Guutooyin Ka Tirsan Ciidamada Dowlada KMG ah Oo Kasoo Jeeda Punt-land Oo
Kusii Jeeda Punt-land.
Cutubyo ciidamada dowlada KMG ah oo kasoo jeeda maamul goboleedka punt-land
ayaa ka ambabaxay magaalada muqdisho si ay u xoojiyaan ciidamada maamul
goboleedka punt-land ee kulaalaya magaalada laascaanood oo dhowaantan dagaal ku
dhex maray ciidamada maamulka som-land iyo weliba punt-land .
Ciidamadan oo badankoodu kasoo jeeda gobolada SSC ee xiisada colaadeed ka
taagan tahay ayaa u kolonyaystay iyagoo wata hubka cul-culus iyo weliba kan fud
fududba islamrkaana kusii jeeda magaalada laascaanood si ay u xoojiyaan ciidamo
la sheegay in maamulka punt-land uu ku doonayo inuu dib ugu hanto magaalada
laascaanood oo hada noqotay mid ay laga qaxay islamrkaana ay ku hareeraysan
yihiin ciidamo iska soo horjeeda .
Sidoo kale ciidamadan ka tirsan dowlada FKMG ah ee kusii jeeda gobolada
waqooyi bari oo tiro ahaan aad u xoogan ayaa la sheegay inay dhamaan markoodii
hore ka yimaadeen gobolada punt-land islamrkaana iminka la sheegay inay dagaal
kala hor tegi doonaan ciidamada maamulka som-land oo dhowaan weerar dagaal ku
qabsaday magaalada laascaanood ee gobolka sool .
Sida ay xaqiijinayaan warar laga helayo saraakiisha ciidamada dowlada KMG ah
ayaa sheegaya inay ciidamadaasi wataan gawaarida gaashaaman iyo weliba hubka
noocyadiisa kala duwan taasoo la sheegay inay ka qayb qaadan doonaan howl galka
milatari ee ay wadaan maamul goboleedka punt-land oo ay ku doonayaan inay gacan
tooda kusoo ceshaan magaalada laascaanood ee gobolka sool.
Waxgaradka Iyo Aqoonyano Kasoo Jeeda SSC Ee Ku Dhaqan Muqdisho Oo
Cambaarayn Kulul Dusha Uga Tuuray Maamulka Riyaale.
Kulamo ay wada yeesheen waxgaradka ,aqoon yahanka ,iyo weliba ganacsatada
kasoo jeeda SSC ee ku dhaqan magaalada caasimada ah ee muqdisho ayaa meel uga
soo wada jeestay xiisada colaadeed ee ka jirta laascaanood ay maamulka isku
magacaabay som-land uu gardaro qaawan kusoo galay deegaana gobolka sool
islamrkaana ay waxgaradka iyo aqoon yahanadani ugu baaqeen in ciidamada
somali-land ay si shuruud la,aan ah uga baxaan gobolkaasi hadii kale ay kala
kulmi doonaan cawaaqib xumo waa siday hadalka u dhigeene .
C/fataax axmed oo kamida aqoon yahanada kasoo jeeda gobolada SSC ee ku dhaqan
caasimada muqdisho ayaa isagoo saxaafada u waramayey canaan kulul dusha kaga
tuuray kuwa siyaasiyiinta ah ee kasoo jeeda gobolada SSC ee isu soo qaawiyey
inay dalkoodii iyo dadkoodii madaafiic la dhacaan islamrkaana ay qax iyo barakac
u horseedaan isagoo intaasi sii raaciyey inay taariikh madaow geli doonaan kuwa
kasoo jeeda gobolada SSC ee sida uu sheegay daba dhilifka u ah maamulka
somali-land.
Dhinaca kale Xuseen axmed oo isna kamida ganacsatada sidoo kale ku dhaqan
muqdisho ayaa xusay in ganacsatada iyo culimo-udiinka ku dhaqan gobolada SSC ay
ka hor tagaan waxa uu ugu yeeray sirdoonka Ethiopia oo uu sheegay in maamulka
hargaysa ay la dan yihiin ethiopianka islamrkaana uu carabka ku adkeeyey in
dhalinyarada ganacsatada ah uu uga digayo hadii ay maamulkaasi waa soomali-land
e ay ku nagaadaan deegaanka SSC ay ka iibsan doonaan xukuumada Ethiopia oo ay
xabsiyada guantanama iyo kuwa adis-ababa ku uri doonaan hadii ay hada iska
gaarin waxa uu ugu yeeray maamulka riyaale waa siduu hadalka u dhigaye .
"' waxaan u sheegayaa kuwa ganacsatada ,culumi-udiinka iyo weliba shirkadaha
jooga oo moodaya inaysan saamayn ku yeelan doonin, in maamulka waqooyiee
hargaysa uu lamid yahay kan melez-zanawi ee muslinka ku xasuuqayo islamrkaana ay
sirdoona ethiopia ku sugan yihiin oo xafiisyona ku leeyihiin hargaysa oo
iminkaba ay ku xiran yihiin dhalinyaro badan oo muslimiin ah oo aan waxba
galabsan oo lagu qabsaday diintooda iyo weliba sunihii nebigeenii muxamad SCW''
ayuu yiri xuseen axmed .
Xuseen ayaa uga digay in dhalinyarada soomaaliyeed ee ku abtirsada diinta
islaamka ee ku dhaqan gobolada SSC inay taageeraan waxa uu ugu yeeray sirdoonka
ethiopia oo uu ula jeeday maamulka som-land isagoo carabaabay inay dadka
shacabka ,siyaasiyiinta ,culimo-udiinka iyo weliba waxgaradka ay meel uga soo
wada jeestaan sidii ay goboladooda ku hanan lahaayeen oo uga xorayn lahaayeen
dulaanka garadarada ah ee maamulka riyaale waa siduu hadalka u dhigaye .
Iskusoo wada duuboo arimahan ka dhashay xiisada siyaasadeed ee colaada salka
ku haysa ee gobolada SSC gaar ahaan gobolka sool ee ay ku hardamayaan maamulada
punt-land somali-land ayaa u muuqata mid durba isu rogi karta arin qabiil iyadoo
bulsho weynta SSC ay ka midaysan yihiin in meel looga soo wada jeesto xiisada ka
jirta goboladaasi.
yaasiin maxamed cali (faytin)
yaasiinfaytin@hotmail.com
:::Qraal
ka soo baxay Jaaliyadda Sool, Sanaag, & Cayn ee Kuwait
:::KASOO
HORJEED DAGAALADA LAGA HURINAYO SOOL
:::BAAQ WADAJIR AH:
Waxgaradka Somaliland Iyo Puntland
:::BAYAAN
TAAGEERO EE JAALIYA PUNTLAND EE JEDDAH
::Maamulka
Puntland: Ciyi waaggii ka baryay
Faafin: SomaliTalk.com | Oct 24, 2007
|