Wararkii: May 17, 2007
- Warbixin ku saabsan Qaraxii lala
Beegsadey Ciidamadda Uganda ..
- Ururka Midowga Afrika oo ka hadley
Qaraxii loo geystey Ciidamada Midowga Afrika .
- Dowladda fedaraalka oo sheegtay inay
wax qaban doonto Qaraxyada iyo dilalka
Puntland:
Wasiirkii Xannaanada Xoolaha, Beeraha iyo Deegaanka ee DGPL oo is casilay.
Waxaa soo shaac baxay in uu is
casiley Wasiirkii Wasaaradda Xannaanada xoolaha ee DGPL, Siciid Jaamac
(Qoorsheel), oo ku sugan Dubai. Waxaa wasiirka laga soo xigtey in uu is
casilaaddaas u gudbiyey Madaxwaynaha Puntland Cade Muuse xilli uu
madaxweynuhu Dubai ku sugnaa oo ku beegnayd May 10, 2007. Waxaa kale oo
wasiirka laga soo xigtey in arrintaasi ay ka dabeysey kaddib markii ay
cuntabi wayday Maxjar laga dhisayo Boosaaso oo la sheegay in qandaraaska
xoolahaas la sii yayay 100% nin Sucuudiyaan ah, halka wasiirku uu
madaxweynaha u soo jeediyey in arrintaas ay ku haboonayd in shirko lagula
galo mandaqada Raas Al Khayma
oo ogalayd in ay lacag
la'aan ku dhisto maxjarka, islamarkaasna 50% ay xoolaheena ay qaadato.
Waxana uu wasiirku sheegay in uusan rabin in uu galo taariikh madow.
AKHRI....
Warbixin ku saabsan Qaraxii lala Beegsadey
Ciidamadda Uganda ..
Maalintii shalay ahayd ayaa Gaari ay saarnaayeen Ciidamada Nabad ilaalinta ee
Midowga Afriga gaar ahaan kuwa Uganda waxay Miino kula qaraxday Bangigii Dhexe
ee Soomaaliya ee Degmada Xamar wayne.
Qaraxaan ayaa waxaa la xaqiijiyey inay ku geeriyooday 4-Askari waxaana ku
dhaawacmay ilaa iyo 5-kale, waxaana Goobtii uu ka dhacay Qaraxaasi isku gadaamay
Ciidamada ka socda Uganda iyo kuwa Dowladda fedaraalka ah waxaana halkaasi laga
qabtay ilaa iyo dhowr 20-Qofood
Waa Qaraxii 2-aad ee lala beegsada Ciidamada Uganda tan iyi markii ay yimaadeen
soomaaliya ilaa haatan lama garanaayo sababaha loo bartilmaameedsaday Ciidamada
Uganda oo iyagu ku jiray howlo dhinaca Nabad ilaalinta ah
Afhayeen u hadalay Ciidamada Uganda ee ku sugana Magaalada Muqdisho ayaa sheegey
inayasan waxba iska badeli doonin howlaha ay ugu gargaarayaan Bulshada
Soomaaliyeed isagoo sheegay in Ciidamada ay sii wadi doonaan Howlaha ay ku
sugayaan dhinaca Amaanka ee Magaalada Muqdisho
Sidoo kae Afhayeen u hadlay Dowladda fedaraalka ah ayaa waxa uu sheegay in ay
aad uga xun yihiin Qaraxii lala beegsaday Ciidamada Uganda waxa uuna sheegay
inay baaritaan ku sameyn doonaan Qaraxaasi
Ururka Midowga Afrika oo ka hadley Qaraxii
loo geystey Ciidamada Midowga Afrika .
Ururka Midowga Afriga ayaa ka hadlay Qaraxii lala beegsaday Ciidamada Uganda ee
Nabad ilaalinta u jooga Dalka Soomaaliya wuxuu Ururku sheegay in Qaraxaani uu
sii fogeynayo xal u helida arimaha Soomaaliya iyo waliba keenista Ciidamada kale
ee Midowga Afrika
Ururka Midowga Afrika ayaa waxaa kaloo uu sheegay in Soomaalida looga baahan
yahay inay la yimaadaan sidii Wadankooda Nabad loogu soo dabaali lahaa Ururka
waxa kaloo sheegay in sida uga dhaqsiyaha badan loo soo dedejin doono Ciidamada
kale ee Nabad ilaalinta ee ka socda Qaarada Afrika waxaa kaloo Midowga Afrika uu
ka codsaday Dowladihii horay ugu yaboohay Soomaaliya inay soo dadajiyaan si
Dalka uu dhan Nabad loogu soo dabaalo Gobolada loo gaarsiiyo.
