Baaqa adkeynta mabaadi’da iyo mawaaqiftii hore ee
odoyaasha dhaqanka beelaha Soomaaliyeed
Ku: Odoyaasha
Dhaqanka Beesha Hawiye
Ku : Odoyaasha
Dhaqanka Beelaha Soomaaliyeed
Ku: Umadda Soomaaliyeed
Mahad ballaaran Allaah ayey sugnaatey , nabadgalyo
iyo naxariisna nabigeenii Muxammad dushiisa ha
ahaato iyo inta raacdey ee dariiqiisa ku taagan.
Intaas ka dib GMIS wuxuu bogaadinayaa
kaalinta muuqata iyo tallaabada geesinimada leh ee
odoyaasha dhaqanka Soomaaliyeed guud ahaan gaar
ahaan kuwa beesha Hawiye ay ka qaateen halganka
lagula jiro cadowga dalka qabsadey iyo
dababdhilifyadiisa
Odoyaasha dhaqanku waxey inoo yihiin qeyb muuqata oo
xoogagga wax iska caabinta ka mid ah , sidaasaana
weli GMIS aaminsan yahey , waxeyna naga mudan yihiin
ammaan iyo kalsooni , waxeyna ahaayeen kuwii
marxaladii ugu darneyd ee uu cadowgu qabsadey dalka
gaashaanka u daruurey dhammaan qorshayaashii
guracnaa ee gumeystuhu watey , waxaana
geesinimadooda laga dhaxley in halgankii weli baaqi
sii ahaado , cadowgiina ay u hirgeli waayaan isku
dayadiisii foosha xumaa uuna ku sugan yahey waqtigii
uu ugu liitey inta uu Soomaaliya joogey, taasoo u
baahan in la sii mitido oo aan laga leexan wadada
saxdaa ee lagu difaacayo sharafta dalka iyo dadka
Soomaaliyeed.
Sida aan u aragno odoyaasha dhaqanka beesha Hawiye
waxey huwan yihiin magacii umadda Soomaaliyeed inta
neceb gumeystaha , sidaas ayeyna taageerada iyo
magacaba ku heleen , waxaa jira kuwa iyaga la mid ah
oo aan wax magac iyo maamuus ah ku laheyn bulshada
Soomaaliyeed dhexdeeda oo laga yaabo in ay yihiin
danbiilayaal qaran , marka waxaan xusuusineynaa
odyaashaas in ay dhowrtaan magacaas ay ku kasbadeen
mawaaqiftooda geesinamada leh ee ay qaateen , waana
iney ogaadaan iney taariikhda baal dahab uga jiraan
illaa iyo hadda , waxa ay sharaftaas ku heleena ay
tahey mabda’a suuban ee gumeysi naceybka ah ee ay
doorteen, loogana sii baahan yahey iney ku
dhegenaadaan mabda’ooda oo aysan ku dhaqaaqin wax
allaale wixii safka kala geyn kara , codowgana
fursad uu ku sii joogo dalka siin kara.
Walaalayaal sida aad ka wada dharagsan tihiinba
wadada lagu xoreynayo dalkeena waa dheer tahey ,
waana dhib badan tahey , waxeyna leedahey dhimasho,
dhaawac, barakac ,burbur iyo kala harid ay kala
haraan dadkii safka ku wada jirey . dhamaan
arimahaas waxaa ka danbeyn doona insha allaah
neecawda xoriyadda iyo sharafta umadda , sidaas
awgeed waa in lagu sabraa dhibaatooyinka iyo
xanuunada idinka soo gaaraya jidka gobonimodoonka
iyo dib-u-xoreynta dalka Soomaaliyeed, maantana lama
joogo waqti mawaaqiftii sharafta laheyd ee la idinku
yaqaaney aad badashaan, isla markaana ma jirto
sabab keeneysa in la bedelo .
Waxaan sidoo kale xasuusineynaa odoyaasheena
dhaqanka in dabadhilifyada iyo gumeystuhu aysan
waxba ku kala duwaneyn, qorshayaasha ay soo
bandhigayaan kuwa dabadhilifka ah waa kuwo ay soo
hindiseen oo ka soo maaxdey maskaxda jirran ee
gumeystaha Tigreega , waana kuwa loogu daneynayo in
cadowga dalka loo sharciyeeyo, waxaana idinku sii
adkeyneynaa inaydaan ka weecan mawqifkiina ahaa
iniinan wax wadahadal ah la furin kooxda
dabadhilfnimada ku caan baxdey ee gumeysiga dalka
soo galisey, mana ahan kuwa go’aan ka gaari kara
arimaha dalka , maantana wuxuu loolanku u dhaxeeyaa
mujaahidiinta halagamaya iyo cadwoga Tigreega iyo
waxa uu wato.
Walaalyaal musiibooyinka heysta umadda Soomaaliyeed
ee uu cadwoga gumeystuhu u geysanayo waad la wada
socotaan , hagardaamooyinka uu ku kala dhantaalayo
inta isku fikirka ah ee halganka iyo dagaalka kala
soo horjeedana waa noocyo badan yihiin, marka ay
waddo ka soo xirantaba waxey idinka soo galayaan mid
kale , waxey dhagarahooda ka dhigayaan malab iyo
macaan , waxeyna uga gol leeyihiin in la dhiciseeyo
halganka hubeysan ee ka dhanka ah gumeystaha iyo
dabadhilifyadiisa , loona googol xaaro in gumeysigu
si dhab ah ula wareego dalka Soomaaliyeed.
Gabagabadii waxaan ugu baaqeynaa odoyaasha dhaqanka
Soomaaliyeed meel ay joogaanba iney horseed ka
noqdaan dagaalka jihaadka ah ee cadowga soo duuley
lagula jiro , uguna yeeraan dhammaan beelahooda iney
hubka qaadaan una dagaalamaan sidii sharafta iyo
xoriyadda umadda Soomaaliyeed loo soo celin lahaa
waana wadada kaliya ee maanta u furan qof kasta oo
mujatmaca Soomaaliyeed ka mid ah magaca iyo mansabka
uu rababa ha watee , waxaana la joogaa waqtigii la
guran lahaa miraha halganka socda, ee lama joogo
xilli loo dhaga-nuglaado hagardaamooyinka guraccan
ee gumeystayaasha iyo taboohooda beenta ah,
cadowgiina sida uu afkiisa ka qirtey waa xanuunsadey
waana in lagu sii wadaa waxa uu ka xanuunsadey oo
aan loo jixin jixin cabaadkiisa .
Waxaan ku soo xirayaa baaqaan anigoo ugu yeeraya
nafteenna iyo tiinaba iney ku fakaraan aayadda
qur’aanka ah ee uu Allaah ku leeyahey:
"إن
تكونوا تألمون فإنهم يألمون كما تألمون وترجون من الله
ما لا يرجون " .
Walaalkiin
Shiikh Shariif Sh.Axmed
Guddoomiyaha
GMIS