Maxaa sababey in Idaacadda Hornafrik ay ay xiranto
Khilaaf soo kala dhexgaley Milkiilayaasha Idaacada
Shacabka soomaaliyeed ee ku nool Dalka iyo dibadiisa ayaa maalmahan is
weydiinayaaa waxa ku dhacay Idaacadihii Hornafrik iyo Capital Voice oo muddo
sadex maalmood ka maqan hawada , dadka intiisa badan waxay u qaateen in ay
idaacadda ay ku maqan tahay sababo Cillad farsamo hase yeeshee markaan
xuuraansaney oo aan sameyney dabagal ayaa waxaan ogaaney in idaacada ay hawada
uga maqan tahay sababo la xiriira khilaaf soo kala dhexgaley Milkiilayaashii
Idaacadaas
Idaacada ayaa waxaa lagu waramey in ay damiyeen Rag ka socda Qoyskii uu ka
geeriyoodey Cali Imaan Sharmaarke iyagoo ka cabanayaa dhaqaalihii Idaacadaas oo
aan waxba ka soo gaarin , inta aan la damin ayaa waxaan wareystey Weriye ka
shaqeeya Idaacadaas oo qariyey magaciisa wuxuuna sheegey in Murankaan uu soo
jiitamayey wixii ka dambeeyey geeridii Cali iimaan , waxaan weydiiyey maxaa loo
xalin waayey inta aan idaacadaas la damin wuxuuna ku jawaabey ” Qoyska ayaa u
arka in xal la helayo marka idaacada hawada ka maqnaato”
Shaqaalihii idaacadaas oo aan shaqeyn Muddo sadex maalmood ayaa qaarkood waxay
raajicinayan in ay shaqo ka raadsadaan idaaacadaha kale ee magaalada Muqdisho
waxayna tani ku soo beegan xilli ay idaacadaas ka tageen wariyayaal fara badan
oo ka cararey dagaalada ka socda magaalada Muqdisho iyo hanjabaadyo qaarkood loo
soo jeediyey
Geeridii Cali Iimaan Sharmaarke ka dib idaacadda waxaa iyana ka shaqo tagey
Axmed Cabdi salaan oo isna Dowlada Federaalka ka noqdey Raiisul wasaare ku
xigeen ahna wasiirka warfaafinta iyo Ciyaaraha isagana ka ma hadlin Khilaafka
sababey in ay xiranto Idaacadaas oo lahayd Dhageystayaan Farabadan , sidoo kale
dhageytayaasha ayaa iyana ku jahwareersan markii ay waayeen dhigeysigii Idaacada
Codka maraykanka ee afka Somalia iyo British Broadcasting Corporation ee dhinaca FM-KA oo idaacaas sii deyn jirtey sidoo kale
Hornafrik waxay la hayd Tellefishin laga daawanayey dalka gudihiisa iyo
dibadiisa waxaana iyana meesha ka baxay dawadayaal fara badan.
Odoyaal ka kala soo jeeda raga is ku haya Idaacadaas ayaa wada dadaal lagu
doonaya in lagu xaliyo waxa dhaliyey in ay xiranto idaacadaas
Markuu dhashey Kacaankii Idaacadaha ee soomaaliya 1999 ayaa waxaa magaalada
Muqdisho ku soo kordhey idaacadaha Maxaliga ah ee FM –yada waxaana magaalada ka
furan ilaa iyo dhowr iyo toban Idaacadood.
WD Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | Feb
21, 2008