SOMALITALK.COM dahabshiil
w w w . S o m a l i T a l k . c o m
SOMALITALK - CIYAARAHA

HORYAALKA EUROSOM OO AL-HIJRA NOQOTAY IYO XAFLADII XIRITAAN.

Waxaa muddo laba isbuuc ah ka socdey magaalada Leicester tartankii tobonaad ee ciyaaraha EuroSom, tartankan ayaa waxaa uu intuu socdey lagu tartamayey ciyaaraha kala duwan sida kubadda cagta (da'da yar yar iyo waa weynba), kubadda koleyga (Wiilal iyo gabdho), Kubadda Miiska, Falaaraha ama kabdhoodka, Orodada,waxaa xusid mudan sanadkan in EuroSom ay noqotay markii ugu horeeysey ee lagu tababaro maamuladooda qaabka loo sameeyo isku aadyada ama jadwal diyaarinta.

Aqristow maanta ayaa waxaa lasoo gabagabeeyey dhamaan ciyaarahaas aan kor kusoo xusnay.Hadaba galabta ayey aheyd markii ay usoo soo hareen dhinaca kubadda cagta laba kooxood oo iyagu Finalkii isugu yimid kuna wada ciyaaray halkaas cayaartii kama danbeeysta aheyd, labadan kooxood ayaa waxaa ay kala ahaayeen Kooxda Al-Hijra oo reer London ah iyo Kooxdii martida loo ahaa ee Leicester, labada kooxood ayaa waxaa ay wada yihiin kooxo ka dhisan wadanka Ingiriiska.
 
Labada kooxood ayaa waxaa inta aysan ciyaarta bilaaban waxaa wax ka weydiiyey macalimiintooda sida ay u arkaan ciyaarta maaanta. waxaa ugu horeeyntii aan ku hormaray macalinka kooxda reer Leicester Macalin Abdi oo waxaa weydiiyey ciyaarta sida uu u arko, waxaa uuna iigu jawaabay 'Runtii waa ciyaar kulul oo labad kooxoodba wey wada adagyihiin, walow ay kooxda Al-Hijra naga qibrad badan tahay oo angu waa markii noogu horeeysey oo aan imaano tartankan cayaarta Finalka ah, lakiin waa ciyaaroo waxwalba ayaa ciyaarta ka suurtowda waanse isla arki doona jawaabteeda' sidaas waxaa yiri macalinka Leicester. Sidoo kale waxaan halkaas ku waraystey macalinka Al-Hijra oo waxaan weydiiyey isla su aashii, waxaana uu iigu jawaabay 'Waxan waa kubad marna adiga ayey ku jirta marna dhinaca kale, lakiin sidii nalagu yaqiinay waxaan soo bandhigi doonaa ciyaar wanaagsan oo ay dadka kawada helaan' sidaas waxaa yiri Macalin Rabiiic Mcalinka kooxda Al-Hijra.
 
Si kastaba ciyaartii waa bilaabatay oo waxaa ay ku bilaabatay jawi degen, waxyar kadib ayaa waxaa bilaabatay in koox walbaa ay markeeda weerar qaado, weerarkaas iyo weerar celiskiiba waxaa ugu danbeeyntii ciyarta qaybteedii hore ay kusoo gabagaboowdey eber iyo eber. Qaybtii labaad ayaa layskugu soo laabtay, kadib markii ay latashteen labada kooxoodba macalimiintoodii, ciyaartii wey adkaatay oo waxaad arkeysey inkooxdii Leicester ay soo bandhigeen ciyaarquruxbadneyd oo weerarkooduna aad u badnaa oo ilaa iyo sedexgool ay iska cuneen. Macalin Rabiic ayaa arkey qaabka ay ciyaarta usocoto isla markaasna badal kusuubiyey ciyaartoydiisii iyo qaabkii ay u ciyaarayeen oo waxaad arkeysey in nin ka cayaarayey weerar uu ku badalay mid difaaca ka cayaara isla markaasna suubiyey nin difaaca ka ciyaara inuu geeyo weerar, si kastaba wixii larabo halaysku adeegsado ciyaartii qaybtii labaadaa waxaa ay kusoo gabagaboowde isla eber iyo eber.

Waxaa lagu daray waqtigii dheeraadka ahaa waxaa ay isna qayybtii hore ku dhamaatay eber iyo eber, qaybtii labaad ee waqtiga dheeraadka ahaa ayaa waxaa ay qalad kusuubiyee diilinta 18-aad dhexdeed kooxda Leicester halkaasna Rigoore laga dhigey waxaana Rigooradaas kooxda Al-Hijra u dhaliyey inankii lambarka Tobonaad u sitey kooxa Al Hijra Jamaal.
 
Kooxda Al-Hijra ayaa sidaas waxaa ay ku noqotay Horyaalka EuroSom, Al-Hijra waa markii labaad oo ay horyaalkan qaado. Kii sanadkii ugu danbeeyey waxaa qaadey kooxda Kanava ee Finland.
 
Waxaa ciyaarta ka dib jirey xaflad xiritaan ah oo lagu soo gabagabeeynayey tartanka Tobonaad ee EuroSom, xafladan ayaa waxaa ay ka dhacdey hool aad uqurux badan oo ay soo diyaariyeen gudigii qabanqaabada ciyaarahan uguna talagaleen in ay kusogootiyaan walaalahooda kasoo qayb galay ciyaarahan.
 
