Wararkii: May 9, 2007
Ciidamada Dowlada KMG ah Baaritaan Xoogan Ku
Haya Xijaabka Indho Shareerka Haweenku Isku Asturaan.
Ciidamada dowlada KMG ah ee baaritaanka ka wada magaalada muqdisho ayaa ka furay
haweenka xijaabka indho shareerka Allah dartii u qaatay iyagoo ku macneeyey inay
argaggixiso yihiin .
Wadada wadnaha ee magaalada caasimada muqdisho
oo ay Talaadadii ka howl galeen cutubyo ciidanka dowlada KMG ah ayaa baaritaan
xoogan lagu hayey haweenka xijaabka indho shereerka qaata iyadoo laga wada
xayuubiyey haweenkaas indho shareerkii ay xirnaayeen islamarkaana inta laysku
uruuriyey meel wadada bartamaheeda ah lagu gubay.
Ciidamada dowlada KMG ah ayaa xijaabka indho -shareerka ay haweenku alle dartiis
isugu asturaan u sababaynaya inay gubaan in xijaabku indho shareerku yahay
waxyaalaha laysku qariyo oo dhan inay yihiin waxyaalaha nabad xumada keenaya waa
siday qabaane , sida ay sheegeen qaar kamida ciidamada dowlada ee baaritaanka ka
wada wadooyinka iyo xaafadaha inay dadka qaraxyada gaysta ay yihiin dadka
daboolan islamrkaana ay lamid yihiin baabuurta muraayadaha madoow ee dhowaan
laga mamnuucay magaalada muqdisho in lagu wato .
Mid kamida saraakiisha ciidamada baaritaanka ka wada wadada wadnaha ee caasimada
muqdisho oo magaciisa diiday inuu shaaciyo ayaa saxaafadu wax ka waydiisay
arintan ugubka ah ee ay lasoo bexeen ciidamada dowlada KMG ahi ee haweenka
xijaabka indho-sheerka lagaga fiiqayo, sarkaalka ayaa sheegay inay tahay
arintani mid la xiriirta arimaha amniga lagu xasilinayo magaalada muqdisho
,balse aysan ahayn mid arin kale ah waa siduu hadalka u dhigaye .
Sarkaalka ayaa intaas ku daray arimaha amaanka
lagu xasilinayo waxay keenayaan in shay kasta oo laga shaki qabo baaritaano lagu
sameeyo laakiin aysan waxba ka bedelayn xaalada caadiga ah ee dhaqanka
asluubaysan .
Sidoo kale mid kamida haweenka Talaadadii naqaamka (indho-shareerka ) laga
xayuubiyey oo magaceeda ku sheegtay Ramla cabdi –wahaab ayaa saxaafada u
sheegtay inay tahay arin murugo badan oo diinta iyo muslinimada wax u dhimaysa
islamrkaana ka hor imaanaysa dhaqankii iyo sunihii rasuulkeenii muxamad SCW uu
sheegay inay haweenka muslinka u dhaqmaan.
Ramla ayaa intaas ku dartay iyadoo ay murugo ka muuqato ma anaga ayaa is qarxina
mise waxaa laga wadaa haweenka asturan ayaa argagixiso ah ,islamarkaana dowlada
KMG ah ka codsatay inay ka fiirsadaan arimahaas dunuubta ah ee ka dhanka ah
diinta iyo sunihii suubanaa ee rasuulkeenii Muxamad SCW.
Si kastba ha ahaatee ciidamada dowlada KMG ah ayaa dar dar geliyey baaritaanka
xaafadaha ,baabuurta ,shaqsiyaadka laga shakiyo iyo weliba nadiifinta wadooyinka
sharci darada lagu dhistay ee magaalada caasimada ee muqdisho ,arintaan
baaritaanka haweenka asturan ayaa kusoo beegmaysa xili ay cutubyo ka tirsan
ciidmada xukuumada Ethiopia ku sugan yihiin dalka gudishiisa gaar ahaan
caasimada muqdisho.
Yaasiin maxamed cali (faytin)
Yaasiinfaytin@hotmail.com
Ciidamada Dowlada KMG ah Iyo Kuwa Ethiopia Oo
Howl Galo Ka Wada Wadooyinka Caasimada Muqdisho .
Wadooyinka dhextaalka u ah caasimada muqdisho ayaa ilaa 16-kii sano ee lasoo
dhaafay waxaa ka jiray cariiri taasoo si sharci daro ah looga dhistay wadada
hareeraheeda sandaqado u badan maqaaxiyaha lagu qaxweeyo iyo wax yaalo kale oo
dadku ay daruuriga u isticmaalaan .
Maamulka gobolka Banadir ayaa dhowaanahanba ku mashquulsanaa sidii u usoo celin
lahaayeen bilicdii magaalada muqdisho taasoo ay wareegto kazoo saareen xafiiska
maamulka gobolka banaadir oo loogu sheegayo ganacsatada yaryar ee wax ku iibsata
hareeraha wadooyinka inay baneeyaan.
Dadka ku ganacsada hareeraha wadooyinka magaalada ayaa iyagoo ka walaacsan
hadana u dhego nuglaaday waregtadaas lagu farayo inay ka guuraan wadooyinka
sharci darada ah, waxaana loo qabtay 3-maalmood oo ku ekaa maalintii shalay
islamrkaana saaka lagu arkayay isgoyska Baar Ubax ilaa Black sea qaar ka mid ah
ganacsatada yaryar oo si iskood ah uga qaadanaya sandaqadahooda wadada Laamiga
ah dhexdeeda, halkaasi oo in muddo ah ay ku ganacsanayeen kadib markii saaka
goor hore ay ciidamada booliska dowlada KMG ahi ay roondooyin ku maren
wadooyinka jidka sodonka iyo wadooyin kale iyagoo ku gaaf wareegaya baabuurta
dheereeya ee nissanka loo yaqaano.
