Nolosha miyiga:
Nolosha dadka Soomaaliyeed
oo lagu tilmaami jiray in
mid intiisa badan loshoodu
ay ku tiirsan tahay xoolaha
nool iyo beeraha, arintaas
ayaa maanta la moodaa in
isbedel uu ku yimi, iyadoo
isbedelkaas aanu jirin wax u
diyaarsan oo lagu bedelay
sida shaqooyin ama ilo wax
soosaar oo kale.
Rubuc qarni ka hor qofkii
yaqaanay nolosha miyiga
Soomaliya sidayda oo kale
wuxuu markiiba dareemi kara
baaxada isbedelka dhaqan
dhaqaale ee soo wajahay
ilihii dhaqaale ee ugu
muhiimsanaa nolosha dadka
Soomaaliyeed, tusaale ahaan
sannadihii sideetamaadkii in
kastoo meelo dalka ka mid ah
ay dagaalo ka jireen haddana
nolosha dadku waxay ahayd
mid degan, inaga oo ka
eegayna qodobadan hoose:
Aqal Somaaligu wuxuu
lahaa dhaqan iyo maamuus
u gaar ah, iyadoo in
badan oo suugaanta
soomaalidu ay
tilmaamayso muhiimada u
lahaa iyadoo tusaale
loogu soo qaatan jiray
dhinaca quruxda
dhaqanka, sida maantaba
aduunku ugu kala horeeyo
dhinaca aqoonta,
dhaqaalaha iyo dhismaha,
taasoo ka tarjumaysa
heerka horumarineed.
Wuxuu aqalku lahaan
jiray waxa u gaar ah oo
loo yaqaanay, sida
gurgurka (sida ubada ama
qunbaha ama tebedda
siduu ninba u yaqaan),
hadhuubka iyo dhiilaha
caanaha, selladaha iyo
saababka wax lagu rito.
Wuxuu lahaa surrad sida
kebedda, aloolka,
hararka iwm, wuxuu kale
oo lahaa dhigo iyo
alool, kash-kaash (caws
dhulka lagu goglo) iyo
derin ama wax la mid ah,
kuwaas oo marka la isu
geeyo dadku ka heli
jireen dugsi iyo hurdo
raaxo leh. Waxaa iyaguna
jiray haamo waawayn oo
biyaha lagu kaydsado.
Isku soo wada duuboo
marka reerku guurayo
waxaa aqalka qaadi jiray
ama dhawr awr. Waa tii
abwaankii uu lahaa:
-Maanta dhulka miyiga
ah kama jirto bilicdaa
aan soo sheegnay ee aqal
soomaaligu lahaa,
waxaana la odhan karaa
aqal soomaligii gebi
ahaanba meesha wuu ka
baxay, waxaana dadka
aqal u ah shiraac ama
bac yar oo aan xataa
kulaylka iyo qorraxda
midna ka celin karin
- Marka reerku
guurayo bacda ayaa la
duuduubaa deetana qof
baa qaada ama shiraaca
iyo dhawr caagadood ayaa
awr la saaraa…
Sannadihii sideetamadkii
qoyska reer miyiga ah ee leh
100-150 neef oo adhi ah
wuxuu ka mid ahaa reeraha
nolosha miyiga ugu
faqiirsan, iyadoo ehelka iyo
xididkuba u aqoonsan jireen
inuu yahay qoys mudan in la
caawiyo.
- Maanta qoyska 150 neef oo
adhi ah haystaa wuxuu ka mid
yahay kuwa ugu qanisan
nolosha miyiga…
Berigii hore xooluhu tiro
iyo tayo loogu dhibaatoon
karo ayey lahaayeen, waayo
marka laga eego xagga tirada
waxay ahaayeen xoolo badan
oo dheef lagama waayi jirin,
waxayna ku filaayeen isla
markaana ay hayeen dad
badan. Xagga tayada caanaha
haraga, hilibka iyo iibkaba
intuba waxtar ayey ahaayeen,
mana jirin dhibaatooyinka
dhaqanka iyo dabeeca ee
maanta taagan. Nadaam
dawladeed ayaa jiray oo
dhoofka xoolaha ayaa furnaa,
waxayna dalka dib ugu soo
laaban jireen iyagoo lacag
adag ah, taas oo ka qayb
qaadan jirtay nolosha dadka
miyi iyo magaalaba, kaabina
jirtay dhaqaalaha guud ee
dalka. Maanta waxaa xidhmay
inta badan sayladihii laga
bartay xoolaha soomaalida
kadib karkii mudo dheer uu
dhoofkoodu xidhnaa. Sidoo
kale horumarinta, tayeynta
iyo farsamayntii xoolaha
ayaa istaagtay.
Isbedelka cimilada iyo
nabaad guurka heerka ay
maanta gaadheen ayaa la
odhan karaa waa mid aanay
taariikhdu horay u qorin.
Intii aan wadooyinka marayey
dhulka wax farqi ah oo wayn
uma aanu dhaxayn marka laga
eego xaga xaalufka iyo
kulaylka abaaraha.