Dowladda fedaraalka oo sheegtay inay wax
qaban doonto Qaraxyada iyo dilalka
Iyadoo waayadaan Qaraxyo
iyo Dilalba ay ku soo kordheen Magaalada Muqdisho iyo qaar
ka mid ah Gobolada Dalka waxayna Qaaraxayadaan ay geysteen
dhibaatooyin fara badan iyadoo Qaraxyadii ugu dambeeyey ay
ka dhaceen Magaalooyinka Muqdisho, Kismaayo iyo Baardheere
hadii aan soo qaaadano kuwii ka dhacay Magaalada Muqdisho
waxa ay ahaayeen mid lala beegsaday Ciidamada Uganda.
Sidoo kale waxaa weerar lagu qaaday Saldhiga
Booliska ee Degmada Hiliwaa waxaa kaloo Bakaaraha lagu dilay Askari ka tirsan
Dowladda fedaraalka ah waxaa kaloo iyana 3-ka mid ah Ciidamada Dowladda
fedaraalka ah lagu dilay Deegaanka Waxara Cadde waxaa kaloo iyana la dilay
Gudoomiyihii Degmada Hiliwaa Axmed Shiikhow.
Sidoo Degmada Baardheere waxaa Qarax lala
beegsaday Dad daawanaayey Shaneemo waxaana halkaasi ku geeriyooday ilaa iyo
6-Qafood.
Hadaba Masuul u hadlay Dowladda FKMG ayaa waxa
uu sheegay in Dowladda sida ugu dhaqsiyaha badan wax uga qabandoonto Qaraxyada
iyo dhibaatooyinka ka dhacaya Dalka.
Duqa Magaalada Muqdisho Max’ed Cumar Max’ed
Dheere ayaa waxa uu sheegay in Dowladda ay il gaar ah ku heyso Dadka
carqaladeenaya Nabadda sidoo kale Taliyaha Ciidanka Booliska Soomaaliyeed ayaa
isna waxa uu qiray inay jiraan Rag wata Dareyskii Ciidamada oo dhibaato ku haya
Bulshada Soomaaliyeed.
Dadwaynaha ku nool Magaalada Muqdisho ayaa waxa
ay arintaani ka muujiyeen Wel-Wel iyo Walbahaar waxayna ka codsadeen Dowladda
inay dib u habeyn ku sameeyeen Ciidamada Dowladda si loo ogaado midda hortaagan
Nabadda Afhayeen u hadlay Ururka midowga Afrika waxaa uu sheegay in Soomaaliya
looga baahan yahay in ay iyagu dib u dhistaan Qarankooda sidoo kale waxa uu
sheegay in Ciidamo shisheeye aysan marnaba soo celin karin Nabadda Soomaaliya
hadii aan Shacabka gacan siin Ciidamada Nabad ilaalinta ah
W/D Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | May 17, 2007
Wareysi Musharaxa Madaxweynaha
DGPL, Mudane Colaad Maxamed Siciid:
Iyadoo ay soo dhowdahay
wakhtigii doorashada madaxweynaha Puntland, ayaa waxaa ilaa hadda
markii ugu horeysay isu soo taagay kursiga madaxweynaha DGPL, Colaad
Maxamed Siciid oo ah nin ganacsade weyn ah oo aad looga yaqaan
Gobolada Puntland. AKHRI...
Laba Doonyood oo Laga Leeyahay
Kuuriyada Koonfureed oo Lagu Afduubay Xeebta Soomaaliya
Laba doonyood oo ah kuwa
kalluumaysata oo laga leeyahay dalka Koonfurta Kuuriya, kana diiwaan
gashan dalka Tanzania ayaa waxaa lagu afduubay badda Soomaaliya,
sida laga soo weriyey wasaaradda Arrimaha Dibadda ee South Korea oo
akhbaarta ka heshay safaaradda ay ku leeyihiin Kenya.