Dadkan ku ganacsan jiray wadooyinka hareeraheda ayaa ku quustay kadib markii
todobaadkii hore cagaf cagafyo lagu xaaqay sandaqadihii ka dhisnaa wadada KM-4
iyagoo saaka ilaa shalay ay dadku sandaqadohooda kala cararayeen wadooyinka inta
aan lasoo gaarin .
Mid kamida dadka ku ganacsada wadada jidka sodonka oo magaciisa ku sheegay cali
siciid oo saaka ka fuqsanayey sandaqadiisa oo uu ku gadan jiray waxyaalaha lagu
dukaamaysto ayaa saxaafadu wax ka waydiisay sida uu u arko xaalada lasoo
deristay maalmahan ee ay ciidamadu wadaan ,cali saciid ayaa ku jawaabay maanu
filayn in nalaga rari doono meeshan oo aan mudo ka badan 14-sano wax ku
iibsananey ,laakiin ku qabatay iyo qadar alle waal qaataa ayuu ku jawaabay
isagoo ka xun inuu ka guuro halkasi
Sidoo kale waxaa kaloo cali saciid ay saxaafadu waydiisay miyay kula haboon
tahay in jidadka iyo fiyaalaha wadooyinka si sharci darro ah laysaga dego , ayaa
waxuu ku jawaabay ma is lihi wax sharci ah ayaad qaladeen anagu cidna waxba kama
galabsan ee waanu isaka ganacsan jirnay ayuu kaga jawaabay su,aashii la
waydiiyey
Dhinaca kale mid kamida saraakiisha ciidanka booliska ee dowlada KMG ah oo
magaciisa la yiraahdo laba xidgle cali yare ayaa saxaafadu wax ka waydiisay
halka ay u diyaarinayaan dadka ay ka rarayaan wadooyinka dhexdooda madaama ay
dadkaasi nolol ka raadinayaan waxuuna ku jawaabay ,waxaan muhiim noo ah anaga
hadaanu nahay ciidanka nabad gelyada iyo weliba nabad soo celinta iyo bilicdii
magaaladu lahayd inaanu dib usoo noolayno sharcigii waa siduu hadalka u dhigay
laakiin dejinta dadkaas waxaa shaqo ku leh maamulka sare ee gobolka ayuu ku
jawaabay labo xidigle cali yare
Sidoo kale sarkaalka ayaa waxaan kaloo saxaafadu waydiisay maadaama ay dadku ka
xun yihiin inay ka guuraan wadooyinka dhexdooda ay mudada ku noolaayeen maxaad u
aragtaan arintaas ayuu waxuu kaga jawaabay arintaas dadka waxaa loosoo celinayaa
kala dambayntii mudo ayuu dalku baaba,sanaa marka qof kastaaba waxuu isa siiyey
meeshii uusoo gaaray ama qaran ha lahaado ama qoys ha lahaade,e marka taasina
wax qiimo ah kuma dhisna inay dadka sharci darada aaminay ay ka xumaadaan waanu
ku qasbaynaa sharciga ayuu ku jawabay sarkaalkaasi booliska ahi .
Si kastaba ha ahaatee ciidamada huwanta ah ee dowlada KMG ah iyo kuwa Ethiopia
ayaa dar dar geliyey nadiifinta wadooyinka ,islamarkaana arintan ayaa kusoo
beegmaysa xili maalintii shalay ay ciidamada ehiopia ay baaritaan xoogan ku
sameeyeen suuqa weyn ee bakaaraha gaar ahaan suuqa cir toogtaha ee lagu iibiyo
hubka noocyadiisa kala duwan halkaasoo sida la sheegay ay ka uruuriyeen hub aan
tiradiisa la shaacin.
Yaasiin Maxamed Cali (faytin)
yaasiinfaytin@hotmail.com
Faafin: SomaliTalk.com | May 9, 2007
Xaggee
Ku Dambeeyeen Saddexdii Ka Tirsanaa Daraawiishta DGPL ee
laga Qafaashay Xeebta Puntland
Bishii April ee sannadkii hore ayaa
maxkamad ku taal dalka Thailand waxay ku xakuntay 10
sano oo.....
Akhri...
Apr 28
Dhagaxbuur:
74 Qof oo Ku Dhintay Weerar lagu qaaday Xarun ay
Shiinuhu Batrool Ka Baarayeen..
9 qof oo shaqaale Shiine ah ayaa ka mid ah dadka ku
dhintay weerarkaas oo ay sheegatay jabhadda...
Akhri...
Qabsashada
Sharcidarada ah ee Itoobiya iyo Xasuuqa ummadda...
Shir weyne lagu qabtay magaalada
Minneapolis ee dalka Maraykanka ayaa looga hadlay xaalada
Soomaaliya..
Akhri...
BAYAAN
KA SOO BAXAY JAALIYADDA DAAROOD EE LONDON, UK...
Waxayna ugu baaqeynaa
ummadda Soomaliyeed in ay ka qayb galaan dagaalka looga xoreynaayo dalka
gumeystaha Itoobiya iyo in...
Akhri...
Soomaalidda
Minneapolis oo ka mudaaharaaday Xasuuqa Muqdisho
In badan oo ka tirsan jaaliyadda
Soomaaliyeed ee Minneapolis ayaa ka qayb qaatay banaanbax
Akhri...
|