Munaasab lagu Dooranaayey
Gudoomiya Dallada Hormarinta Dhalinyarada Goblaka Karkaar(KAYDNET) oo ka dhacday
Degmada Qardho
Ururada Dhalinyarada ee ku
bahoobay Dallada KAYDNET ee Gobalka Karkaar ee Degmada Qardho ayaa kulan
balaaran oo ay Galabanimadii maanta isugu yimaadeen Xarunta GARWONET ee
Magaalada Qardho waxay ku doorteen Xubnihii Gudiga Fulinta ee kala ahaa
Gudoomiye,Xiriiriye iyo Xoghaynta.
Sawirada halkan ka
daawo....
Doorashada gudoomiyenimada dallada
Horumarinta Dhalinyarada ee Karkaar ayaa waxaa isku soo taagay saddex musharax
oo kala ah:
-
C/weli Xasan Gooni
-
Yusuf Max’ed Max’ud Madoobe,
-
Khadar C/qaadir Saciid
Xiriiriyaha waxaa isu soo taagay
Axmed C/laahi Gacshe
Max’uud Cali Ciise
Xoghaynta waxaa isu soo sharaxday
Seynab Max’ed Cali oo iyada aysan
cidna kula tartamin jagadaas
Ugu dambeyntii waxaa la gudo galay
doorashdii iyada oo xubaha codeynayey aay ahaayeen Gudiga Boodhka ee Dallada
ayaa waxaa gudomiye u doorteen C/weli Xasan Cabdi (Gooni) halka xiriiriye loo
doortay Axmed C/laahi Gacshe sidoo kale waxaa Xoghaynta Dallada loo doortay
Seynab Max’ed Cali Xagaa.
Kulankii maanta ayaa waxaa sidoo kale goob joog ka ahaa Madaxa Arimaha Bulshada
Gobolka Sahro Siciid Jaqanaf , Gudoomiyaha Isportiga G/karkaar Max’ed yusuf
Camir (JARCO) iyo taliye ku xigeenka Poliska Qardho Taliye C/xakiin iyo odayaal
ka yimid ah odayaasha Degaanka kuwaas oo dhallinyarada ku guubaabiyey inay kor u
qadaan isku duubnidooda iyo arimaha waxbarashada.
Max’ed Jamac yusuf (Xabiib)
Gudoomiyaha Ururka Dhalinyarada Puntland ee P.Y.O oo isna xafladaas ka soo qeyb
galay ayaa halkaas ka hadlay isaga oo sheegay in dhalinyaradii dalkii uu sugayo
isla markasna looga bahan yahay inay hanaankooda waxbarasho kor u qadaan wuxuu
kaloo sheegay inay yihiin hoogaan mustaqbalka beri .
Sidoo kale guddomiyaha Cusub ee
Dallada Horumarinta Dhalinyarada Gobolka Kar-kaar ee (KAYDNET) C/weli Xasan oo
halkaas isna ka hadlay ayaa sheegay in ay dhawaan soo dhisi doonaan xubnaha ka
dhiman maamulkiisa isla markaasna uu hor keeni doono dhalinyarada ,wuxuu kaloo
sheegay inay kor u qaadi doonaan taabba galinta iyo horumarinta Dallada.
Isagoo uga mahad celiyey Madaxda
Dowlada, Dhalinyarada iyo odayaasha ka soo qayb galayaashii kulankan sida ay
waqtigooda ugu hureen kulankan wuxuu codsady inay xubnaha la shaqeeyaan kuwii
doortay iyo kuwa aan dooranba isaga oo sheegay inuu si dhex dhexaad ah ula
shaqayn doono diyaarna u yahay masuuliyada iyo waxqabadashada Dhalinyarada
maadaama uu noqday laga bilaabo hada uu yahay gudoomiyaha Dalada KAYDNET.
Cumar Maxamud Cumar Dheere