Munaasabad lagu caleemo saarayey furitaanka Jaamacada
Gedo oo ka dhacdey Degmada Baardheere.
Munaasabad balaaran oo lagu caleemo saarayey furitaanka
Jaamacada Gedo oo in mudo ka soocotey Degmada Baardheere
ayaa shaley galab si rasmi ah daaha looga rogay,waxaana
munasaabadii Caleemo saarka Jaamacada Cusub ee Gedo oo
lagu qabtey Xarunta Dugsiga H/Dhexe ee BPS ee HIRDA ka
soo qeyb galey Boqolaal dad ah oo isugu jira rag iyo
dumar, kuwaasi oo ka kala socdey Qeybaha kale duwan ee
Bulshada ku dhaqan degmada Baardheere.
Xafladani oo si heer sare ah loo soo agaasimay ayaa
qaban qaabadeeda waxaa iska kaashadey Maamulka Jaamacada
Gedo,HIRDA iyo Markabley Relief And Development Trust
ayaa ugu horeyntii waxaa halkaasi ka hadlay Cabdi kheyr
Sheekh Xasan Soofe oo ah Wakiilka Gudiga Jaamacada Gedo
Cumbaska aasaaska Gedo,ahna xubin ka tirsan Ururka SDF
iyo Maxamuud Xasan Cilmi oo isna ka tirsan Ururka SDF
ayaa waxayna ku nuuxnuuxsadeen heerarkii kala duwanaa ee
ay soo martey in Jaamacad laga dhiso Gobolka Gedo,gaar
ahaan Degmada Baardheere,iyagoo sheegayna in Ujeedada
ugu weyn in ay tahay sidii ardeyda soo dhamaysata
dugsiyada Sare ee Gobolka ay u heli lahaayeen Jaamacad.
Mas,uuliyiintii kala duwanaa ee Munaasabada Caleemo
saarka Jaamacada Gedo ka hadashey ayaa waxaa ka mid ahaa
Gudoomiyaha Gobolka Gedo Xuseen Farey,Gudoomiyaha
Baardheere Maxamed Xirsi dhudi,Gudoomiyaha Haweenka
Baardheere Diyaaro Aden Waraabe iyo Wakiilka Ugaaska
Beesha Sade.Maxamed Ugaas Cumar. Dhamaan xubnahaasi kala
duwan ayaa waxay ku amaaneen Maamulka Jaamacada iyo
Jaliyadaha Dibada ee u dhashey Gobolka doorkii iyo
gacantii ay ka geysteen taabo gelinta waxbarasho
gaarsiisan heer jaamacadeed oo ka taabo gasha Gobolkan
Gedo.
Sidoo kale munaasabada intii ay socotey ayaa waxaa
barbar socdey tartan Cayaar dhinaca kubada cagta ah oo
ay isaga hor yimaadeen labo kooxood oo kala ah.Xulka
Degmada Baardheere iyo kooxda Jaamacada,iyadoo loo
tartamayey Koob lagu maamusayey Munaasabada
furitaantaanka Jaamacada Gedo ayaa ciyaartii finalka
waxay ku dhamaatey 3-1,waxaana halkaasi ku badiyey Xulka
Degmada Baardheere.
gudoomiyaha Jaamacada
Si kastaba ha ahaatee, Jaamacada Gedo oo la furey
1/4/07 ayaa ilaa iyo hadda ay howlaheedii si habsami leh
ay ku socdaan, iyadoo Semesterkii u horeeyey ee Qeybta
Maamulka iyo xisaabadkana uu haatan uu ku jiro fasaxii
uu ugu gudbi lahaa Semesterkii labaad, waxaana haatan
soconaya Isqoristii ardeyda Jaamacada.
Cabdikheyr
Maxmuud Xasan Cilmi.
Diyaaro
Axmed Cumar Saalixi
Baardheere,Gedo
saalixi221@hotmail.com