Berigii hore marka meel
ay abaari ka dhacdo waxaa
jirtay meel kale oo aanay
abaaruhu gaadhin sidaa
awgeed dadku way isu guuri
jireen ama isu xoolo goyn
jireen, waxaana jiri jiray
dhacdooyin lagu xasuusto
sida dhacdadan oo kale:
-Waxaa la yidhi, waxaa
jiray laba nin oo saaxiibo
ahaa. Waxay ahaayeen laba
nin oo reer miyi ah oo ka
midaysan xagga dhaqanka.
Waxay isku tirinayeen inay
ka mid ahaayeen ragii ugu
taajirsanaa deegaanada ay ka
soo jeedaan, sidaa awgeed
midkoodna xisaabta kuma
darsan inuu maalin maalmaha
kamid ah uu noqon doono
dadqal. Waxaa isugu
danbaysay waqti wanaagsan,
balse waxaa dhacday waqti
kale oo abaaro ba’an
yimaadeen, kuwaasoo dad iyo
xoola kala diray. Muddo ka
dib ayaa labadii nin waxay
isugu yimaadeen saylada
Burco, iyadoo mid ka mid ah
uu halkaas hilible ka yahay.
Ninkii socdaalka ahaa ayaa
inta istaagay ninkii si
layaab leh u waydiiyey ”war
miyaadan hebel ahayn...”.
Ninkii kalena si uu ugu xog
waramo isla markaana ugu
dana sheegto dhinaca kalena
u xasuusiyo xigmada
rabaaniga ah ee odhanaysa in
waqtigu yahay ayaamo wareega
oo wanaagu uu marba dhinac
jiro, isaga laftiisuna tan
oo kale u soo joogay, ayuu
inta tix gabay ah isla
markiiba isku toosiyey
yidhi:
”Kefedaha dalooliyo mindaa
daabka la hayaaye
Daarood siduu beri ahaa loo
dad qalatowye” (waqtigii
ciidankii daraawiishtu uu
jabay)
Nafta dooji mooyee xarrago
laga dawaareeye...
Sidoo kale faa’iidada
xooluhu laheeyeen waxay
jiray waqti odayaashu ay
odhan jireen “waxaas aduunka
dagaalo ka dhacaya
-wankaygaa ayaa la isku
laynayaa!”
Waxaa laga yaabaa inaad
aragto reer haysta xoolo
badan oo aad is odhanayso
“waar xoolihii sow kuwan
dhaqan”, laakiin marka aad
wax ka sii ogaato waxaa kuu
soobaxaya in dadka
magaalooyinka iyo debadaha
aaday aaday ay xoolaha kaga
tagaan dadka weli miyiga ku
sii danbeeya.
Arimahaas aynu ka kasoo
hadalay oo dhan waxay aasaas
u yihiin fahmka isbedelka
xawliga leh ee muddo 25 sano
gudahood uu hoos u gooyey
hanaankii dhaqan dhaqaale,
khaasatan ilihii dhaqaale ee
dalka ugu muhiimsanaa,
iyadoo dhaqaale kale oo
bedelay aanay jirin, taas
waxay samayn ku yeelatay
nolosha dadka miyi iyo
magaalaba.
Dhulka miyiga ah waxaad
ku arkaysaa rag badan oo
tulooyinka iska tuban iyo
dhalinyaro badan oo halkaas
ay ku haysato shaqo la’aan
ba’an iyo dhibaatooyinka
qaadka.Waxaa tuulooyinka la
geeyaa qaadka sida magaalada oo kale. Waxaa dhici karta
inaad aragto nin qaadka
dhaafsanaya wixii uu gacanta
ku hayo sida caanaha, neefka
iibka ah iyo haraga xoolaha.
Mudadii koobnayd ee aan
joogay waxaan maqlay dumar
oo dhalin yarada ku leh “naa
haraga inooga soo xereeya
yaanay qaad inaga siiane..”.
Waxaa laga yaabaa in ay
dhacdo in nin reer miyi ah
galabtii tuulada ka carraabo
isagoo qaad cantuugsan, isla
markaana uu habeenkaas
caruurtiisa kula hoydo casho
la’aan.
Dhulka miyigu waa halka
ay ka baxday halhayska ”aaba
qaatay”, taas oo macnaheedu yahay in ay dhici karta in ninku
adhigiisa xado marka xaaladu
adkaato si uu ugu dayn baxo
ama uu qaad u siisto. Wuxuu
qaadku dawr wayn ka qaataa
ismaan dhaafka iyo dilka had
gooraale dadka ay maqlaan.
Inkastoo xaaladu heerkaa
gaadhay hadana weli xooluhu
waxay ku fadhiyaan miisaan
aad iyo aad u wayn.
