Senator Coleman oo warqad Kenya ku saabsan u qoray US
Assistant Secretary of State for Africa Ms. Frazer.
Ka dib markii ay xubno ka tirsan jaaliyadda reer Kenya ee Minnesota ka
codsadeen inuu gaarsiiyo dareenkooda state department iyo inuu cadaadis
ku saaro maamulka Bush inuu ka qayb qaato dejinta Kenya iyo u hiilinta
cadaaladda; Senator Norm Coleman oo ka tirsan US Senate guddigiisa
arrimaha dibadda waxaa uu qoray warqad dheer oo uu ku codsanayo in marka
hore gargaarka la siinayo Kenya la kordhiyo. Senator Coleman ayaa waxaa
caado u noqotay inuu jaaliyad walba ha yaraato ama ha badnaato codkooda
gaarsiiyo Washington DC.
Senator Coleman waxaa kale oo uu cadeeyey ama ku raacay xaqiiqda ah in
shacabka reer Kenya la qiyaameeyey oo ay sireen siyaasiyiin.
Senator Coleman waxaa kale oo uu walaac ka muujiyey xaaladda qaxootiyada
Soomaalida iyo Afrikada kale ka yimid ee jooga Kenya, waa sida ay u soo
gudbiyeen jaaliyadda Soomaaliyeed ee Minnesota. Jaaliyadda reer Kenya ee
degan Minnesota ayaa lagu qiyaasaa ilaa 10,000.
Warqadda Senator Coleman oo
dhamaystiran halkan ka aqriso
Xafiiska
Coleman, MN
Faafin: SomaliTalk.com | Jan 14, 2008