Madaxa Qaxootiga Aduunka Antoni
Gatret oo sheegay in uu ku gaaray
darajada uu maanta gaarsiisanyahay wixii
uu ka soo bartay intii uu magaalada
Muqdisho shaqo ku joogay
20 bishaan June 2008 ayaa waxaay tahay
xuska maalinta Qaxootiga Aduunka haddaba
is diyaarin weyn ayaa ka socda xeryaha
Qaxootiga eek u yaala Gobalka Waqooyi
Bari ee Dalka Kenya xeryaha 3da ah eek u
yaala deegaanka dhadhaab Ifo, Dhagaxley
iyo Xagardheer ayadoo xero cusub oo
loogu magacdaray jubba la furay Maanta.
Saacada markeey aheyd 10:00 subaxnimo
geeska afrikada bari ayuu ka soo dagay
garoonka diyaarada ee magaalada dhadhaab
madaxa Qaxootiga Aduunka ee Antoni
Gatret, wuxuuna ku soo beegmay xili la
furayay xero cusub oo qaxooti ayadoo
diiwaan galin ka socoto xeradaasi waxaa
safarkiisa ku wehliyay wasiirka laanta
socdaalka ee Dalka Kenya Mr. Antoni
Krijwa, wasiir ku xigeenka howlaha
bulshada ee dalkani Kenya Aadan Sugow
Axmed iyo saraakiil kale,
Marka uu hore ka yimidba wuxuu bilaabay
in uu booqdo goobo aay ka mid tahay
xereda cusub ee Qaxootiga Muqdisho ka
soo qaxay loogu tala galay, Isbitaalka
Xerada Qaxootiga Ifo, wuxuu kaloo
booqday Dugsiga hoose ee ifo wuxuuna
isla maanta xariga ka jiray Dugsi cusub
kaas oo aay wax ka baran karaan arday
gaaraysa ilaa iyo 800 oo arday.
Waxaa xerada Qaxootiga isugu yimid
dhamaan Qaxootiga ku noolaa xeryaha
Qaxootiga ee halkaasi ku yaala ayagoo
doonaya in aay cabashadooda u gudbiyaan
Mr. Antoni, waxyaabaha ugu daran aay ka
cabanayaan waxaay aheyd Hablaha waqtiga
aay isbitaalka ku umulayaan in ilmaha
lagu qalo ayagoo raali aan la aheyn
taasina aay tahay dhibka ugu badan aay
ka cabanayeen ayagoo cabasho kale oo
fara badan sheegay waxa aay haystaan
waxaay ku tilmaameen in aay tahay
waxbarasho iyo nabadgelyo oo kaliya iyo
biyo yar oo si dhib ah aay ku helaan
nolosha inteeda kale waxaay sheegeen in
aay aad ugu liidato ayagoo tilmaamay
guryaha aay ku noolyihiin in aay aad u
liitaan.
Waxaa qudbad kala duwan halkaa ka
jeediyay dhamaan mas’uuliyiintii halkaa
isugu yimid Mr. Antoni o qudbad dheer oo
meelo badan taabanaysay ka jeediyay
halkaasi ayaa sheegay asagoo markii hore
u mahadceliyay dowlada Dalkani Kenya oo
uu ku tilmaamay in aay Qaxootiga soo
dhaweysay ilaa iyo haddana diyaar u
tahay in aay soo dhaweyso, wuxuu kaloo
sheegay in uu aad ugu xunyahay
dhibaatada dagaalada iyo waxyaabaha ka
socda magaalada muqdisho asagoo sheegay
in intii uu magaaalada Muqdisho joogay
uu waxyaabihii uu ka bartay halkaasi aay
gaarsiisay maanta in uu madax ka noqdo
Qaxootiga Aduunka wuxuuna balanqaaday in
uu waxwalba u Qabandoono dhamaan
Qaxootiga Kenya ku sugan Magaalada
Muqdishana aay wax ka qabandoonaan
asagoo sheegay in jecleyn maanta in uu
hadlo kuna soot ala galay in uu wax
dhageysto oo kaliya.
Waxaa kaloo halkaasi ka hadlay Wasiir ku
xigeenka howlaha Dadweynaha Aadan Sugow
Axmed oo laga soo doorto degaanka Faafi
ayaa wuxuu sheegay in aay soomaali meel
walba aay joogto aay soomaali tahay
wuxuu yiri “anaga dhanka Kenya ayaan ku
noolnahay adinkana dhanka soomaaliya
ayaa ku nooshihiin walaalo ayaanu nahay
soomaali Kenya ku nool iyo soomaali
soomaaliya ku nool waa wada soomaali dan
idinkuma jirto in aad halkaan Qaxooti ku
ahaataan waligiin oo biyo iyo Raashin
wax la idinku siiyo waa in laga
shaqeeyaa sidii soomaaliya nabad u noqon
laheyd oo soomaaliya aad ugu noqon
laheedeyn anagana waan ka shaqeeynaynaa
adinkana waa in aad ka shaqeysaan
Dadkii Soomaalida ahaa ee Qaxootiga ahaa
Qudbadiisa oo meelo badan taabanaysay
aad ayay u soo dhaweeyeen. Wayna u
sacabtumeen.
Eng. Mohamed Isse (Malaysia) Garissa
Tel: 254723834419
malesia73@hotmail.com