SOMALITALK.COM dahabshiil
w w w . S o m a l i T a l k . c o m
SOMALITALK - WARAR

  • Mid ka mid ah Isbahaysigii la dagaalanka Argagixisada lagu diley Muqdisho
  • Xarunta Ismaaciil Jimcaale oo Cambaareysay Xasuuqii ay gaysteen Ciidamada Itoobiya
  • Carqalad soo wajahday wejigii labaad ee shirka Jabuuti 

Mid ka mid ah Isbahaysigii la dagaalanka Argagixisada lagu diley Muqdisho

 

Waxaa lagu diley  Magaalada Muqdisho mid ka mid ah aasaasayaashii Isbahaysiga la magacbaxay (la dagaalanka Argagixisada) oo lagu magacaabo Ciise Cismaan Cali kadib markii isagoo ku jira Baar lagu magacaabo Mount  Sinai ay ugu soo galeen afar nin oo ku hubeysan Bistoolado kuwaas oo halkaasi ku Diley  Ciise Cismaan, waxaana la sheegay in uu halkaasi ku geeriyooday mid ka mid ah ilaaladiisii.

 

Ciise oo loola cararay Isbitaal isagoo dhaawac ah ayaa ku geeriyoodey isbitaalka waxaana  ayaa uu ka dhacay falkaasi waxaa soo buuxiyey ciidamo ka tirsan Dowladda Federaalka, kuwaas oo halkaasi ka bilaabay Baaritaan, hase yeeshee ciidamadaasi waxba halkaasi kama aysan qaban, waxaana la sheegay in Ciise uu markii dambe uu ahaa Ganacsade hase yeeshee warar ayaa sheegayeye in uu  shaqeynayey maamulka Gobolka Banaadir, kal hore ayay markii isagoo ku sugan gurigiisa Bam lagu tuuray uu ku dhaawacmay Xildhibaan Bootaan Ciise Caalin oo isna ka mid ahaa Isbahaysigii la dagaalanka Argagixisada, waxaana Bootaan loo qaaday dalka dibaddiisa.

 

Ilaa iyo haatan cid sheegatay ma jirto dilka  loo gaystay Ciise , hase yeeshee waxa uu ka mid ah noqday ugaarsiga lagu hayo dadka la shaqeeya Dowladda Federaalka.

Xarunta Ismaaciil Jimcaale oo Cambaareysay Xasuuqii ay gaysteen Ciidamada Itoobiya

Xarunta Ismaaciil Jimcaale ee Xaquuqda aadanaha ayaa cambaareyn kulul dusha uga tuurtay qaar ka mid ah Ciidamada Itoobiya falal arxan daro ah ku gumaaday 15/08/2008 dad rayid ah oo ku safrayey wadada isku xirta Muqdisho iyo Afgooye, kuwaas oo ay tiradoodu gaareysay 48 qofood oo aan waxba galabsan, sidoo kale waxay qaar ka tirsan ciidamada Itoobiya ee saladhiga ka dhigtay wadada Makka-Almukarama ay halkaasi falal dil fool xun ugu gaysteen ilaa iyo shan qofood, waxaa kale oo sii dheer in 5 qof oo kale oo mid dhaawac uu ahaa ay Ciidamada Itoobiya Gaari kala degeen kadibna ay toogteen. 

Isku gaynta dadka ay ciidamada Itoobiya dileen inta u dhexeysa Muqdisho iyo Afgooye ayaa gaareysa 74 qofood, iyadoo weliba ay jiri karaan qaar kale oo dhaawicii soo gaaray u geeriyooday, falalkaasi oo ah kuwo xad-gudub ku ah Shareecadda Islaamka, Xeerka dhaqanka Soomaalida iyo Qawaaniinta Caalamiga ah ee la isla wada aqoonsan yahay oo uu xaq qofka bini’aadamka ah u leeyahay in uu ku noolaado nabad iyo xoriyo, haddana waxaa xarunta walwal iyo walaac ku haya falalka lagu sii barakicinayo dadkii horey ugu barakacay inta u dhexeysa Muqdisho iyo Afgooye, waxayna ka dalbaneysaa madaxda Ciidamada Itoobiya in ay xakameeyaan ciidamadooda si looga hor tago dilalka arxan darada ah, waxay kaloo hay’addu ugu baaqeysaa Dowladda Federaalka in ay indhaha ku hayaan falalka arxan darada ah ee Ciidamada Itoolbiya ka gaysanayaan gudaha dalka Soomaaliya, waxaana qoraalkaan ku saxiixnaa Dr. Cabdi Weheliye Siyaad  oo ah kusimaha gudoonka Xarunta Ismaaciil Jimcaale ee xaquuqda Aadanaha.

Carqalad soo wajahday wejigii labaad ee shirka Jabuuti 

Wararka naga soo gaaraya dalka Jabuuti waxay sheegayaan in maalintii shalay ahayd shirkii Jabuuti ee loo madlansanaa mar kale in ay soo wajahday carqalad kadib markii ay shirka soo xaadireen rag aan horey Liisk ugu jirin oo ka socday dhinaca Dowladda. 

Carqaladeyntaan ayaa ka timid guddiga Siyaasadda, hase yeeshee guddigii ammaanka ee labada dhinac si wanaagsan ayay hawshooda u watee, hase yeeshee mas’uuliyiin ka socotay Dowladda Jabuuti ayaa mar kale soo kala dhex galay kuna guuleystay in dib la isugu soo laabto shirkii hase yeeshee xubno ka tirsan Isbahaysiga dib u xoreynta garabka Jabuuti ayaan iyagu ku qanacsaneen in xubnaha lagu soo daro rag ay sheekeen in ay dambiyo dagaal ka galeen Soomaaliya. 

Afhayeen u hadlay garabka Isbahaysiga Asmara ayaa waxa uu sheegay in Shirka ka socda Jabuuti uu yahay shir la doonayo in Itoobiya lagu sii taageero in ay sii joogto Soomaaliya, sidoo kale waxay sheegeen in Shirkaasi ay ka qaybgalayaan raggii xasuuqay islama markaana barakiciyey Malaayiin Soomaali ah, “waxay ahayd in raggaasi loo diyaariyi Maxkamad, waxaase ayaandaro ah in Dad Soomaaliyeed hor fariistaan dadkaasi oo weli xasuuqa Ummadda Soomaaliyeed” ayay yiraahdeen Xubnaha Asmara. 

W/D Amiin Yuusuf Khasaaro

E-Mail  amiinkhasaaro@hotmail.com

Faafin: SomaliTalk.com |  August 17, 2008

 

BAARID | SEARCH


WAREYSI: Professor Axmed Ismaaciil Samatar
“Itoobiya naguma soo duusheen haddaanu leennahay madax iyo dowlad dhab ah” Akhri

Kulaabo bogga  www.SomaliTalk.com  © www.SomaliTalk.com

La soo xiriir:

IIDHEH
XAYAYSIIS