Dhibaatooyinka dhaqan
dhaqaale ma aha kuwo intaa
ku eg, balse waa kuwo sida
aynu la socono guud ahaan
Soomaaliya si wayn u wada
saamayey. Waxaa isbedel kan
la mid ah uu ka jiraa
dhulkii beeraha qaniga ku
ahaa. Sidaa awgeed waxaa
dadka la gudboon in la
dhiiri geliyo sidii loo
maalgashan lahaa xoolaha
nool iyo dhulka beereedka
halka maanta dadku ay yihii
kuwo magaalooyinka ku
buuqsan, taasu waxay keeni
karta fa’iidoyin badan oo
dhinac kasta leh.
Laba maalmood, 10
adhiya iyo laba geel ah
Socdaalkaygu wuxuu ku
beegnaa waqti abaaruhu ay
gaadheen heerkii u ba’naa.
Waxaan dhulka miyiga ah ku
hoyday laba habeen. Waxaan u
tegay reer ka kooban saddex
qays. Labada habeen waxaa
isku darka saddexda qoys ka
dhintay adhi gaadhaya 10 iyo
laba neef oo geel ah, taas
oo ah dhibaato ay la
wadaageen dalka intiisa
badan. Xoolahaas ayaa sida
la ii sheegay u dhimanayey
macaluul ka dhalatay cunto
la’aan, waxaa la ii sheegay
wax roob ah inaan la helin
muddo lix bilood gaadhaysa.
Dhinaca kale hadaan eegno
Denamrk oo ka mid ah dalalka
dhaqaalahoodu sida wayn ugu
tiirsan yahay wax-soo-saarka
beeraha waxay saxaafadu
usbuucan qortay in qaybo
dalka ka mid ah aanu wax
roob ah ka di’in laga soo
bilaabo 1. Maayo. Sida
warbixintu sheegtay waxay
arintaasu halis wayn ku
tahay waxsoosaarkii beerah
ee la sanadkan la sugayey.
Denmark ayaa caadiyan
sanadkii soo saarta sagaal
mio. oo ton oo midho kala
duwan ah (u badan noocyada
sareenka). Waxay saadaashu
ay sheegaysaa muddo usbuuc
gudihii, hadii meelahaasu
aanay doogsan in 25-30% uu
hoos u dhici doono
wax-soo-saarka beeruhu mudo
lix billood gudahood ah.
Hoos u dhaca ayaa la filayaa
inuu dalka u saamayn doono
siyaabo kala duwan oo ay ka
mid tahay cashuuraha oo hoos
u dhaca, waxsoosaarka
xoolaha nool oo hoos u dhaca
khaasatan doofaarka,
quudinta xoolaha oo ku kici
doona qarash badan oo cunto
dheeraad ah loogu soo iibiyo
iyo guud ahaan sicirka
cuntada oo kor u kaca iwm.
Haddaba Soomaaliya dhulka
miyiga ah oo laba maamood
aan joogay heerka uu gaadhay
xaalufku waxaanu iibinay
mesego xoolaha lagu
quudinayo, iyadoo dadkana ay
ka muuqato nafaqo darro
wayn, halkaa waxaad ka
qiyaas qaadan kartaa heerka
ay gaadhi karto xaaladu 20
sano oo qorshe la’aan ah,
isla markaana ay dhaceen col
iyo abaaro.
Waxtarka ilaha
dhaqaale ee soojireenka ah
oo la maalgashado
Siyaabaha dhulka miyiga
ah loo horumarin karo ayaa
noqon kara sidaan horay u
soo sheegnay in:
- Dadka reer guuraaga
ah la dejiyo, iyadoo
xoolaha nool loo rogayo
kuwo fadhiya, halka ay
hadda ka yihiin xoolo
socda. Si arintaa loo
hirgeliyana waxaa haboon
in biyo la helo sida
ceelal la qodo, beero
loo sameeyo dadka iyo
xoolaha, beerahaas oo
dadka baahidooda iyo
xaalufka intaba wax ka
tari doona, sidoo kale
waxaa abuurmaya aasaas
(infrastructure) baahi
wayn dhaqaaluhu u qabo.
- Dadka laftiisa ayaa
u baahan in lagu
baraarujiyo nadaam
shaqo, halka uu qofka
beeralayda ah subixii uu
tuulada ka aadi lahaa
inuu u shaqo tago
dhinaca beertiisa iyo
xoolihiisa, isagoo 8-10
saacadood marka uu soo
shaqaysto deetana u qado
doonto mesegada
gurigiisa laga
diyaariyey.
- Miisaanka ay dadku
ku hayaan magaalooyinka
oo yaraada iyo faqriga
oo arintaasi ay wax ka
tari doonto.
Macnaha erayada:
[1] Daryaale waa aqal Soomaaliga, marka laga
yimaado arimaha dhaqanka
waxaynu ku macnayn karnaa
heer aqoon iyo hantiyeed
(heer ama marxalad)
[2] Gurgurshaa waa arw aad u tababaran oo loo
yaqaano hayin. Marka la
guuro waxaa la saraa
caruurta, biyaha iyo
sahayda, loogamana yaabo
inuu kala tuurtuuro, hadaba
waxaanu ku macnayn karnaa
aqoon (garashada), aaminaad
iyo hogaan.:
...............
Akhri qaybta 6aad...