Xafladan xiritaanka ayaa waxaa ay isku jirtey mid lagu aablmarineyey dhamaan dadkii kasoo shaqeeyey barnaamijka snadka soo socdaanadkan iyo dhamaan cid aale iyo cidii kuguulaystay tartamadii kala duwanaa ee sanadkan. Waxaa sidoo kale xafladan loogu codeeynayey labaddii wadan ee isku soo sharaxdey iney qabato ciyaraha sanadka soo socda.
 
Xafladan waxaa lagu abaal mariyeye dad aad u tiro badan oo aan halkaan kusoo koobi karin lakiin , dhinaca kubadda Cagta waxaa macalinkii ugu fiicnaa noqdey Macalin Siciid Ceyrow, ciyaaryahankii ugu fiicanaa waxaa uu Noqdey Ciyaaryahankii kooxdii birmingham u sitey Nro 10-aad, halka goolal dhalintana uu noqdey ninkii ugu badnaa inankii nro 10-aad ee Al-Hijra, kooxdii ugu fiicneydna Kooxda Birmingham, goolhayihii ugu fiicnaa kooxda Norwey.
 
Xafladaii waxaa ay kusoo dhamaatay Jawi aad u macaan oo dadkii halkaas isugu yimid ay aad ula dhaceen, waxaa xusid mudan in ay sanadkan isku soo sharaxeen laba wadan oo mid walba uu rabay inuu sanadka soo socda qabto ciyaarahan. Labada wadan ayaa waxaa ay kala ahaayeen Wadanka Denmark iyo Sweden waxaan halkaas codeeyn ka dib ku guulaystay wadankii Sweden qaas ahaan magaalada Gothenburg.
 
Xafladan ayaa waxaa kasoo qayb galay Gudomiye kuxigeenka GOS Duran Farah,Bashiir Fox,Garossre caalami ah Gen.Bashiir M. Jamac (Goobe,Garsoore) caalami ah Maxamed Farax,Madaxa laanta afka somaaliag BBC-da Yusuf Garaad,Gudoomiye ku xigeenka K.Cagta Axmed Nur,Macalin Bashiir Abdi Daahir,Gudomiye K.K.Koleyga iyo horumarinta Baana,Macalinka Qaranka Anyeelo,C.M.Farah(Biriq)Laacibkii batroolka, Mucjisadii kubadda miiska Magan Daahir,Laacibtii kubadda koleyga Dhame iyo Axmadeey oo Canada ka yimid, Biini, odayaasha EuroSom oo aan lahilmaami karin Prof.Musse Naasir,Muridi Zein iyo Sabriye.
 
Waxaan marnaba la hilmaami karirin websideyadii nala shaqeeyey oo aan halkan mahadbalaaran uga soo jeedinayo, waxayna kala yihiin Hiiraan Online,Deeyoo,Ciyaaraha,Somalitalk,Radio Dalmar,Onkod, Somalisc.com iyo idaacada BBC-da qaybteeda afka Soomaaliaga, websideka Calanka.com.
 
Waxaan ugu danbeeytii aniga oo ah Af-hayeenka EuroSom Abdiaziz Godah aan hanbalyo usoo jeediyaa maamulka EuroSom Leicester iyo dhamaan intii ka qayb qaadatay soo dhaweynteenii iyo sidii wanaagsaneed ee ay noola shaqeeyeen muddo laba isbuuc ah, waxaan sidoo kale maamulka cusub ee sanadka soo socda iyagana u rajaynaa intaas iyo ka fiican.
 
Isku soo wada duub mudo laba isbuuc ah ayaa waxaa halkan habeen iyo maalin ka socdey barnaamijyo isdaba tixnaa oo aan halkan lagu soo koobi karin, waxaa inoo balan aha Gothenburg Sweden iyo 2009 haddii ilaah yiraah.

Sawirada Gabagabadii Ciyaaraha EuroSom... Daawo

ABDIAZIZ GODAH
Leicester-England

Tartankii kubadda koleyga ee EuroSom oo ay ku guuleeysatay kooxdii Cardiff iyo Ciyaartii ciyaartoydii Hore ee cuslaatay... Akhris/sawiro.. July 29

Faafin: SomaliTalk.com |  August 2, 2008

BAARID | SEARCH


guriAustralia: Gurigii Xafiiska u ahaa Shirkadda Range Resources oo La Xaraashayo
Gurigaas oo ku yaal galbeedka Perth oo xafiis u ahaa dhawr shirkadood oo ay ka mid tahay shirkadda heshiiska kula jirta DGPL ayaa Akhri

yusuf iyo handuleSafiirka Soomaaliya ee Moscow oo wada-xaajood kula jira Shirkadda Ruushka ee Gazprom
Xaggeese Marayaa Heshiiskii C/llaahi Yuusuf iyo Shirkadda Militariga Faransiiska. Akhri

Kalfadhigii 20aad ee Golaha Wakiillada Puntland oo Ka Furmay Garoowe...
iyo Gen. Cadde Muuse oo sheegay in 5 bilood ay kusoo saarayaan Batroolka, waxana uu yiri "Jirri ayaa tiriye Shaydaan baan la heshiinayaa si aan waddan kayga wax ugu soo saaro"  Akhri..


Kulaabo bogga  www.SomaliTalk.com  © www.SomaliTalk.com

La soo xiriir:

IIDHEH
XAYAYSIIS