Siyaasiyiinta Beelaha Hawiye oo Dowladda Itoobiya ku eedeeyey inay kaga
hiiliyeen....
Wararka naga soo gaaraya Magaalada Baydhabo waxay sheegayaan in kulan ay
isugu yimaadeen Siyaasiyiinta Beelaha Hawiye si weyn looga hadlay
iscasilaadii Ra'isul Wasaarihii hore ee DFKMG Geedi, waxayna sheegeen
siyaasiyiintu in iscasilaadaasu ay ku timid cadaadis Geedi kaga timid Beesha
Caalamka gaar ahaan Itoobiya iyo Mareykanka.
"Itoobiya waxay nooga hiilisay Beesha Daarood, iyadoo og in Soomaalid ay u
kala degto beelo, beelaha Haweyana ay yihiin kuga ugu tirada badan
Soomaaliya" ayay yiraahdeen Siyaasiyiintaasi oo sheegay in Dowladda Itoobiya
ay kaga hiilisay Beesha Daarood.
"Shirkii lagu qabtay Nairobi waxaa dowladda loo qaybsaday qaab beeleed,
waxaana beesha Hawiye kaga soo aaday Ra'isul Wasaare, mana aheyn in Ra'isul
Wasaaraha lag u cadaadiyo in xilkiisa uu isaga dego, sidaa darteed, waxaa
loo baahnaa in C/llaahi Yuusuf iyo Cali Max'ed Geedi ku kala baxaan dhinaca
dastuurks iyo baarlamaanka" waxayna intaa sii raaciyeen "Markii la saaray
Dowladdii Max'ed Siyaad Barre, waxay Beesha Caalamka isku raacday in Beelaha
Hawiye ay xaq u leeyihiin in ay qabtaan jagada Madaxweynenimo, balse waxa
jagadaan duudsiiyey Beelaha Hawiye Dowladda Itobiya oo la dhinac noqotay
beesha Daarood".
Siyaasiyiinta Beelaha Hawiye waxa ay sheegeen in ay dadaal u gali doonaan
sidii ay u soo dhicin lahaayeen xaqa ka maqan Beelaha Hawiye.
Maalintii doraad ahayd ayaa Ra'isul Wasaarihii DFKMG Geedi oo ka soo
degay Garoonka Diyaaradaha Baydhabo isagoo ka yimid dalka Itoobiya, waxa uu
markiiba istiqaaladiisii u gudbiyey Madaxweynaha DFKMG C/llaahi Yuusuf, waxa
uuna isla markiiba u duulay dalka Kenya
isku soo wada duuboo haatan Beelaha Hawiye waxay indhaha ku hayaan cidda loo
magacaabi doono xilka Ra'isul Wasaarenimo, waxaana Magaalada Baydhabo ka
socda kulamo la tashiyo ah oo la xiriira cidda loo magacaabayo Ra'isul
Wasaaraha DFKMG ee Soomaaliya.
Amiin Yuusuf Khasaaro
Faafin: SomaliTalk.com | Oct 31, 2007
Cadde Muuse oo
Shaaca ka qaaday in ku "daalay" Madaxweynanimada
"waa waqtigii aan nasan lahaa..
anigu waan daaley.." Sidaas waxaa yiri Madaxweyanaha DGPL oo u waramayey
idaacada Codka Maraykanka, waxa kale oo uu ka hadalay
Batroolka..
|