Garoowe. Masuuliyiinta Xisbiga Mucaaradka ah ee Ramaas RPP iyo
Saraakiisha Hay'adaha Caalamiga ah qaarkood oo wada hadalo u bilaabmeen.
- Agaasimaha warfaafinta Xisbiga Ramaas Maxamuud Cumar Bille
Fadhigooda Garowe
mcbille@gmail.com
Tan iyo markii uu faraha ka baxay amnigii guud ee DGPL ayaa waxaa soo
batay afduubyo loo geysanayo shaqaalaha hayadaha caalamiga ah ee ka hawl
gala Puntland , qaraxyo iyo magaalooyinka qaarkood sida Garoowe oo
amnigeedu faraha ka sii baxayo waxaana soo baxaya cabsi ay qabaan dadka
ajnabiga ahi.
Hadaba ka dib markii ay hay aduhu ka caalwaayeen xukuumada oo aan waxba
ka qaban amni-xumada isi soo taraysa ayey la hadleen masuuliyiinta ugu
saraysa xisbiga mucaaradka ah ee ka jira Puntland loona yaqaan Ramas
Puntland Political Party(RPP.
Wararkaan oo ah kuwo hoose oo aan wali saxaafada loo soo bandhigin ayaan
weydiinay masuuliyiinta xisbiga Ramas.
Hadaba Maxamed Cabdullaahi Xuseen oo ah Ku Xigeenka kowaad ee dhinaca
arimaha bulshada Xisbiga Ramas RPP ayaa wuxuu saxaafada qaarkeed u
cadeeyey in ay jiraan wadahadlo dhexmaray masuuliyiinta Ramas iyo qaar
ka mid ah saraakiisha hay adaha degan Puntland oo qoraalo iyo taleefoono
ay ku xiriireen masuuliyiinta xisbiga iyo sidoo kale buu yiri shir ay
saraakiil Soomaali ah ku yeesheen Garoowe oo ah magaalo madaxada DGPL ee
ay hay aduhu xafiisyada waa weyn ku leeyihiin.
Maxamed Cabdullaahi Xuseen ayaa sheegay in Ramas ay hay aduhu ka
codsadeen in ay ka caawiyaan in ay u sheegaan dhaliilahooda.
Hay adaha oo masuuliyiintu RPPP weydiisay waxa ku kalifay in ay Ramas la
hadlaan ayaa waxay soo bandhigeen qodobo ay sheegeen in ay tixraaceen
waxayna dhaheen
Waxaanu daba joognaa warbixino ay noo soo gudbiyeen saraakiisha gudaha
iyo kuwo aanu xog ogaal u nahay.
1. Caalamka oo dhan waxaa ka jira mucaarad iyo muwayid labaduna waaxay
ka tirsan yihiin isla umada wadankaas iyo madaxdeeda ka dib marka lagu
kala qayb samo sida siyaasada.
2. Ka hor intaan afduubku bilaaban waxaa Saxaafada Dibada iyo Gudaha ka
hadlay Maxamuud Cumar Bille oo ah aqoon yahan ka mid ah dhalinyarada
Reer Puntland oo ku dhaliilay hay adaha musuq maasuqa ay ku hayaan
dhinaca shaqooyinka iyadoo ay ka maqleen Idaacadaha qaarkood ogeysiisyo
arimahaas ku wajahan , iyo waxyaale kale oo uu sheegay in ay keeni
karaan nacayb iyo amni xumo soo wajihi karta saraakiisha hay adaha,
hadalkii Bille ka dib waxaa la afduubay nin weriye ah oo u dhashay dalka
Faransa , waxaana xigay 2 gabdhood oo u shaqeeya MSF oo dhamaantood
lacag aad u fara badan oo madax furasho ah lagu bixiyey sii deyntoodii.
2. Maxamuud Cumar Bille oo laga maqlay erayo naceyb ah uu u qabo
hay-adaha qaarkood meelaha dadka badani isugu yimaadaan marka laga reebo
labo hay adood uu intooda kala canbaareeyey oo kala ah Diakonia Sweden
iyo Save the Children Uk oo uu ku amaanay waxqabad iyo shaqaalaha oo si
fiican ay ku qaataan.
