Musharax Cabdisamad Cali Shire oo shir saxaafadeed ku qabtay casumada
puntland ee garowe tilmaamayna in uu u sharaxan yahay xilka madaxweyne
kuxigeenka puntland.  Musharax Cabdisamad Cali Shire oo ah musharax kamida musharixiinta u sharaxnka
xilka madaxtinamada puntland ayaa shaaca ka qaaday in uu u sharaxan yahay xilka
madaxweyne kuxigeenka puntland.
Garowe-Puntland: General Cabdisamad Cali Shire ayaa saxaafada madaxa banaan shir
saxaafadeed ugu qabtay magalada garowe kana hadlay ujeedada musharaxnimadiisa
iyo xaaladaha puntland. Musharaxa ayaa ku bilaabay "Waxaan salaamayaa dhamaan bulshada reer puntland
waxaan kaloo salaamayaa dhamaan saxaafada madaxa banaan ee reer puntland salaan
kadib Waxaan halkaan ka cadeenayaa oo aan ujeedaydu tahay in aan bahda
saxaafdada horteeda ka caddeeyo ujeedadeyda ah in aan u sharaxanahay jagada
madaxweyne ku xigeenka ee maamul goboleedka puntland". Walaalayaal xaalada maanta puntland ay marayso nin ragina waa ogyahay nacasna
loo sheegimaayo haddaan intaas iri, ujeedadaydu ma aha in aan maanta madashaan
cid wax kaga sheego, iyadoo aan aaminsanahay in wixii jiraba la isla ogyahay
(keenna maqan iyo keenna joogaba). Haddaba hadii aan ku guuleysto jagadaas idinka oo wada og waajibaadka uu
distoorkeennu siinayo madaxweyne ku xigeenka waxaan balaan qaadaynaa qodobadan:-
- In aan madaxweynaha la doorto si habsami ah ula shaqeynayo wixii danta umadda
ah.
- In aan ilaaliyo midnimada puntland aniga oo goboladeeda dhexdhexaad u noqonaya
- In aan gobolada maqan ugu tafo-xayto sidii aan u soo celin lahaa (Muruq iyo
Maskax) Iyadoo waayo-aragnimada laga helay taaoriikhda dagaalada ay ina barayso
in wixii xoog lagaaga qaado xoog lagu soo ceshado.
- In aan ilaaliyo dastuurka dalka u yaalla isla markaasna aan si bareer ah
shacabka uga wargeliyo cidii ku xadgudubta.
- In aan maleenayo dareenkeyga iyo shacabka ujeedaduna tahay in aan had iyo jeer
la jaan qaado dareenka iyo wada jirkiisa.
- Aniga oo la duulaya aqoontayda ciidannimo iyo waayo-aragnimadaydaba waxaxan
ballan qaadayaa in aan xoogeyga saaro sidii nabadgelyada dalka loo sugi lahaa
isaga oo midaysan.
- Waxaan kale oo balanqaadayaa in aanan oggolaan in si guracan loogu takri-falo
hantida shacabka ana aanan ka qayb-qaadan
- Hadii la ii doorto jagadaas aniga oo kalsooni weyn ka qaba xildhibaanada
sharafta mudan waxaan balan qaadayaa hadii ay ii muuqato in aanan ku
guulaysaneyn ballanqaadka aan umadayda u galay in aan dib ugu celindoono intii
igu sharaftay xilkaas iyadoo aysan ahayn himiladayda in aan kursi kuhelaayo oo
keliya ama aan ku sugo adeeg yar.
Ugu danbayntii waxaan salaan diiran u dirayaa madaxweynaha dowladda federalka ah
ee soomaaliyeed oo hadda ku sugan magaalo madaxda puntland waxaan salaan taas la
mid ah u dirayaa madaxweynaha puntland iyo ku xigeenkiisa iyo dhamaan
musharixiinta u taagan xilka madaxtinimo ee puntland iyo dhamaan shacabka reer
puntland idil ahaandoodaba.
Isku soo wada duboo W axaa maanta uu musharaxu u soo bandhigay Saxaafada
Qodabadaan iyo Qodobo soona bandhigay ajandihiisa musharaxnimo isagoo musharax
Musharax Cabdisamad Cali Shire uu Saxaafada Madaxa banaan ee puntland u
shaaciyey in uu yahay musharax u taagan xilka madaxweyne ku xigeenka puntland.
Wabilaahi Towfiiq Musharax Xilka Madaxweyne Kuxigeenka Puntland
General: Cabdisamad Cali Shire
La xiriir:
Farhan Yasin Mire
isqootax1@gmail.com
Faafin: SomaliTalk.com |
December 2, 2008
| 
Daabaco
Boggan | Print
ARAGTIDA/MAQAALLADA
DADWEYNAHA 
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 