Doonyahan waxaa warku tibaaxay in
la afduubay Talaadadii (May 15, 2007) qiyaastii 12:40 p.m xilliga
afrikada Bari, waxayna ka soo ambabaxeen magaalada Mombasa Kenya
iyagoo kusii jeedey sida la sheegay Yemen, marayeyna sida la sheegay
meel 180 miles u jirta xeebta Soomaaliya.
Labada doonyood waxaa saarnaa 24
shaqaale ah oo kala ah: 4 Kuuriyaan ah, 10 Chinese ah, 4 Indonesian
ah, 3 Vietnamese ah, iyo 3 Indian ah.
Waxaa wararka ka imanaya caasimada
SEOUL ay sheegeen in loo malaynayo doonyahaas in ay afduubeen burcad
Soomaaliyeed.
Bishii Janaayo (2007) ayey ahayd
markii wasaaradda Arrimaha dibadda ee Kuuriyada Koonfureed ay
dadkeeda ka mamnuucday in ay u safraan Soomaaliya arrimo ammaanka la
xiriira awgeed.
Yoweri Museveni: Soomaalida ayaa
laga rabaa in ay Qarankooda dhistaan...
Madaxweynaha Dalka Uganda oo Talaadadii (May 15) su'aalo laga weydiiyey
arrimaha Soomaaliya ayaa sheegay in qaranka Soomaaliya ay Soomaalidu
burburisey sidaas daraadeedna ay tahay in Soomaalidu qarankooda
dhistaan. Hadalkaas Yoweri Museveni waxa uu yiri xilli uu la kulmay
Madaxweynaah DFKMG oo booqday Uganda... Dhanka kale C/laahi Yuusuf waxa
uu guriga madaxtooyada Uganda kula kulmay Khadiija (Xaaskii Caydiid) iyo
saddex carruur ah oo ay dhashay....
Eeg halkan..
Puntland: Labadii ka tirsanaa CARE
oo la siidaayey iyo Bayaan ka soo baxay dadkii afduubay::
Talaadadii (May 15) ayaa la siidaayey labadii ka tirsanaa hay'adda
CARE oo May 9keedii lagu afduubay tuulada Xiriiro oo qiyaastii 120km (75
miles) u jirta Boosaaso. Labada qof ee la afduubay ayaa u dhashay
Britain (Ireland) iyo Kenya.
Dagaalka Qarsoon ee Batroolka:
Qoraal dheer oo warbixin lagaga qoray Soomaaliya ayaa lagu xusay
hadalkii Afhayeenkii hore ee Hawlgalkii Qaramada Midoobey ee Ciraaq
2003, Salim Lone, oo hadda ah qoraa ka tirsan jariida Daily Nation iee
Kenya, oo dhawaan u waramay telefishanka Democracy Now. Hadalkaas oo
ahaa: "Ra'iisul wasaaraha (DFKMG, Geeddi) isku daygiisa in uu u gacan
haadiyo shirkadaha Batroolka waxay u dhigantaa qayladiisa uu markasta ku
qaylinayo Al-Qaeda. Markasta oo aad waraysi ka qaadid saraakaal
Soomaaliyeed, waxa ugu horeeya ee aad ka maqleysaa waa Al-Qaeda iyo
Argaggaxiso. Taas ayey isticmaalayaan. Qof taas rumaysan ma jiro. Qof
taas rumaysani ma jiro haba yaratee, sababtoo ah dhammaan warbixinada
madaxa bannaani waxay tibaaxayaan arrin taas ka duwan. Akhri: [The
Hidden War for Oil]
"Cali Maxamed Geeddi Guri Villa ah miyuu
ka iibsadey Nairobi" Waa hadal haynta Muqdisho...
"Waxyaabaha loogu hadal haynta badan yahay
Muqdisho waa in Geeddi uu guri Villa ah ka gatay Nairobi iyo in qaramada
Midoobey shaqaalohoodii oo dhan kala baxeen Muqdisho", Sidaa qoray qoraal
kusoo baxay Inner City Press. Qoraalkaasi waxa uu sheegay in arrinta
loogu hadal haynta badan yahay Muqdisho ay tahay in Ra'iisul wasaaraha
DFKMG, Cali Maxamed Geeddi uu dhowaan Nairobi ka gatay guril Villa ah.
Taageerayaasha aadka ah ee DFKMG waxay rabaan in ay arrintaas caddayn loo
helo. Tan kale qormadu waxay xustay sida lacagata loogu raadinayo kulanka
dib u heshiisiinta Soomaalida... AKHRI....
|