SOMALITALK.COM dahabshiil
w w w . S o m a l i T a l k . c o m
SOMALITALK - K/AFRIKA

Fidinta diinta iyo doorka culumada Soomalaida Koonfurta Afrika (dad baddan oo diinta lagu soo duwayo).  

Inbaddan waxaa dhagahaaga kusoo dhacay marka aad wadan qurbo ah joogtid,oo  diinta masiixiyada ku badantahay “aduunyo ayaad usoo haajirtey, ma adigaa diin usoo haajirey, halkii laga haajiri lahaa ayaad usoo haajirtey, kolkaas ayaad ka cabanaysaa dhibaatada qurbaha kugu heysato”, laakiin marka aad dhinac kale ka eegto bulshooyinka islaamka ee u haajirey wadamada gaalada waxay kaalin lixaad leh ka qaadanayaan fidinta diinta, tusaalada koowaad waa Soomaalida, ay ka mid tahay tan ku nool dalkani K/Afrika kuwaas oo culumada ay dad baddan islaamka kusoo dareen.  

Waa maalin jimco ah, jawigana waa mid degan, waa maalin kale oo aan ku waa bariistey nabad iyo caafimaad, anigoo rabi weyne xasuusan, waxa kaliya ee i walwalgalinayo waa wadanka qurbaha ah ee aan ku noolahay, dhibaatada walaalahayga soomalaida ku heysato, iyo jamhuuriyada kiristaanka ah ee aan ku dhex noolahay, waxaan ka walbahaarsanahay waxa aan diinteeyda iyo dalkeeyga u qaban lahaa haddii aan joogi lahaa dalkeeygii hooyo. Laakiin walwalkaasi wuxuu I daayay markii salaadii jimcaha laga baxay.  

Mid ka mid ah mashaa’iikhda masaajidka Johannesburg maamusha ayaa isu taagay in uu iclaan jeediyo, wuxuu yiri “waxaan u istaagay in aan idiin sheego, waxaa jirra nin walaalkeen ah, oo hadda diinta kusoo biiraya, waxaan rabnaa in halkan shahaada loogu qabto, ee fadlan dhagaysta oo fadhiya”, intaasi markii aan maqlay ayaan kasoo istaagay meeshii dambe ee aan masaajidka ka fadhiyey, waxaan usoo dhawaaday halkii imaanka iyo culamada shahaada u qabanaysay walaalkeena cusub ay fadhiyeen, waxaa shahaadada u qabtay Fadiilatul Sheekh Isxaaq oo daqiiqado ka hor salaada jimcaha naga bixiyey, ahaana  sheekhii qudbada jimcaha aqriyey, “Ashhadu”, waa uu ka daba dhahay, wax yar kadibna waa loo dhameeyey ashahaado qabadsiintii.  

Ninkani walaakeen ah ee hadda diinta kusoo biirey, waxaa horey loogu magacaabi jirrey Gabreal Mazwi, waa 36 jir, wuxuu ka yimid dalka Zimbabwe, qadar daqiiqado ah oo aan ku waraystay masaajidka dhexdiisa ayaa waxa uu iiga sheekeeyey qaabkii uu ku go’aansaday in uu diinta islaanka kusoo biiro , wuxuu yiri “waxaan ka dhashay qoys kiristan ah, South Africa markaan imid ayaan waxaa la shaqeeyey dad muslimiin ah, waxaa iga yaabiyey dhaqankooda suuban, daacadnimadooda, deeqsinimadooda, sida ay isaga illaalinayaan xaqqa dadka kale, sida ay daacad oga yihiin cibaadada iyo salaada, waxaan ogaaday wixii salaad ahaan ay u tukan jirreen reerkeena iyo dad Kiristanka ah , eey ahaayeen waxyaalo been abuur ah, oo aan sal iyo raad lahay” ayuu yiri walaalkeena cusub oo hadda magaciisa loo rogey Jamaal.


