SOMALITALK.COM dahabshiil
w w w . S o m a l i T a l k . c o m
SOMALITALK - WARAR

Dibu-heshiisiin dibu-heshiisiin dhasha !!

Waxaa la filayaa in maalinta sabtida ah oo ay taariikhdu ku beegan tahay 16/08/2008 uu shirkii dibu heshiisiinta wajigiisa labaad ee TFG-da iyo ARS-ta uu uga furmo Guriga Ummadda ee dalka Jabuuti.

Dowlada Jabuuti oo Qaban qaabadii ugu xooga badneyd maal mahaan ku jirtey sidii wajiga labaad ee shirka dibu-heshiisiinta ARS-ta iyo TFG-da ee hore ay ugu balansanaayeen loogu qaban lahaa ayaa waxaa maalinimadii Jimacaha soo garey Wufuud kala duwan oo isugu jirey xubno uu hogaaminayo Ergeyga gaarka ah ee Qaramada midoobey ee Soomaaliya Amp :- Ahmedou Ould-abdallah, Wafdi kale oo uu hogaaminayo Ra’iisul Wasaare ku xigeenka Xukuumada TFG-da ahna Wasiirka Warfaafinta Axmed Cabdi Salaan iyo xubno xildhibaano ah, sidoo kale waxaa soo gaarey xubno kale oo ka socda Besha Caalamka, iyadoo hore ay ugu sugnaayeen Caasimada dalka Jabuuti xubnihii ugu qaybgali lahaa shirka dibu-heshiisiinta wajigiisa labaad inta badan xubnaha Is-bahaysiga Dibu-xoreynta.

Xildhibaanada iyo Wasiirada yimid waxaa safarkooda ku wehliyey qaar ka tirsan saraakiisha ciidamada Qalabka sida ee DFKMG, kuwaasoo dhamaantood la doonayo in ay ka mid noqdaan gudiyada siyaasada iyo kan nabadgelyada.

Gudiyadan labad dhinac ee ARS-ta iyo TFG-da ayaa warar hor dhac oo aan ka heley ilo kala duwan oo ku dhow dhow labad dhinac ayaa guud ahaan la iigu sheegey in tirada guud ay gaareyso, 42 xubnood, kuwaasoo labada gudi mid kasta laga doonayo 21 xubnood, gudiga siyaasada labada dhinac waxaa la iigu sheegey in tiraoodu ay gaareyso ilaa 22 xubnood, halka gudiga nabadgelyaduna la iigu sheegey in tiradoodu ay gaareyso 20 xubnood.

Warar hoose oo aan helney ayaa waxay sheegeyaan in Madaxweyne C/llaahi Yuusuf oo hada ku suagan dalka Ethobia, isaga iyo Ra’iisul Wasaare Nuur Xasan Xuseen, islamarkaana lagu lagu xalinayo khilaafkoodii Magaalada Adis Ababa, in isaga iyo xubno uu hogaaminayo ay shirka ka soo qaybgalidoonaan, islamarkaana uu isagu qoraal u soo direy UN-ku , taasoo uu ku sheegeyo wax Xukuumad TFG la yiraahdo oo shaqeynaya in aysan jirin,, islamarkaana xukuumadu ay is casishey, sidaas darteedna xubnihii shirka uga qaybgeli lahaa uu ka dalbadey in isaga laga sugo, shirkana dib loo yara dhigo waqti cayiman.

Halka Baarlamaanka DFKMG uu isaguna maalinta sabtida uu fadhi kaga yeelanayo in Xukuumada Co/Nuur Cade codka kalsoonida loo qaado, hase ahaatee in badan oo ka tirsan Xildhibaanada Baarlamaanka ayaa ku doodaya, maadaama Dowladu mudo 4-sano ay ku jirtey dagaal lagu riiqdey, dhumiseyna waqtigeeda inta badan, sidaas darteed ay heleyso Xukuumadu Nuur Cade codka kalsoonida Baarlamaanka.

