidammada gumaysigu ku xidhxidheen dadka kala
ah;
1- Sh Ismaaciil Xuseen Sugul
2- Cabdi-Madoobe Sh Xasan
3- Nuur Cartan
4- Tamaan C/llaahi Cumar
5- C/wahaab Sulub iyo
6- Ina Xasan Axmed oo magaciisa hore
aanaan haynin
16/06/08 magaalada Garbo
waxay ciidammada gumaysigu ku xidhxidheen dad rayad ah oo aan
magacyadooda ka helnay;
1- Xubi Cabdi Guud-cadde
2- Shugriya oo magaceeda oo buuxa aanaan
haynin
3- Sahra-Kiin Sh Bashiir iyo
4- Ruqiya Xuseen
12/06/08 magaalada
Jigjiga waxay ciidammada gumaysigu ku xidhxidheen dad shacab ah oo
badan, waxaana ka mid ah;
1-
Maxamuud C/samad
2-
Libaax Cabdi Xoosh
3- Axmed Xasan Khaliif
4- Shariif Anwar iyo
5- Axmed Xubi Sh Cali
08/06/08 Fiiq waxay
ciidammada gumaysigu ku xidhxidheen dadka kala ah;
1- Xaliimo Mahad
2- Aamina Maxamed Dakharre iyo
3- Jawhar Axmed Yuusuf
Dhinaca kale
cunaqabataynta ay ciidammada Itoobiya ku hayaan dalka Ogaadeenya muddo
sannad ka badan iyo roobabkii Guga oo aan si fiican uga diʼin guud
ahaanba gobollada Ogaadeenya, ayaa laga yaabaa inay horseedaan
dhibaatooyin baʼan oo dadwaynaha la soo gudboonaada. Waxaa laga cabsi
qabaa in dalka ay ka dhacdo abaar si wayn u waxyeellaysa dadka duunyada
labadaba.
Dagaallada Afrika iyo
Aasiya oo kordhiya qoxootiga adduunka
Dagaallada ka socda
qaybo ka mid ah qaaradaha Afrika iyo Aasiya ayaa horseeda inay si
siyaado ah kor ugu kacdo tirsada qoxootiga adduunka, sidaas waxaa
khamiistii daboolka qaaday Hayʼada Qaxootiga Adduunka ee UNHCR.
Hayʼadda UNHCR waxay
sheegtay in dagaallada ka socda meelaha ay ka midka yihiin Soomaaliya,
Darfur, Chad, Congo, Ciraaq, Afganistan iyo Lubnaan ay si aad ah u
kordhiyaan tirade qoxootiga adduunka, isla markaana ay wiiqaan dadaalka
ay ururada samafalka ahi ugu jiraan gacan qabashada dadka dunida ku
tabaalaysan.
Madaxa ugu sarreeya
Hayʼadda UNHCR Antonio Guterres ayaa mar uu khamiistii booqasho ku tagay
xerada Qoxootiga ee Dhadhaab, wuxuu sheegay in Hayʼadda uu madaxda ka
yahay ay baahi ballaadhan u qabto dhaqaale saaʼid ah. Wuxuu kaloo intaas
ku daray in sannadkii hore ee 2007 qoxootinimo loo aqoonsaday dad ay
tiradoodu gaadhayso 11.4 milyan oo qof, halkii sannadkii ka horreeyay ee
2006 qoxootinimo loo aqoonsaday 9.9 milyan oo qof.
Shalay oo jimce ahayd
waxay ku aaddanayd Maalinta Qoxootiga Adduunka, sidaas darted ayuu Mr
Guterres u booqday xerada qoxootiga ee Dhadhaab, si uu beesha caalamka
ugu baraarujiyo dadka ka soo qaxay dagaallada ka socda gobolka Geeska
Afrika ee halkaas qoxootiga ku ah.
Ugu yaraan 1 milyan oo
qof oo ka soo qaxat dagaallada Soomaaliya ka socda ayaa ku sugan xeryaha
qoxootiga ee Kenya. Hayʼadda UNHCR ayaa sheegtay in bil walba ay Kenya
qoxootinimo u yimaadaan 4000 oo Soomaali ah, taasoo horseeday in
qoxootiga Dhadhaab ku sugan, oo markii hore ahaa 20,000 ay sannadkan
gudihiisa noqdaan 200,000.
Bilihii ugu denbeeyay
waxaa sidoo kale xeryaha qoxootiga ee Kenya ku soo qulqulayay dad ka soo
qaxay xasuuqa ay ciidammada Itoobiya ka wadaan dalka Ogaadeenya.
Qoxootiga Ogaadeenya ee bilihii u denbeeyay tegay xeryaha qoxootiga ee
Kenya ayaa la rumaysan yahay inay aad u badan, in kastoo aan wali si
dhab ah loo tirakoobin.
21
Jun 2008
Axmed Gaal-Eri
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa Mawjadda 41 MB ee dhererkeedu
yahay 7560 KHZ,iyo internetka
Radioxoriyo.com,Ogaden.com
Maalmahaa Talaadada & Sabtida 5:00PM – 5:30 waqtiga Afrikada Bari