Maxamed Dheere Oo Qaxooti Deganaa Xeeradii Buulo Tikniko Ku Amray
Inay Mudo 24-Saacadood Kaga Guuraan.
- Qaar Ka tirsan Wadooyinka Magaalada Muqdisho Oo Taadadii ay
Xireen Ciidmada Ethiopianka .
Guddoomiyaha Gobolka banaadir maxamd cumar xabeeb (maxamed dheere)
ayaa maanta Wareegto kasoo baxday xafiiskiisa waxuu ku amray in mudo 24-
saacadood gudahood ah lagaga guuro deegaanada xeradii buulo tikniko oo
ay degan yihiin dad qaxooti ah oo ka soo barakacay meelo kamid ah
gobolada koonfurta soomaaliyeed.
Maxamed Dheere ayaa wareegtadiisan waxaa ku xusnayd in goobtaasi laga
dhigi doono iskuulo wax barahso lamana oga in dadkaas qaxootiga ah ee u
badan maato caruur iyo haween ah oo an waxba haysan meesha ay aadi
doonaan .
Afhayeenka gudoomiyaha gobolka banaadir Cabaas galeyr ayaa saxaafada u
sheegay in sababaha loo rarayo dadkan qaxootiga ah ay tahay in xerada
laga dhigayo goobo waxbarasho, islamrkaana la dhisi doono waa siduu
hadalka u dhigayo.
Qaar ka tirsan dadka soo barkacay ee ku sugan goobtaasi ayaa walaac
xoogan ka muujiyay xiligan oo ay magaalada muqdiso ku jirto xili adag
inay ku adag tahay halka iyo meesha ay aadi doonaan islamrkaana k
murugooday arintan kasoo baxday xafiiska gobolka banaadir.
Qoysaskan oo kasoo barakacay gobolada dalka gaar ahaan gobolka bay
iyo bakool ayaa gaaraya ilaa boqolaal qoys oo deganaa in mudo ah
islamrkaana aan haysan wax hanti ah .
Nin U shaqaynayey Hay,ada Sam sam oo Kamid ah Hay,adaha Samafalka
Oo La Diley.
Masuul ka tirsan Hay'ada Sam Sam oo ka howl gasha magaalada muqdisho
ayaa lagu dilay deegaanka geed qalooc ee degmada yaaqshiid ,
Dilka ninkan ayaa waxaa fuliyay labo nin oo ku hubaysan Bastoolado
islamrkaana rasaas madaxa kala beegsaday, sida ay sheegeen dadka
degananaa agagaarka dilku ka dhacay.
dilka kadib ayaa waxaa goobtaasi ka qaaday meydkaasi ehelda
marxuumkaasi iyadoo ay baxsadeen nimankii dilkasi geystay .
Ma cada sababta dhabta ah ee ka dambaysa dilka ninkaasi u shaqaynayey
hay,ada Sam sam oo ah hay,adaha samafalada ah ee fahdigeedu yahay
magalada caasimada ah ee muqdisho.
yaasiin faytin
yaasiinfaytin@hotmail.com
Faafin: SomaliTalk.com | Jan 9, 2008
Qaar Ka tirsan Wadooyinka Magaalada Muqdisho Oo Taadadii ay Xireen
Ciidmada Ethiopianka .
Wadooyinka caasimada muqdisho qaarkood ayaa saaka ku waaberiistay
ciidamo ethiopian ah oo ku teedsan wadooyinkaas oo ay kamid yihiin
wadada wershedaha halkaasoo ay ciidamdaasi kawadaan baaritaano xoogan
islamrkaana waxaa hakad galay gawaarida BL-ka ee isaga kala goosha suuqa
weyn ee bakaaraha iyo degmooyinka kale ee caasimada iyo weliba gawaarida
yar yar sida gaarka ah loo isticmaalo.
Ciidamada Ethiopianka oo ku hubaysan gawaarida gaashaaman iyo weliba
hubka yar yar ayaa la sheegayaa inay xataa baaritaano ku hayaan dadka
shaqsiyaadka ah ee ku dhex lugaynaya wadadaasi taasoo ay hakad geliyeen
isu socodka wadadaasi dadka iyo gaadiidka isticmaalaya
Sidoo kale xiritaankla wadooyinkan ayaa ka dambaysay kadib markii
habeenkii xalay ay dagaalo ku dhex mareen xoogaga sida weyn uga soo
horjeeda siyaasada dowlada iyo ciidamada shisheeye iyo weliba ciidamada
ethiopia islamrkaana uu halkaasi ka dhacay dagaal laysu adeegsaday hubka
noocyadiisa kala duwan taasoo aysan weli cadayn qasaaraha dhabta ah ee
ka dhashay dagaaladaasi .
Dhinaca kale madaafiic habow ah ayaa habeenkii xalay ahaa ku habsaday
labo qoys oo kala deganaa degmada hodan iyo shibis taasoo uu ku
geeriyooday aabihii qoyskaasi islamrkana ku dhaawacmay wiil uu dhalay
aabahaasi geeriyooday ,halka la sheegay madfaca kale ee degmada shibis
ku dhacayna uusan gaysn wax qasaare ah .
Qaar ka tirsan dadka deriska ah ee qoyska madfacaasi ku soo dhacay
ayaa sheegay inay madaafiicdaasi aysan garanayn halka ay uga yimaadeen
islamrkaana ay sheegeen inaysan agagaarahooda wax dagaal ahi ka jirin
waloow ay sheegeen in badanaaba ay madaafiicda lagu duqeeyo magaalada ay
ridaan ciidamada ethiopianka ee degan duleedka caasimada muqdisho marka
xarumaha ay degan yihiin weerarada hubaysan lagu soo qaado.
yaasiin maxamed cali (faytin)
yaasiinfaytin@hotmail.com
Faafin: SomaliTalk.com | Jan 8, 2008