3. Maxamuud Cumar Bille oo naloo sheegay in uu la shiray dhowr goor
dhalinyaro hubaysan , balse aan la aqoon ujeedada shirkaas, inkastoo loo
fasirtay mid ku wajahan dhinaca hay adaha.
4. Dhallinyaro ay isku hayb yihiin Maxamuud Cumar Bille oo weerartay hay
ada UNDP ee Garoowe oo shaki na gelisay ka dib markii Maxamuud waraysiyo
uu siiyey Saxaafada gudaha iyo dibadaba ku canbaareeyey UNDP
Musuq-maasuqa shaqooyinka.
5. Maxamuud oo ku ku biiray mucaaradka ka dib goortuu muddo baago muudo
ahaa oo laga yaabo in uu rabo in uu halkaas ku aargoosto, maadaama uu
yahay Suxufi madax banaan.
6. Maxamuud Cumar Bille oo sheegay in horay looga qaaday si xaqdaro ah
oo musuq maasuq ah shaqooyin aad u fara badan , kuwaas oo uu sheegay in
ay ka qaadeen masuuliyiin isugu jirta kuwa hay adaha sida Soomaalida iyo
ajnabiga iyo masuuliyiin ka tirsan maamulka oo garabayshan ahaan lagu
sii yey dad aan u qalmin waa siday hadalka u dhigeene uuna hayo dhamaan
markhaantiyaashii.
7. Maxamuud Cumar Bille oo khimrad dheeraad ah u leh qaabka ay hay aduhu
ku shaqaalaysiiyaan dadka ka dib markaanu hay ado badan ka helnay
taariikh nololeedkiisa kuwaas oo noo sheegay in dad kale la qaatay si
kastaba ha ku dhacdee.
8. Sidoo kale waxaa ay soo bandhigeen saraakiisha hay adaha qaarkood
waraysi ay ka duubeen Maxamuud Cumar Bille oo uu siiyey Idaacado caalami
ah in uu isticmaalay hadalo ay aad uga naxeen sida weedhaan soo socota.
Most of the officers for International NGOs and United Nationas Agencies
In Puntland came only for abuse of humanitarian donations or
sponsorships for personal gains, cases of bribery to fulfill their
targets as free, for the reason that our people are still dying for
thirst, hunger, lack of shelters and medicine while International
Community have done their ability up to the best extent to help our
people, but unfortunately corruptions dominate their goodwill.
iyo sidoo kale weedhaan kale oo u qornayd sidatan ay sheegeen in uu
isticmaalay Maxamuud .
Most of the Agencies give job opportunities to only recommended
individuals by the government officialdom in the moon of corruptions and
mismanagement
.
Sida uu noo sheegay sarkaalka qoraalkaan na soo gaarsiiyey Shirkaan ayaa
waxaan goob-joog ka ahayn gudoomiyaha RPPP, balse waxaa joogay Maxamuud
Cumar Bille, sarkaalka dhinaca saxaafada u qaabilsan Xisbiga RPPP iyo
masuuliyiin ka socota maamulka.
Maxamuud Cumar Bille ayaa isagu gaashaanka ku dhuftay qodobada qaarkood
balse qirtay in uu ka hadlay musuq maasuqa shaqooyinka oo uu sheegay in
uu run ka sheegay sidoo kalena wuxuu qirtay in uu ku biiray Xisbiga
Mucaaradka ah ee RPPP, balse wuxuu ku gacan sayray dhamaan inta kale
qodobada la soo hordhigay.
Sidoo kale , wuxuu sheegay in ay ku balameen masuuliyiinta hay adaha
qaarkood shir balaaran oo dhexmara dhamaan masuuliyiinta ugu saraysa
mucaaradka iyo Hay adaha Calamiga ah qaarkood.
Maxamuud Cumar Bille ayaa ku gacan sayray in uusan marnaba aqbalayn in
sidaan wax ku sii socdaan balse wuxuu sheegay in uu soo jeedinayo
talooyin iyo tusaalooyin ku saabsan waxa dadku ka cabanayaan uuna
gacanta ku hayo iminkaba wuxuuna u sheegay inta badan hay aduhu in ayba
yihiin kuwo qabiilo gaar ah leeyihiin.
Agaasimaha warfaafinta Xisbiga Ramaas Maxamuud Cumar Bille
Fadhigooda Garowe
mcbille@gmail.com