Sawirada Carruurta oo ka dhoofaya Muqdisho Halkan ka daawo.....
Hay’adda COGWO iyo Cabdi Muuse Maaxaay oo Iska kaashaday sidii Labo Caruur oo ku
xanuunsanaa gudaha dalka Dibadda looga qaadi lahaa
Websiyada kala ah www.qaranimo.com www.dayniile.com www.somalitalk.com
www.dadnimo.com oo la amaanay sida ay dadka jiran caafimad dibada ah ugu
radiyaan waana arin ku dayasho mudan sida ay sheegeen in badan oo gargaar
caafimad oo dibada ah loogu diray
Maanta ayaa Garoonka Diyaaradaha ee Magaalada Muqdisho waxaa ka dhoofay Labo
Caruur ah oo muddo ku xanuunsanaa Jammaame iyo Muqdisho waxna looga qaban waayay
gudaha dalka kadib markii baaris ku sameeyeen Gabdhahaas Dhaqaatiirta gudaha
qasabna ay noqotay in Dibadda daaweyn looga raadiyo taas oo natiijadeeda maanta
dhacday.
In Gabdhahan Dibadda loo qaado ayaa waxa sabab u ah dadka Soomaaliyed oo ku
dhaqan Mareykanka kuwaas oo uu ka mid yahay Cabdi Muuse Maaxay iyo Gabdho
iyagana iska soo Ururiyay qarash ku baxayay socdaalkan Bukaanka ah ee maanta loo
qaaday dalka Kenya.
“Cabdi Muuse Maaxaay dadkan ma yaqaano,waxaa uu ka arkay oo kaliya Bogga
Internedyada,iyagna ma yaqaanan wuxuuna go’aansaday inuu taakuleeyo dadkan
dhibaataysan”ayay tiri Sahro Maxamed Axmed oo ka mid ah Madaxda Hay’adda COGWO.
C/llaahi Maxamed Nuur oo aabe u ah mid ka mid ah Gabdhaha maanta loo qaaday
Caafimaad Dibadda ayaa u mahad celiyay Hay’adda COGWO iyo Cabdi Muuse
Maaxaay,wuxuuna sheegay in gabdhiisa ay wax ka qaban waayeen dhaqaatiirta
Gudaha, balse waxaa uu aad uga farxay sida uu isku xil qaamay Cabdi Muuse
Maaxaay oo sabab u noqday in Gabdhahan Dibadda lagu soo daaweeyo.
Mid ka mid ah Gabdhaha xanuunsan ayaa waxay jirtaa 9 Bilood sida ay sheegtay
Hooyadeeda oo iyadoo ku sugan Garoonka Diyaaradaha Muqdisho la hadlaysay
Wariyaasha, mudadaas ayay sheegtay in Gabdheedu aad u xanuunsanaysay.
Maryan Daqle oo ka mid ah Saraakiisha Hay’adda COGWO oo iyadoo sagootinaysay
Gabdhahaas maanta loo qaaday Caafimaad Dibadda ah iyagoo la socda Waalidiintooda
ayaa waxay ka warbixisay qaabkii ku suurtigashay in gabdhahan Dibada loogu
qaado.
“Caruur yar yar oo xanuunsan, dalkana wax looga qaban waayay, waxaan oo dhana
waxay ku dhaceen dhibaatada dalka ka jirta, sida dagaalada aan dhamaadka lahayn,
waxaa dhacday in dhaqaatiirtii aqoonta lahayd ay dalka isaga cararaan kuwa
joogna ma haystaan qalab wax lagu baari karo ama daawo tayaysan, sidaas darted
dad Soomaaliyed oo Mareykanka ku Nool ayaa waxay go’aansadeen inay taakuleeyan
Gabdhahan aadka u xanuunsan, waxaana dadkaas ka mid ah Cabdi Muuse Maaxaay
Ilaahay howsha uu qabtay bedelkeeda wax qeyr qabo ha u geliyo”ayay tiri
Haweenaydaas COGWO ka tirsan oo lagu Magacabo Maryan Daqle.
Marwo Maryan waxay ugu baaqday dadka Soomaaliyed dibadda ku dhaqan, Ganacsatada,
dadka shaqsiyaadka ah ee Ilaahay Maalka siiyay, hay’adaha deeqda bixiya inay
gacan ka geystaan sidii loo badbaadin lahaa caruur fara badan oo ku dhibaataysan
gudaha dalka kuwaas oo la sheegay inaan waxba looga qaban Karin gudaha dalka,
waxayna sheegtay inay la kaashan doonaan daaweynta caruurtaas Soomaalida Dibadda
ku dhaqan ee Cabdi Muuse Maaxaay ka midka yahay.
