Barnaamijkii Radio Xoriyo
12 Jenuary 2008.
Wargelin
Gudoomiyaha Web-Site-ka 4 Somali Women Tariik Axmed Cilmi waxay
ku wargelineysaa Dhamaan Akhristayaasha Web-ka in uu Hawada uga
maqan Yahy Cilad Farsamo sida ugu dhaqsiyaha badan dib ugu soo
laaban doono , webkan ayaa inta badan ka hadla arrimaha Haweenka
iyo caruurta sidoo kale waxaa lagu soo bandhigaa waxqabadka
ururka SWACRO hadaba sidaa ula socda Akhristayaasha
mahadsanidiin |
Dagaallo lagu jabiyay ciidammada cadowga.
Waxyeellooyin gumaysigu u gaystay dadwaynaha.
Macaluul ka dhalatay xiisadaha Kenya.
Barnaamijkii Aragtida
Halgamaaga(Dhaqanka Halgamaaga)....
======================
Dagaallo lagu jabiyay ciidammada cadowga.
Wariyaha RX uga soo warrama dalka Ogaadeenya ayaa noo soo sheegay
dagaallo badan oo si wayn loogu jabiyay cidammada saama la-luudka ah ee
gumaysiga Itoobiya. Dagaalladaasi waxay u dheceen sidatan;
07/01/08 dagaal aad u adag oo ka dhacay Goosay-waab, oo u dhaw magaalada
Qorile ee degmada Dannood, waxaa ciidammada gumaysiga lagaga dilay 16
askari, 9 kalana waa lagaga dhaawacay.
Isla 07/01/08 dagaal ka dhacay Caano-kulul, oo ka tirsan Godey, waxaa
ciidammada gumaysiga lagaga dilay 3 askari, 7 kalana waa lagaga
dhaawacay.
Sidoo kale 07/01/08 dagaal ka dhacay meesha lagau agacaabo Gabro-dheer
waxaa ciidammada gumaysiga lagaga dilay 4 askari, 6 kalana waa lagaga
dhaawacay.
06/01/08 dagaal ka dhacay Gol-shabeel, oo ka tirsan degmada Sagag, waxaa
ciidammada gumayisga lagaga dilay 2 askari, 3 kalana waa lagaga
dhaawacay.
05/01/08 Boholaley, oo ka tirsan Dhagaxbuur, dagaal ka dhacay waxaa
ciidammada gumaysiga lagaga dilay 3 askari, 4 kalana waa lagaga
dhaawacay.
Isla 0501/08 dagaal ay CWXO iyo kuwa gumaysigu iskaga horyimaadeen
meesha lagu magacaabo Hinsaraarka waxaa ciidammada gumaysiga lagaga
dilay 9 askari.
Sidoo kale 05/01/08 dagaal aad u qallafsan oo ka dhacay Gujiska, oo ka
tirsan degmada Dhagax-madow, waxaa ciidammada gumaysiga lagaga dilay 30
askari, waxaa sidoo kale lagaga dhaawacay 21 askari.
04/01/08 cutub ka tirsan CWXO ayaa weerar mir ah ku qaaday ciidammo
gumaysigu leeyahay, oo ku sugnaa Isku-dhoonka, oo u dhaw magaalada
Qorile ee degmada Dannood, waxayna u gaysteen khasaare aan
faahfaahintiisa la haynin.
Isla 04/01/08 waxaa weerar lala beegsaday ciidammo gumaysigu leeyahay oo
ku sugnaa Madax-adhi, oo Qorile u dhaw, waxaana lagaga dilay 3 askari.
03/01/08 Dagaal CWXO iyo kuwa gumaysiga ku dhex maray Garrida, oo
Galaalshe ka tirsan, waxaa ciidammada caga-jiidka ah ee gumaysiga
Itoobiya lagaga dilay 4 askari, 3 kalana waa lagaga dhaawacay.
Isla 03/01/08 dagaal isaguna ka dhacay meesha lagau magacaabo Glaalaha,
oo ka tirsan degmada Galaalshe, waxaa ciidammada gumaysiga lagaga dilay
2 askari, 2 kalana waa lagaga dhaawacay.
03/01/08 dagaal isaguna ka dhacay Waafdhuug, oo ka tirsan gobolka
Doollo, waxaa ciidammada gumayisga lagaga dilay 3 askari.
Sidoo kale 31/12/07 dagal adag oo ka dhacay Laan-jaleelo, oo u dhaxaysa
caado iyo Dannood, waxaa ciidammada gumaysiga lagaga dilay 12 askari, 3
kalana waa lagaga dhaawacay inta la ogyahay.
Waxyeellooyin gumaysigu u gaystay dadwaynaha.
Ciidammada gumaysiga Itoobiya ayaa waxyeellooyin kala duwan u gaystay
dadwayne rayad ah. Waxayeellooyinkan ayaa isugu jira dil, xidhay,
jidhdil iyo dhac.
07/01/08 ciidammada gumaysiga Itoobiya ayaa Goosay-waab, oo u dhaw
magaalada Qorile e degmada Dannood, ku dilay nin shacab ah oo lagu
magacaab Daahir Cabdi Hoorri
05/01/08 waxay ciidammada gumaysigu magaalada Qamuuda ku dileen nin
wadaad ah oo lagu magacaabo Sh C/llaahi.
