Musharaxa Puntland, Aadan Maxamed Ciise, oo soo bandhigay
barnaamijkiisa wax qabad haddii loo doorto...
Aadan Maxamed Ciise oo ah musharrax isu soo taagay inuu u tartamo
xilka madaxtinimada ee maamul goboleedka Puntland ayaa soo bandhigay
barnaamijkiisa wax qabad haddii loo doorto xilka madaxtinimada Puntland
sanadka 2009-ka.
Aadan Maxamed Ciise oo ka yimid dalka Canada ayaa soo maray dalal badan
oo isugu jira Yurub, America iyo Asia, sida lagu soo bandhigay xaflad
casho sharaf ahayd oo xalay lagu qabtay hoolka xafladaha ee Hotel
Panorama ee magaaladan Boosaaso.
Xafladdaasi oo ay ka soo qeyb galeen dad tiradoodu ay ku dhowday 700 oo
isugu jiray siyaasiyiin culimaa’uddiin, ganacsato, odayaal, waxgarad,
haween iyo marti sharaf kale oo aad u badan ayaa waxaa ugu horreyn lagu
furay Aayadaha Qur’aanka Kariimka oo uu goobta ka aqriyay Sheekh Yuusuf
Heeryo oo caan ka ah Puntland.
Ka dib waxaa halkaasi laga akhriyay CV-ga iyo taariikh nololeedka
Musharrax Aadan Maxamed Ciise.
Aadan Maxamed Ciise waxa uu ku dhashay magaalada Hargeysa oo uu qeyb ka
mid ah waxbarashadiisa ku soo qaatay waxaana uu sidoo kale wax ku soo
bartay Jaamacado ku yaalla dalalka ay ka mid yihiin Maraykanka, Sacuudi
Areebiya iyo Canada.
Waxaana uu xubin ka yahay guddi ka kooban 7 xubnood oo la taliye u ah
sarkaalka ugu sarreeya dhinaca Ammaanka ee dalka Canada.
Wuxuu kaloo la taliye ka yahay hay’ada Kontoroolka caafimaadka ee dalka
Canada.
Aadan Maxamed Ciise waxa sidoo kale ka qeyb qaatay qoraalo laga
diyaariyay arrimaha bulshada siyaasadda iyo maareynta dhaqaalaha iyo
shaqo abuurista
Jaamac Ayaanle Feyte
Feyte@hotmail.com
Faafin: SomaliTalk.com | Feb
20, 2008