JAMAAL OO MUSLIMAY

Bal eeg oo u fiirso, ninkani waxa diinta kusoo daray isagoo arkay dhaqanka suuban ee dad muslimiin ah ku camal falayaan, halkaasi maxaa kaaga baxaya?. Waxaa halkaasi kaaga muuqanaya in adiga oo aanan wax dadaal kale ah ku bixinin in aad qof soo islaamiso, kaliya dad badda baddan aad ku islaamin karto in aad dhaqankaaga toosiso, oo aad dadyowga kale u muujiso waanaaga islaamka , iyo dhaqankkiisa u wanaagsanyahay, waxaa suurogal ah in dadka ay ku qancaan diinta kadibna ay diinta kusoo biiraan. Laakiin ka waran haddii adigii islaamka ahaa aad u dhaqmayso si ka fool xun, kana an islaamka aheynn?, sideed qof ugu qancineysaa islaamka waa diin wanaagsan ee kusoo biir?.  


DADWEYNAHA OO MASAJIDKA FADHIYA

Walaalkeen Jamaal waa mid ka mid ah tusaalaha wanaagsan ee aan usoo qaadan karro shaqada wanaagsan ee ay hayaan Culumada Soomaaliyeed ee markani noqdey laf dhabarta Kumanaanka Soomaalida ah ee dalkani degan, mid ka mid ah culumada oo markii Jamaal la islaamiyey hadlayay ayaa yiri “soo dhaweeya walaakeena cusub, qof idinka oo kale ah umbaa diinta kusoo jiidey, waa waajib idin saaran in aad dadka aysan diinta gaarin aan diinta kusoo duwdaan” dabcan fariintaasi iyo waxa meesha daqiiqado ka hor ka dhacay ee qeerka iyo wanaaga ah ayaa qof kasta oga filneyd in uu ogadaado awooda ku jirta iyo sida ay suurogal ugu tahay in uu afkiisa iyo adinkiisa diinta rabbi ku faafiyo.  

Sida uu mardambe ii sheegey Sh. Axmed Dheere, oo ah xoghayah guud ee ururuka culumada Al-Bayaan, anigana aanba ka warhayay, waxaa jirey dhowr qof oo kale oo sanadkani gudihiisa lagu muslimiyey masjidkani oo sanad kaliya dhisan. 


AXMED DHERE OO KALIMAD BOGADIN IYO DHIIRIGALIN AH MUNAASABAD KA SHEEGAYA

Ururka dacwada ee Al_Bayaan ayaan howlo baddan ka qabtay xagga fidinta diinta, illaa iminkana wada, waxaa kamid ah howlaha u qabsoomay ururka dhismaha masjiido Soomaalida ay ku cibaadeysato, samaynta mandaaris ay caruurta wax ku bartaan, kuwaas oo caruur baddan ay ka faa’iideysatay, waxaana jirra in wali looga fadhiyo howlo baddan oo kale, laakiin waxay u muuqataa in markani Ururka Al-Bayaan oo 10 sanno ka hor ku billoowdey si gaabis ah uu noqdey Daad aanan cidina moosi karin, oo faafinaya diinta Islaamka, iyo u adeegeeda. 

Cabdinaasir Axmed Sh. Bashiir (Saxansoxo). Email: saxansoxo1@hotmail.com., ama Southafrica@somalitalk.com. Johannesburg, South Africa, Somalitalk. Tell:+27767059384.

Faafin: SomaliTalk.com |  August 2, 2008

BAARID | SEARCH


guriAustralia: Gurigii Xafiiska u ahaa Shirkadda Range Resources oo La Xaraashayo
Gurigaas oo ku yaal galbeedka Perth oo xafiis u ahaa dhawr shirkadood oo ay ka mid tahay shirkadda heshiiska kula jirta DGPL ayaa Akhri

yusuf iyo handuleSafiirka Soomaaliya ee Moscow oo wada-xaajood kula jira Shirkadda Ruushka ee Gazprom
Xaggeese Marayaa Heshiiskii C/llaahi Yuusuf iyo Shirkadda Militariga Faransiiska. Akhri

Kalfadhigii 20aad ee Golaha Wakiillada Puntland oo Ka Furmay Garoowe...
iyo Gen. Cadde Muuse oo sheegay in 5 bilood ay kusoo saarayaan Batroolka, waxana uu yiri "Jirri ayaa tiriye Shaydaan baan la heshiinayaa si aan waddan kayga wax ugu soo saaro"  Akhri..


Kulaabo bogga  www.SomaliTalk.com  © www.SomaliTalk.com

La soo xiriir:

IIDHEH
XAYAYSIIS