Dhinaca kale heshiiskan lagu sixiixey dalka Jabuuti 09/06/2008-da ayaa wuxuu ka abuurey dowlado kala duwan oo Gobolka ka tirsan khilaaf, marka laga reebo labada dhinac ee heshiiska kala sixiixdey, sida waxaa xurguf dagaal ka dhex dhacay Dowlada Jabuuti oo Soomaaliya dhinac kasta ay wadaagaan iyo Dowlada Asmara, taasoo wali xalinteeda lagu jiro, inkastoo lagu sheegey dagaalka labada dhinac sababo kala duwan oo aan wali si rasmi ah loo shaacin, hadana waxaa muuqata in Dowlada Asmara ay kusoo duushey dhul aysan lahayn, laakiin Dowalda Jabuuti iyadoo kaashaneysa khibrad iyo siyaasada cusub ayaa waxay ku hawlan tahay, in rainta lagu dhameeyo wada hadal, inkastoo maamulka Asmara uu yahay maamul ay madax martey hal adeyg aan xiligan dunida looga baahneyn, halka maamulka ugu sareeya Adis iyo Wasiiradiisa heshiiskan uu isaguna ku dhaliyey is aaminaad la’aan weyn, is aamin deridan ayaa markii dambe waxay gaartey in qaybo ka tirsan Wasiiradda ugu muhiisan maamulka Adis, ay xilkii ku waayaan, horaantii Usbuucii aynu ka soo gudubney, islamarkaana buuxinta xilkaasna loo la’yahay cidii lagu buuxin lahaa, sida aan ka soo xiganayey dadd ku dhow dhow maamulka Adis.

Dadd socoto ah oo ka yimid Ethobia oo aan kula kulmey Caasimada dalka Jabuuti ayaa waxay ii sheegeen « in Degmooyin fara badan oo ka tirsan Gobolka Soomaalidu ay degto ee Ethobia, islamarkaana ay Gumeysato Ethobia in ay soo faaruqiyeen ciidamadii joogi jirey halkaas, taasoo ay ku sheegeen dhibaatada ka soo gaartey dagaalka sii daba dheeraadey ee ay kula jirta kooxaha ka soo horjeeda DSFKMG.

Dowlada Ethobia oo ah garabka ugu muhiimsan ee ay ku tiirsan DFKMG ayaa waxay daddkaan ku sheegayaan, in maamulka Ethobia maalinba maalinta ka dambeysa uu sii tabar beelayo.

DFKMG ayaa iyaduna heshiiskan waxaa uu ku abuurey khilaf xoogan intii ay jirtey abid, dadka arimaha siyaasada ku xeel dheer waxay carabka ku adkeynayaan, in dowladu ay ku socoto wadadii ay ku kala tegi lahayd ama ay xilkooda ku waayidoonaan xubno in badan loogu hamuun qabey in booska ay baneeyaan, halka Is-baysiga dibu-xoreyntuna uu isaguna uu ahaa kooxdii ugu horeysey oo ku kala tagta mabda’ii ay wada degsadeen, iyadoo kooxba kooxda kale ku eedeyneysa in Axdigii ay ku balameen ay ka leexdeen, sidoo kale waxay kuwaayey saaxiibkii ay ku mideysnaayeen oo lagu dhisey hoostiisa Is-bahaysiga, waxayna keentey in ay ku kala xirmaan Asmara iyo Jabuuti, inkastoo kooxda qaarkeed la sheegey in aysan safar ku aadi karin wadamada caalamka arimo fara badan oo jira awgeed.

