Mushaxriinta Puntland oo wali ku kulansan Garoowe iyo Cade
Muuse oo wali ku adkaysanaya Gudiga doorashada
Musharaxiinta ayaa aad uga soo horkeeda Gudiga uu dhawaan
magcaabay Madaxwayana Musharaxa ah ee Cade Muuse iyada oo la
sheegay inay gudigaasi ku jiraan rag ay qaraabo yihiin Cade
Muuse iyo waliba kuwa xilal ka haya maamulka Puntland,
Mushaxriinta ayaa wali waxay wadaan kulamo ay la leeyihiin
Isimada Puntland kwuaasi oo kala xaajoonaya sidii xal looga
gaadhi lahaa khilaafkaasi.
Gudigaasi khilaafka keenay ayaa ka kooban 5- xubnood iyada oo la sheegay inay
dhamaantood yihiin kuwa Hasiisyo hoose la galay Gen- Cade Muuse si uu mar labaad
uga dhex muuqdo Siyaasada Puntland taasina waxay dhabar ku tahay Musharaxiinta,
dhawaan ayaa khilaafkaasi waxa ka hadlay Madaxwayana Dawlada Somaliya C/laahi
Yuusuf oo haatan ku sugan magaalada Garoowe waxana uu si cad u sheegay inay xaq
u leeyihiin Magcaabida gudi doorasho hogaanka Puntland ee wakhtigan talada haya.
Mushaxtiinta ayaa iyana si adag ganafka ugu dhuftay in dhaqaalaha Gobolka ay si
maamulaan masuuliyiinta Puntland iayaga oo ka degay in dhaqaalaha xukuumada in
doorashada socoto loo is ticmaalo dano gaar ah, laakiin Cade Muuse ayaa marnaba
taasi yeelin isaga oo wali ku adkaysanaya inay gudiga doorashadu yihiin xalaal.
Khilaafkaas ayaa keeni kara inay dib u dhacdo Doorashada Puntland ee la
sugayo dhawaan hadii aan xal waara loo helin arimaha keeni kara hagad doorasho,
Mushaxriinta qaarkood ayaa si xun uga cadhaysan in Cade Muuse mar labaad
hogaamiyo Puntland, iyada oo lagu tilmamaay mid uu ku fashlimay hogaanka
Puntland.
Puntland waxay ka Lulataa jar khatar ah hadii aan la helin Is Bedel" Eng
Siciid Maxamed Raage
Musharax Siciid Maxamed Raage oo ka mid ah Musharaxiinta ugu cad cad xilka
Madaxtinimo ee Puntland ayaa ka dhawaajiyay inuu xooga saaridoono hadii uu
guulaysto ka shaqaynta Amaanka. Eng Siciid Maxamed Raage oo haatan olalihiisa
doorashada ka wada Magaalada Bosaaso ee xarunta Gobolka \Bari ayaa shir
saxaafadeed uu qabtay ku sheegay inuu amaanka puntland ka dhigayo mid Nabdoono
hadii la doorto.
Siciid Maxamed Raage oo shir ku qabtay Hoyga uu ka leeyahay Magaalada Bosaaso
ayaa sidoo kale faah faahin ka bixiyay waxyaalaha keenay inuu isa sharaxo waxana
uu taasi ku tilmaamay codsi uga yimi dhanka Shacabka puntland oo cadaadis ku
saaray inuu ka mid noqdo Musharaxiinta Maamulka Puntland, musharaxan ayaa dhanka
kale sheegay inuu xal u raadinayo Budhcad Badeed waxana uu yiri" Budhcada waxaan
ku samayn dhaqalin Cilis waxaan u abuurayaa shaqooyin say isaga daayaan Falkaasi
Foosha xun, Xukuumadaydu waxay Shaqooyin siin dadka shaqa La"aanta ah sidoo kale
dhanka caafimaadka ayaa xooga saarayaa" Ayuu Yiri Siciid Maxamed Raage.
Musharax Siciid Maxamed Raage ayaa waxa uu ka dhawaajiyay inay Puntland ka
lulato Jar khatar ah isla markaana loo baahanyahay Is bedel dhab ah oo keena mid
loo wada Bogo, siciid Maxamed Raage waxa uu ka dhawaajiyay in xukuumada haatan
jirtaa ay ku fashilantay wax ka qabashada Amaanka isaga oo xusay in shacabku
doonayaan is bedel dhaqaale iyo mid Siyaasadeed oo dhab ah.
Musharax Siciid Maxamed Raage oo ka mid ah Siyaasiyiinta miisaanka wayn ku leh
Maamulka Puntland ayaa mar noqday wasiirka dekedaha iyo Kalluumaysiga ee
Puntland isaga oo markii danbe xilkaasi iska casilay sabab uu ku sheegay
markaasi wada shaqayn la"aan soo kala dhex gashay isaga iyo Hogaanka Sare ee
Puntland, Siciid Maxamed Raage sidoo kale ayaa dadku sheegayaan inuu intii
Jagadaasi hayay uu wax wayn ka qabtay la dagaalanka Budhcad badeeda iyo Jariifta
doonayaha shi sheeya.
Musharax Siciid Maxamed Raage ayaa mudo ku maqnaa dalka dibadiisa isaga oo
kulamo la soo qaatay Jaliyadaha dibada ee Reer Puntland waxana uu kala tashaday
Masiirka danbe ee Puntland iyo sida looga dhalin karo Nabad.
Jaamac Feyte
Garoowe
Faafin: SomaliTalk.com |
December 4, 2008
|