Dadka Qaxootiga ah Ee U Barakacay Daafaha Caasimada Iyo Deegaanada Afgooye Oo Ay Lasoo Deristay Xaalad Caafimaad darro

Xaalada Murugsan ee ka dhalatay dadka ka barkacay magaalada caasimada ah ee muqdisho ayaa abuurtay caafimaad daro iyo weliba cuduro ka dhashay saxa xumada haysata dadka barakaca ku jooga deegaanada u dhexeeya magaalada muqdisho iyo welibA Afgooye.

Dadkan qaxootiga ah oo aan qaarkood haysan waxay ku hoydaan halka qaarkoodna ay hoy u noqdeen guryaha cooshadaha ah ee ka samaysan bacaha iyo weliba jawaanada ayaa muuqda kuwo galay nolol aad u adag oo argagax ku reebaysa qof kasta oo nololi ku jirto islamrkaana ay halis ugu jiraan caafimaad daro salka ku haysa Haraadka iyo Gaajada.

Sidoo kale ma badna hay,adaha caafimaad ee ka holwl gala Goobaha loo barakacay taasoo aad ka dareemayso Muuqaalka Bulshada ku nool deegaanada loo barakacay oo qaarkood ka cabanaya xaalad caafimaad xumo oo lasoo dersitay gaar ahaan caruurta iyo haweenka ku nool halkaasi .

Xaawo axmed gaas oo ah hooyo haysata 8-caruura ayaa saxaafada u xaqiijisay inay ku jirto xaalad caafimaad daro oo lasoo dersitay caruurteeda islamrkaana aysan jirin Cid ka caawisay iyadoo intaasi ku dartay hooyadaasi waxaa 3-caruur ah oo kamid ah caruurtayda La il daran yihiin xaalad caafimaad daro mana jiraan cid aan ALLE ahayn oo aan ula Irkado .

"" waxaan deegaankan aan usoo qaxay mudo laga joogo 8-bilood mana garanayo ilaa iyo hada wax xaga caafimaadka naga caawiyey marka laga reebo dhinaca raashinka oo aanu mar mar helno waloow aY noosii dheer tahay caafimaad xumada biyo la,aan xoogan oo nagu habsatay waxaana u malaynayaa inayba caafimaad xumada kow ka tahay biyo la,aanta ka jirta meeshan '' ayay tiri Xaawo axmed gaas .

Dhinaca kale xaalada murugsan ee Haysata dadka soo barkacay ayaa waxaa usii dheer iyadoo ay ka dilaaceen meelo kamid ah deegaanada u dhexeeya magaalada muqdisho iyo weliba afgooye xanuunka ka dhasha maqaarka ee loo yaqaano Cun cunka taasoo aad ku arkayso meelo kamid ah deegaanadaasi .

Si kastaba ha ahaatee xaalada murugsan ee ka jirta soomaaliya oo ka dhalatay xarig jiidadaka siyaasadeed ee u dhexeeya Xoogaga iska soo Horjeeda ayaa barakacisay kumanaan qoys oo soomaaliyeed oo ku darxumaysan daafaha Magaalada muqdisho iyo meelo kale .

yaasiin maxamed faytin

yaasiinfaytin@hotmail.com