Wararkii: July 24, 207
- Dowladda
Itoobiya oo ka soo
horjeeda in xilka
laga qaado Ra’isul
Wasaaraha DFKMG
Geedi
- Dad fara badan
oo Soomaali ah oo ka
soo barkacay Soonka
Shanaad ee Itoobiya
- Qaraxyo weli ka
sii socda Magalada
Muqdisho
- Magaalada Asmara
oo martigelineysa
kulan ay ka soo
qaybgalayaan 700 oo
qof
Dowladda
Itoobiya oo ka soo
horjeeda in xilka
laga qaado Ra’isul
Wasaaraha DFKMG
Geedi
Wararka
naga soo gaaraya
Magaalada Baydhabo
waxay sheegayaan in
qaar ka mid ah
xildhibaanada
Baarlamaana ay
gudbiyeen dhawaan
mooshin ka dhan
Ra’isul Wasaaraha
DFKMG Cali Max’ed,
kaasoo ku aadan in
xilka laga qaado
Ra’isul Wasaarenimo,
ama uu mar kale soo
magacaabo
Madaxweynuhu,
maadaama ay
dhamaatay xiligii
horey loogu
ballamay, waxaana
Magaalada Baydhabo
ka socda kulamo
hoosaadyo ay
leeyihiin
xildhibaanada, kaas
oo ku aadan sidii
loola xisaabtami
lahaa dowladda
federaalke ee
madaxda u yahay Cali
Max’ed Geedi.
Caasha Axmed
Cabdalla oo ka mid
ah Xildhibaanada
Baarlamaanka ayaa
waxa ay sheegtay in
Ra’isul Wasaare Cali
Max’ed Geedi uu
xilkiisii dhamaaday,
waxaana arintaani in
lag hadlo hor taagan
Madaxweyne C/llaahi
Yuusuf Axmed “Ma
garnyo sababta uu
C/llaahi Yuusuf uga
hadli la’ yahay xil
ka qaadista Ra’isul
Wasaare Cali Max’ed
Geedi, haddii kale
waa in C/llaahi
Yuusuf uu mar kale
soo magacaabaa
Ra’isul Wasaare
Geedi” ayay tiri
Caasha Axmed
Cabdalla. Waxaa
maalintii shalay
ahayd Magaalada
Baydhabo kulan ku
yeeshay
xildhibaanada
Baarlamaanka waxaan
looga hadlay sidii
loola xisaabtami
lahaa Dowladda
Federaalka, gaar
ahaan wixii u
qabsoomay mudadii ay
jirtay iyo waliba
daqligii u soo
xarooday xiligaasi,
waxaa la filayaa in
dhawaan Madaxweyne
C/llahi Yuusuf iyo
Ra’isul Wasaare Cali
Max’ed Geedi ay u
baqoolaan Baydhabo
si ay u hortagaan
xildhibaanad.
Dhanka kale Dowladda
Itoobiya ayaa
Baarlamanka ku
cadaadineysa in aan
marnab xilka laga
qaadin Cali Max’ed
Geedi. Warar ayaa
waxay sheegayaan in
C/llaahi Yuusuf ay
Dowladda Itoobiya ka
dalbaneyso in uu mar
kale soo magcaabo
Cali Max’ed Geedi.
Baarlamaanka
Dowladda Federaalka
ayaa waaydan ku
maqnaa fasaxa,
waxaan haatan hor
yaal arimo badan oo
ay ugu horeyso
arrinta Ra’isul
Wasaarah,
nabadgelyada wadanka
iyo heshiisyo ay
horey Dowladdu ula
gashay shirkado iyo
Dowlado.
Dad fara badan
oo Soomaali ah oo ka
soo barkacay Soonka
Shanaad ee Itoobiya
Soomaali u badan reer
guuraa oo watay
xoolahoodii ayaa ka soo
carary deegaano ka
tirsan dalka Itoobiya,
gaar ahaan Soonka
shanaad ee ay Soomaalidu
degto, kadib markii ay
dadkaasi u adkeysan
waayeen xasuuq iyo
barakicin aad u xoogan.
Dadkaas
ayaa waxay soo
gaareen deegaano ka
tirsan Cabudwaaq,
waxaana la sheegayaa
in halkaasi ay
dhibaatooyin badan
ku hayaan.
Qaar ka mid ah
dadkaasi ayaa waxay
sheegeen in Ciidamad
Itoobiya ka laayeen
dad badan, waxayna
sidoo kale sheegeen
in ay Soomaaliya u
soo aadeen sidii ay
uga badbaadin
lahaayeen
xasuuqaasi.