03/01/08 waxay ciidammada gumaysigu Galaalaha, oo ka tirsan degmada
Galaalshe, ku dileen nin shacab ah oo lagu magacaabo Maxamed Muxumed
Dhagey.
02/01/08 meesha lagu magacaabo Caano-kulul, oo Godey ka tirsan, waxay
ciidammada gumaysigu ku dileen Hooyo aanaan magaceeda helin, waxay sidoo
kale dhaawac gaadhsiiyeen wiil yar oo ay xanbaarsanayd. Waxay kaloo
halkaas ku laayeen 80 Neef oo Adhi ah iyo 15 Neef oo Geel ah.
09/01/08 waxay ciidammada gumaysigu ka soo qaqateen Bashuuro, oo Sagag
ka tirsan, dadwayne rayad ah oo ay ku xidhxidheen magaalada Fiiq.
Dadkaasi waxay kala yihiin;
1- Sawda Ibraahim Oomaar
2- Xabo C/nuur iyo
3- Ibraahim Maxamed Daahir
04/01/08 waxay ciidammada gumaysigu magaalada Dhagaxbuur ku xidhxidheen
dad shacab ah oo aad u badan, kuwaasoo ay ku jiraan odayaal tiradoodu 80
gaadhayso. Dadka maalintaas la xidhxidhay waxaa ka mid ah;
1- Axmed-nuur Cabdi Cali
2- Rabiic Macalin C/llaahi
3- Cali Aaden Cumar
4- Maxamuud Cali Gaaciye
5- Khadar Xaashi
6- Suldaan Axmed
7- Cali-wayne oo magaciisa oo buuxa aanaan haynin
8- Aar C/llaahi
9- Cismaan Xasan Nuur iyo
10- Cali Geelle
02/01/08 wxay ciidammada gumaysigu sidoo kale magaalada Dhagaxbuur ku
xidhxidheen dadka kala ah;
1- Cabdi-dhuux oo magaciisa oo buuxa aanaan haynin iyo
2- Maxamed haybe
28/12/07 ciidammada gumaysiga ayaa dadwayne rayad ah dhac iyo jidhdil
ugu gaystay Qarjajabo, oo ka tirsan degmada Dhuxun. Dadka dhaca iyo
jidhdilka loo gaystay waxay kala yihiin;
1- Muus Macalin Maxamed oo 600 oo Bir laga dhacay
2- Bishaar C/llaahi Nasteex oo 4000 oo Bir laga dhacay iyo
3- Shukri Bashiir iyo
4- Cabdi Asad Mukhtaar oo iyaga jidhdil ba’an loo gaystay.
Dhinaca kale magaalada Godey waxay ciidammada gumaysigu ka wadaan olole
naxariis darro ah, waxayna Ganaax 1500 – 3000 oo Bir u dhexeeya saareen
ganacsatada magaalada, iyagoo dadka ku qasbaya inay sameeyaan
malleeshiyo la hawlgasha ciidammada gumaysiga.
Macaluul ka dhalatay xiisadaha Kenya.
Qaramada Midoobay ayaa sheegtay in ugu yaraan 500,000 oo Kiinyaan ah ay
u baahan doonaan gargaar cunto oo degdeg ah, ka dib markii ay waddanka
Kenya ka billowdeen xiisado ka dhashay khilaafka la isku khilaafay
natiijada doorashadii madaxtinimada dalkaas ee la qabtay daba-yaaqadii
bishii hore.
Qaramada Midoobay waxay ku talajirtaa inay toddobaadka soo socda gargaar
cunto gaadhsiiso qiyaastii 250,000 oo qof oo xiisadaha colaadeed ay ku
qasbeen inay guryohoodii ka qaxaan, hase yeeshee waxay deeq bxiyayaasha
caalamka ugu baaqday inay gacan ka gaystaan dhibaatadan.
Qaramada Midoobay waxay ka cabsi qabtaa in dhibaatadu ay gaadho heer aan
waxba laga qaban Karin haddii ay sii socdaan xiisadaha colaadeen iyo
cunta la’aanta dalka ka jirta.
Mucaaradka Kenya ayaa jimcihii ku baaqay in dib loo billaabo
bannaanbaxyadii lagu diiddanaa guusha uu madaxwayne Kibaki sheegtay.
Mucaaradka ayaa baaqan jeediyay, ka dib markii ay guuldarro kala
dheelmadeen masuuliyiin meelo kala duwan ka yimid oo isku dayay inay
dhexdhexaadiyaan mucaaradka iyo dowlada.
Ugu yaraan 500 oo qof ayaa ku dhintay dagaallo qabiil oo ka dhashay
muranka lagu muransan yahay natiijada doorashii madaxtinimada Kenya.
Radio Xoriyo
12 Jenuary 2008
Axmed Gaal-Eri
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa Mawjadda 41 MB ee dhererkeedu
yahay 7560 KHZ,iyo internetka Radioxoriyo.com,Ogaden.com Maalmahaa
Talaadada & Sabtida 7:00PM – 7:30 waqtiga Afrikada Bari
Faafin: SomaliTalk.com | Jan 13, 2008