Xafiis Jaaliyadda Yemen Ee Puntland oo Laga Furay Boosaaso.....
Xaflad si heer sare ah loo soo agaasimey ayaa Maalintii ay taariikhdu
ahayd 04/12/2008 waxay ka dhacday Magaalada Bosaso, Waxayna ku
saabsanayd Furitanaka Xafiiska Jaaliyadda Yemen Ee Puntland.
Waxaa xafladaan Furitaankeeda kasoo qayb galay, Safiirka Dalka Somaliya
u jooga Yemen Safiir Axmed Xamiid Cumar iyo Mas’uuliyiin ka socota DGPL
oo uu ka mid yahay Wasirka Xiriirka Caalamiga DGPL awaare iyo Wasiirka
Dekedaha DGPL Bangax, Wasiir ku xigenka Kalumaysiga C/wali Gayre,
Lataliyaha Madaxweynaha DGPL Mudane Barkhad Cali Saalax, Taliyaha
Ciidanka Asluubta DGPL iyo Korneyl Cabdi Yaasiin,
Uguhoreyn waxaa ka hadlay xafladan shekh ka mid ah shuyuukhal qabaailka
yemen ee degan Somaliya Gaar ahaan DGPL Axmed Dacar Quraabi, oo kelmado
wax-ku-ool ah kasoo jeediyey, sheegayna sida ay ugu farax san yihiin
Furitaanka jaaliyadda PL, isla markaasna ka codsaday inay DGPL ay garab
istaagaan Maamulka Jaaliyadda iyagoo ka rajaynaya wax wanaagsan.
Waxaa kaloo ka hadlay C/dallah damari oo kasoo jeediyey khudbad qiimo
badan oo ku aadan furitaanka Jalaiyadda, wuxuu kaloo u gudbiyey safiirka
Axmed Xamid Cumar salaam uu kasocota Madaxweynaha Dalka Yemen Cali
C/dallah Saalax, wuxuu kaloo u gubiyey Tacsi dadkii ku dhintay dhowaan
fatahaadii roobabka ee dalka qaybo kamid ah ku dhuftay.
Waxaa kaloo ka hadlay Furitaanka Jaaliyadda, gudoomiyaha Jalaiyadda
Yemen Ee Puntland Cali Sacid Nasir Debani, isagoo ku taag taagsday
arinta jaaliyadda isla markaasna qeexay juhdiga iyo dhibka loo soo maray
jaaliyadda iyo qabaa’ilka yemen ee degan DGPL iyo guud ahaan Somaliya oo
baahi weyn u qabey furitaanka jaaliyadda yemen Puntland, ayna u
rajaynayaan inay ka guul gaaraan waxna ka qabato baahiyaha jira.
Waxaa magarfoonka lagusoo dhoweyey Wasiirka Xiriirka Caalamiga ah ee
DGPL oo sheegay inuu aad iyo aad ugu farax san yahay furitaanka
jalayadan uuna rajaynayo in la furo Qusuliyadii oo qabanaysa baahiyo
badan oo loo baahan yahay sida fiisooyinka, wuxuu kaloo sheegay xiriirka
u dhexeeya labada dal inuu yahay mid soojireen ah isla markaasna xiriir
gaar ah ay leeyihiin qabaailka PL iyo Qabaailka Yemen. Wuxuuna intaas ku
daray in DGPL ay gacmo furan ku soo dhoweyneyso Jaaliyadda lana shaqayn
doonto maalmulka jalaiyadda.
Ugu dambayntii waxaa magarafonka qabsaday Safiir Axmed Xamid Cumar oo
sheegay inuu ku mahadinayo allaah Furitanka jalaiyadda oo ay dadaal
badan u soo mareen Qabaa’ilka yemen ee degen PL, wuxuu kaloo sheegay in
wasiir aware hadalkiisii ahaa qusulka uu wax ka qaban doono, “sida ugu
dhaqsaha badan ayaan u Furaynaa Qusuliyadda Yemen Ee PL, wada shaqayn
buuxdana ay yeelan doonaan.
Waxaa halkaas ku soo gaba gaboobey furitaankii jaaliyadda yemen pl.
Wixii faah faahin ah kalasoo xariir:
Fuaad Mire Axmed
Tel:252-090738300
E-mail fuaad86@hotmail.com
E-mail calikhadar144@hotmail.com