Deegaanad laga soo
barkacay waxa ka mid
ah Wardheer,
Shiilaawo,
Dhaga-buur iyo
deegaano kale.
Barakacaan ayaa la
sheegay in uu
bilowday markii
ciidamo ka tirsan
Jabhadda ONLF ay
Bishii April
weerareen xarun ay
lahayd shirkad qodda
shidaalka oo ku taal
deegaanka Bacoole.
Dhanka kale ciidamad
Jabhadda ONLF ayaa
waxay wadan
dagaalada ay ku
hayaan ciidamada
Itoobiya, waxaana
wadooyinka loo
geliyaa miinooyin ay
khasaarooyin ka soo
gaaraan Ciidamad
Itoobiya.
Qaraxyo weli ka
sii socda Magalada
Muqdisho
Iyadoo weli ay
socdan baaritaanda
ay ciidamada
Dowladda ka wadan
Magaalada Muqdisho
ayaa waxa weli socda
qaraxyo lala
beegsanyo ciidamada
Dolwadda Federaalka.
Qarixii ugu horeeyey
waxa uu ka dhacay
Isgoyska Bakaaraha
kadib markii lala
beegsaday gaari ay
lahaayeen ciidamada
Dowladda, waxaan la
sheegay in ay
khasaaro ka soo
gaartay dhowr askari
oo saarna gaari,
iyadoo rasaas ay
fureen ciidamaduna
ay dad rayid ahi
wax ku noqdeen,
sidoo kale is
rasaaseyn ka dhacday
Isgoyska Black-sea
ayaa waxa ku
dhaawacmay dhowr
qofood, kadib markii
ay dowladda ay
rasaas ku fureen
dhallinyaro ay ka
shakiyeen.
Habeen hore ayay
ahayd markii ay
qaraxyo ka dhaceen
Isgoyska Hawl-wadaag
iyo midka Aadan
Cadde, kadib markii
lala beegsaday
ciidamo Dowladda ah
oo halkaasi ku
sugnaaa.
Taliyaha ciidanka
Booliiska Cabdi
Xasan Cawaale
(Qaybdiid) ayaa waxa
uu sheegay in
ciidamada Booliiska
ay sii wadi doonaan
hawlaha baaritaanda
ah ee ay ka wadaan
Suuqa Bakaaraha, tan
iyo inta laga
xaqiijinayo waxa uu
ugu yeeray
nabadgelyada suuqa
weyn ee Magaalada
Muqdisho ee
Bakaarah.
Magaalada Asmara
oo martigelineysa
kulan ay ka soo
qaybgalayaan 700 oo
qof
Wararka ka imaanaya
Magaalada Asmara ee
dalka Ereteriya
waxay sheegayaan in
magaaladaasi ay
martigelin doonto
kulan ay isugu imaan
doonaan
Siyaasiiyiin,
Culuma’udiin,
Waxgarad iyo
Aqoonyahano ka
tirsan dadka
Soomaaliyeed ee ku
nool dalka gudihiisa
iyo dibaddiisa,
waxaan lagu waramay
in dad gaarya ilaa
iyo 700 qof ay
halkaasi isugu tagi
doonaan, iyadooi
laga arinsan doono
sidii loo dhisi
lahaa gole horseed u
noqda waxa loogu
yeeray sidii ay
Soomaaliya u heli
lahyd Dwlad, isla
markaan dalka looga
saari ciidamada
Itoobiya.
Warar ayaa waxay
sheegayan in dad ku
nool caasimadda
Soomaaliya ee
Muqdisho iyo
gobalada dalka ay
soo gaareen
waraaqihii
casuumaadda ee ay
kaga qaybgali lahaa
kulankaasi oo lagu
wado in uu dhaco
bisha Sep ee fooda
nagu soo haysa.
Guddiga qaban-qaabda
ee kulankaasi ayaa
waxay sheegeen in
dhawaab dalalka
dibadda ay u
ambabixi doonaan
wufuud kal duwan
kuwaas oo dadka
Soomaaliyeed ee
dibadda ku nool kala
hadli doono sidii uu
u najixi lahaa
kulankaasi. Sheikh
Shariif sheikh Axmed
oo gudodomiyihii
midowga Maxaakiimta
Islaamiga ayaa waxa
uu sheegay in
kulankaani uu
muhiimad gaar ah ku
fadhiyo ayna ka soo
bixi doonaan natiijo
wax ku ool ah.
W/D: Amiin Yuusuf
Khasaaro
e-mail:amiinkhasaaro@hotmail.com