71 maalin waxaa si rasmi ah Guriga Ummadda
ee Caasimada dalka Jabuuti ka furmey Shirka dibu-heshiista
wajigiisa labaad
Sawirada Halkan ka daawo....
(Aug 16, 2008) Waxaa si rasmi ah uga furmey
shirkii dibu-heshiisiinta dhinacyada TFG-da iyo ARS-ta wajigiisa
labaad, taasoo ay goob joog ka ahaayeen laba xubnood oo ka
socdey Xafiiska Madaxweynaha Dowlada Jabuuti Ismaaciil Cumar
Geel, inta badan diblamaasiyiinta kala duwan ee caalamka ka
jooga dalka Jabuuti, xubno ka socdey beesha caalamka oo isugu
jira Mas’uuliyiin Ururo caalami ah, sidoo kale waxaa shirka
joogey dhinacayada saldhiga u ahaa furitaanka shirka iyo xubno
ka socdey Ururaadda Bulshada.
Furitaanka shirka ugu horey waxaa ka Hadley
Amp; Ahmedou Ould-Abdallah, Axmed Cabdisalaan Aadan,
Cabdiraxmaan Cabdishakuur Warsame, xubin ka socotey African
Union Bwakir, Wakiil Jaamaca Carabta Al-khussaibi, Wakiilka
Midowga Yurub Dominique Decheref, Xubnid ka socotey Dowlada
Masar, xubin kale oo ka socotey Wasaaaradda Arimaha Dibadda ee
Kiiniya iyo Wasiirka Arimaha Diinta iyo Aw-qaafta Dowlada
Jabuuti
Hadii aan soo qaadano hadalada
Mas’uuliyiintan Wakiilka Midowga Afrika waxaa hadaladiisa kaa
mid ahaa“Afrika waxaa ka go’an dariiqa dheer ee
dibu-heshiisiinta loogu jiro iyo soocelinta Qarankii
Soomaaliyeed”.
Wakiilka Jaamaca Carabta “Caalamka tusa wax
laydinku aaminikaro, maxaa loo dilayaa Wiilasha iyo Haweenka
Soomaaliyeed, ma Ajnabi baa, wixii hada ka dambeeeya, wada
shaqeeya oo aan wada shaqeyno, Soomaalida hadii waqti la siiyo
si dhib yar ayey ku dhameyn karaan khilaafkood”
Wakiilka midowga Yurub “dalka Jabuuti waa
aaminikarnaa, loo eego Muqdisho, Jawiga Yurub waa is-bedeley,
waxaanu haysanaa dadd aanu la shaqeyn karno, Soomaalida dibada
waxaa kaa go’an dibu-heshiisiinta, waana guruubyo siyaasadeed oo
la shaqeynkara dalallka Horumarey”.
Xubin ka socotey Masar “Soomaalidu waxaan
wakiil ugu nahay, inaan ku cadaadino heshiiska Taariikhiga ah,
taageerada aan idiin hayno waanu sii wadeynaa, aduuunkuna adinka
ayuu idinku haleynayaa, sidii xasilooni looga gaari lahaa
Soomaaliya, Masar waxay la jireysaa waligeed Soomaaliya”.
Xubin ka socotey Wasaaradda Arimaha Dibadda
ee Kiiniya “Nabad si dhib yar kuma timaado, waxayna u baaahan
tahay go’aan, xiriirkeenu idiin kama go’aayo ee natusa go’aan
mideysan, kiiniya waxay sii wadeysaa nabada Soomaaliya, waxayna
eegeysaa Kubadda Siyaasada”.
Gunaanadkii Khudbooyinka shirka waxaa khudbad
Taariikhi ah oo dheer, islamarkaana taabaneysey dhinacyo kala
duwan ka jeediyey Wasiirka Arimaha Diinta iyo Aw-qaafta ee
Dowlada Jabuuti, Md. Xaamud Cabdi Suldaan
“anigu waxaan leeyahay Kubadda waxay hoos
taala Soomaaliya, arintana waxaa sii fogeeyey dadka
Soomaaliyeed, halkii laga rabey inay kala gartaan waxa laga rabo
waqti kasta, Masiirka Ummadda Soomaaliyeed adinkaa xadidaaya,
Madaxweynaha jabuuti waxaa xanuun ku haya, dhiibtada shacabka
Soomaaliyeed, waxaa laydinka doonayaa sidii loo quudin lahaa
3500 oo ruux oo ah arin hadadaad ah, waxaana laydinka doonayaa
shacabka Soomaaliyeed ee Cabsida ku raagtey, Gaajada iyo
cudurada” ayuu yiri Md. Xaamud oo hadalka sii wata ayaa intaa ku
darey
“cid kasta waxay raadineysaa sharciyad,
sharciyaduna ma ahan mid ku dhisan xoog, taasina waxaa laga
helaa bulshada dhexdeeda iyo caalamka, waxaana ladoonayaa in la
joojiyo dhiiga shacabka Soomaaaliyeed ee daadanaya maaalin
kasta, Jirka dowladnimo iyo dalkuba waa idiin ku filan yahay,
mas’uuliyiinta Soomaaliyeed inay gartaan ayaa laga doonayaa,
dhibta jirta waad ogtihiin, waxaadna kaga jirtaan meel adag,
Soomaaliya waxaa laga waayey Reer laandheere ah, siyaasadu waa
fan ee ma ahan nin kasta inuu meeshiista xajisto” ayuu yiri Md.
Xaamud
Maxamed Macallin Cismaan(all-man) Somalitalk
Jabuuti
fatxumaalik@hotmaail.com