Dowladaha Jabuti, Ethobia iyo Eriteria ayaa ah kuwo dowladii hore ee Soomaaliya siisey fursado kala duwan, islamarkaan gelisey Abaal aan la gudikarin, inkastoo Dowlada Jabuuti isku dey kasta oo ay sameyso in arinta Soomaaliya laga gaaro xal waara ay, uu lug jiidayey Maamulka Adis Ababa ee Zanawi, wuxuuna abaalkii ku gudey Zanawi madaafiic lagu garaaco dadka maatida ah iyo in uu mar walba u yeero kuwo isaga shaatiga ka fiiqaya, islamarkaana ka luminaya kalsoonidii shacabkiisa, wuxuuna u sheegaa shacabkiisa in uu la dagaalamayo koox Islaamiyiin ah, taasoo bedelkeedana uu u geeyo dersin maydadd iyo dhaawac ah oo aan la ogeyn waxa ay ku dhimanayaan, halka dowalada Eriteriya oo ah Dowlad xili dhow xornimada qaadatey, iyaduna laga rabey ay hada diyaarsatey in ay abuurto Hogaamiye Kooxeed cusub oo hada ku sugan Soomaaliya sida aan ka helney ilo wareedyo hoose, taasoo u muuqata in iyaduna markeeda ay shacabka Soomaaliyeed madaafiic ka dul rido, dhamaan marka aad eegto arimahaan, waxaa muuaneysa in arinta Soomaaliya dadkii laga rabey inay ilaaliyaan ay sii dhabqinayaan.

Shirkii dibu-heshiisiinta ee la sixiixey 09//06/2008 dhamaan xubnihii ka soo qaybgaley, marka aad eegto mid kasta waxaa uu dabada ku watey ruux shisheeye ah oo aan la garaneyn Ujeedadda uu leeyahay, waxaadna moodaa in ay ka badnaayeen Soomaalida heshiiska laga doonayey iyada dhexdeeda, hawshuna waxay kusoo gebagebowdey, in laba bilood iyo 10- maalin kadib shir laysugu yimaado, taasoo aan la ogeyn waxa uu kusoo gebageboobidoono gunaanadkiisa.

Dhamaan arimahaan is guraya, marka laysku soo duubo waxaad moodaa in khilaafku uusan ku ekaandoonin dhinacyada iska soo horjeeda ee Soomaalida, islamarkaana uu saameyn kale ku yeelandoono dowlado kale oo isugu jira kuwa Gobolka iyo Caalamka, taasina waxay sii murjineysaa xalka Ummadda Soomaaliyeed, Ehobia-na waxaa u bilaaban doona dibu-heshiisiin dibu heshiisiin dhasha

Maxamed Macallin Cismaan(All-man) Somalitalk Jabuuti.

fatxumaalik@hotmail.com

Faafin: SomaliTalk.com |  August 15, 2008

DFKMG ayaa ku dhawaqaday muddo sanad ah ka dib in ay dib u furtay wadada 30ka ee Muqdisho.. Akhri Aug 16

Warsaxaafadeed ku aadan xasuuqii arxandarrada ahaa ee ay Ciidamada Cadowgu u geysteen Shacabka.. Akhri Aug 16

Kor u kaca qiimaha Shidaalka oo yareeyay shilalka Wadamada reer galbeedka  - Aug 16

Guddoomiyaha Xisbiga HA NOOLAATO oo cambaarayn dusha uga tuuray ciidamada Ethiopia ee xasuuqa ka geystay Muqdisho iyo Shabeelada Hoose Akhri Aug 16

Batiyaanasiibkii Telcom oo maanta lagu qabtay Borama “Daawo Sawirada”  - Aug 16

Dagaallo lagu jabiyay ciidammada gumaysiga Aug 16

 

BAARID | SEARCH


WAREYSI: Professor Axmed Ismaaciil Samatar
“Itoobiya naguma soo duusheen haddaanu leennahay madax iyo dowlad dhab ah” Akhri

Kulaabo bogga  www.SomaliTalk.com  © www.SomaliTalk.com

La soo xiriir:

IIDHEH
XAYAYSIIS