Shirkada Is Gaarsiinta ee Golis ayaa soo bandhigay Adeeg Cas
Bosaso:-Shirkan jaraa’id oo ay qabteen Masuuliyiinta ugu sareysa Shirkada
Isgaarsiinta Ee Golis ayeey ku faah faahiyeen adeegyo hor leh oo ay shirkadu ku
soo kordhisay adeegyadii ay hore u qaban jirtay Sida Adeeg Loogu Magac daray ku
Mushaax( Roaming mobile System) Oo ah Adeeg Macmiilka u suurta galinaya in uu
Simcardka shirkada Golis Ku isticmaali karo meel kasta oo Somalia ka mid ah ,
hadana lagu sii bilaabay gobolada Somaliland sida uu sheegay Maareeyaha Guud ee
Shirkada Golis Aadan Sheekhdoon Cali.
Maamulka Guud ee Golis
Mr. Aadan Sh Doon Waxa uu sheegay in adeega isgaarsiineed ee golis dhawaan la
gaarsiin doono Deegaano kale Oo hor leh oo ku yaala bariga Somalia sida Hurdiya,
Xaafuun iyo Iskushuban , dhanka Nugaalna Sunijiif, Godobjiran, Kalabayr,
Xasbahale, awrculus iyo meelo kale , iyadoo dhinaca Soolna la furi doono dhowaan
deegaano balaaran oo ay ugu horayso Caasimadda gobolkka Sool ee Laascaanood &
Sarmaanyo
Farax Xaaji Mire oo ah madaxa Xiriirka dadweynaha & Dawladda (public Relations )
ee Shirkada Golis ayaa isna dhiniciisa tilmaamay in shirkadu ay kala qayb qaadan
Doonto Dowlada hoose Ee Bosaso Daminta dababka iyo hawlaha amniga, wuxuuna xusay
in magaalada Bosaso la gelin doono layman leh adeegyo dheeraad ah oo lagala
xiriiro hawlaha amniga , sidoo kalena ciidanka Booliska , dabdamiska iyo
d/hooseba hawlahaas laga kaalmayn doono lana siin doono lambaro gaagaaban oo
kuwa caalamka oo kale ah
Qaar ka mid ah Maamulka Degmada
Cumar Ciise Maxamed (Faaruuq ) oo ah madaxa Ganacsiga & Suuqgeynta Shirkadda
Golis ayaa isna tibaaxay In shirkada isgaarsiinta ee golis Magaalooyinka
qaarkood ay ugu dartay Adeeg Ah koronto Hadh Iyo habeen ah , sidoo kale wuxuu
sheegay in adeegga Xogmaal lagu kordhiayay waxyaabo hor leh sida in laga
isticmaali karo Mobilka dirista Email-da.
Qaar ka mid ah Masuuliyiinta Golis
Duqa Degmada Bosaso oo goob jog ka ahaa shirkaasi ja’raaid ee ay qabsadeen
Madaxda Shirkada Isgaarsiinta ee Golis Ayaa ku amaanay shirkada Golis sida wacan
ee ay u gacan qabanayso Maamulka Degmada Isaga oo si gaar ah ugu soo qaatay
Qaabka ay golis shaqaalaheedu ay uga qayb qaadanayaan Daminta Dabka kaca oo ay
dhinac socon doonaan shaqaalaha Dowlada Hose ee Bosaso ee Arimahaasi hore u qaba
jiray
qaar ka mid ah shaqaalaha Golis
Xildhibaan C.xakiin Xaaji Mahamed Dhobadaareed ayaa isna dhiniciisa ku amaanay
Golis dadaalkeeda Ku aadan Horumarka Iyo Caawinaada Lacag la’aanta ah ee ay Ka
geysanayso arimaha Horumarka degaanka.
Meel Bosaso u jirta 15 KM ayaa waxa uu mudooyinkii dambe tababar halkaasi uga
socday Shaqaale hoos tagi doona golis kuwaasi oo ka qayb qaadanaya Daminta
Dababka Bosaso ka kaca Oo ay Dowlada Hoose ka caawin doonaan Arinkaasi Iyada oo
goobta tababarku ka socdayna ay maanta booqdeen Madaxda Shirkada Golis Iyo
Maamulka Degmada Bosaso Halkaasi oo Shaqaalaha tababarku uga socday ay ku soo
bandhigeen Wixii Ay Barteen
Jaamac Ayaanle Feyte
Feyte37@hotmail.com
Faafin: SomaliTalk.com | June 20, 2008
Daabaco
Boggan | Print
Kalfadhigii 20aad ee Golaha Wakiillada Puntland oo Ka
Furmay Garoowe...
