London: Mudaaharaad looga soo
horjeedo BUSH
Mudaaharaad
Balaaran oo looga soo horjeeda
booqashada BUSH ee dalkan Britan ayaa ka
dhacday kasoo horjeedka aqalka loga
arimiyo dalkan Britan, halkaasoo ay
isugu soo baxeen kumaankun dad ah oo ka
kala yimi daafaha dunida. Dadkaas waxaa
qayb ka ahaa mushtamaca Soomaalida oo ka
xumaa imaanshihiisa London, maadaama uu
yahay danbiile dagaal oogeystay xasuuq
shacbi, bara kicin iyo shirqoolo
siyaasadeed oo ay ku nafwaayeen dad fara
badan oo Soomaali ah. Maadaama uu
dhaqaale ku taageerayay ciidamada
cadowga Ethiopia iyo dagaal oogeyaasha
kumeel gaarka Soomaaliya oo ay Ethiopia
wadato.
Hadaba waxaa sidoo kale halkaas isugu
yimi xubno sarsare oo ka tirsan
Baarlamaanka dalka Britan iyo xisbiyo
siyaasadeed oo uu ka mid yahay Goerge
Galloway, Lendsy German. Waxaa sidoo
kale halkaasi ka hadlay wakiilo ka kala
socda ururada xuquuqda mushtamacaadka
Iraq, Afganistan, Falastiin iyo
Soomaaliya.
Dhinaca Soomaalida waxaa u hadlay Duale
Isse Yusuf oo ah, gudoomiyaha Golaha
Dhalinyarada Soomaaliyeed ee Europe ahna
gudoomiye ku xigeenka Golaha
Dhalinyarada Soomaaliyeed ee UK. Wuxuuna
tibaaxay gaboodfalkii iyo tacadigii ay
geysteen dagaalkii dhiigu ku daatay ee
uu dhaqaalaha ku bixiyay BUSH isla
markaasna ay garwadeenada ka ahaayeen
TPLF ta Ethiopia iyo Dagaal oogeyaasha
kumeel gaarka ah ee Soomaliya. Duale
wuxuu tixraac usoo qaatay barnaamijkii
abaalgudka muteystay ee (Warlord Next
Door) iyo warbixintii Amnesty
International ee ku aadanayd tacadiga
iyo casuuqa shacbi ee ay gaysteen
Ethiopia iyo dagaal oogeyaasheeda.
Abdullahi Ali Hiirad
Hogaanka Siyaasada iyo Xiriirka
dadweynaha.
hiirad7@hotmail.com
www.somaliyouth.net
info@somaliyouth.net