Cabdi Muuse Maaxaay“Waxaa Mahad leh Ilaah nagu abuuray inaan u isku naxariisano
oo aan wax ugu qabano keena dhibaataysan oo u baahan caawinaada Xanuunka ama
cudurkan labadan caruur ay qabaan waa cudur la daawey karo loo yaqaano
hydrocephalus oo ah cudurka maska biyaha galaan, hadii laga gaaro isla markiiba
ama goor hore waa la daaweyn karaa:
“Waxaan mahad gaar ah u dirayaa dhamaan umadda Somaaliyeed gaar ahaan dadkii ila
soo xariirey ama ha ahaadeen kuwo soo taakuleeyey ama kuwo nagu dhiirigaliyey
inay wax nala qaban doonaan. Koley ma filaayo in aan idiin sharxo dhibka inta uu
la eg yahay balse waxaad ka quus qaadataan amaaad aragtaa masawirada labadaas
canug ee dhibaataysan”ayuu yiri Dr Cabdi Muuse Maaxaay.
“Farxadii iigu wayneyd ee dareemo waxay ahayd markii aan wacay hooyadiiiyo
Aabihii dhaleen gabadhaan joogto Mogadishu ee aan u sheegey hadii ilaah ogolaado
in aan gabadhooda aan rabo in aan caawiyo oo aanu qaado Nairobi, Nasiib uma
helin inaan helo meel aan ka Waco gabadhaan joogtey Jamaame balse waxaan la
Hadley nin aad u wanaagsanoo ka masuuul ah Websidka Jamaame oo joogo Saudi
Arabia Jeddah,.Balse waxaa ka sii faraxad badan markii aad akhristoow isku
daydid inaad wax la qabtid, labadaan gabdhood ee Somaliyeed ama ha ahaato inaad
u ducaysid ama ku caawisid xag dhaqaale ku caawisid.Waxaad aragtaan inta dhibka
la eg yahay iyo baahida loo qabo in labadbaadiyo caruurtaan dhibaataysan, Waxaan
aamin sanahay in wax kasta aad ku caawin kartaan ama dhaqaale ama u soo
ducaysaysaan in ilaahay dhibkaan ka qaado. Marna ha yaraysan xataa hadii aad
damacdo inaad $ 1dollar xataa ku caawisid,Dhaqaalaha ku baxaya markii qof loo ka
xaynaayo Kenya ayagoo raacaayo waalikdii iyo wiil ama gabadh kii doono ha
ahaadee cid kasta waydareemi kartaa ama ka ogaan kartaa tikidhka qiimahiisa iyo
qarashka kubaxa safarkooda iyo inta ay joogaan Nairobi.Sidaas darteed haddii aad
rabtid inaad caawisid labadan caruur ee dhibaateysan Fadlan nagla soo qayb gal
caawinaadda. Waxaad nagala soo wacdaa. Caabiyo Ciise -612-298-1044-Minneapolis
MinnesotaAisha Hussein-612 481-4623-Minneapolis Minnesota. Ama u soo qor Email
Abdi Muuse Maaxaay-maaxaay@gmail.com - Minnesota, USA
Intii aysan ka dhoofin Caruurtaas Garoonka Diyaaradaha Muqdisho waxaa la
guddoonsiiyay Waalidiinta Caruurtaas la socotay Lacag dhan 800 oo Dollar micnaha
Labada Gabdhood waxaa la siiyay min afar Boqol oo Dollarka Mareykanka, taas oo
looga talagalay inay jidka ku sii maraan.
Wariye Muuse Maxamud Jiisow oo kula kulmay Garoonka Muqdisho labadaas Gabdhood
iyo Waalidiintii la socotay ayaa waxaa uu sheegay marka la eego nolosha
gabdhahaas iyo kuwa kale oo ku rafaadsan gudaha dalka inaysan ku filanayn
dhaqaalaha iyo kaalmada maanta la bixiyay, wuxuuna sheegay in ficilada nabarka
leh ee ka muuqda caruurta ay yihiin kuwa aad looga naxo,wuxuuna sheegay inay
haboon tahay in gacan laga geysto taakuleynta dadka aan awoodin inay caafimaad
dibadda aadan kuwaas oo daadsan gudaha dalka haba u badnaadan gobolada dalka.
Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666
Faafin: Somalitalk.com | Dec 23, 2008
|