SomaliTalk

Barnaamijkii Radio Xoriyo
17 April 2007.

Dagaallo kala duwan oo cadowga lagu jabiyay.

Dadwayne cadowgu xidhxidhay.

Qaybta Hanqadh ee ciidammada xoreynta oo shir yeelatay.

Itoobiya oo markii ugu horraysay qiratay inay hayso Bashiir Makhtal.

Banaanbax lagaga soo horjeedo Itoobiya oo ka dhacay Washington DC.

Barnaamij ku saabsan afkaaraha dadweynaha eek u aadan xaalada gunaysi ee Somaliya.

======================

Dagaallo kala duwan oo cadowga lagu jabiyay

Wariyaha nooga soo warrama gobollada dhexe ee Ogaadeenya ayaa noo soo sheegay
dagaallo dhawr ah oo dhex maray ciidammada xoreynta Ogaadeenya iyo kuwa saama
la-luudka
ah ee gumaysiga Itoobiya, kuwaasoo ka dhacay meelo kala duwan oo
Ogaadeenya ka mid ah, isla markaana si wayn loogu naafeeyay cidammada
dac-darraysan ee gumasiga Itoobiya.

06/04/07 Dagaal ka dhacay Qayla-dhoorrey, oo ka tirsan gobolka Shabeelle, waxaa
ciidammada cadowga lagaga dilay 3 askari, waxaa sidoo kale lagaga dhaawacay 4
askari.

06/04/07 ciidammada sida gaarka ah u tababaran ee xoreynta Ogaadeenya ayaa
hawlgal ay ka fuliyeen magaalada Shilaabo dhexdeeda waxay cadowga kaga dileen 7
askari, waxay sidoo kale kaga dhaawaceen 9 askari. Ciidammadan gumaysiga ayaa
magaalada dhexdeeda lagu helay iyagoo roondo magaalada ku maraya, intii firxadka
ahaydna waxay carar ku galeen xerada ciidammada cadowgu u leeyihiin magaalada
Shilaabo.

07/04/07 dagaal ka dhacay Far-Hareeri, oo ka tirsan gobolka Doollo, waxaa
ciidammada gmaysiga lagaga dilay 7 askari, waxaa sidoo kale lagaga dhaawacay 4
askari.

09/04/07 ciidammada xoreynta Ogaadeenya ayaa weerar ku qaaday kolonyo ciidammada
gumaysiga ah oo marayay Higlaley, oo ka tirsan degmada Dhagaxbuur, waxayna ka
dileen 17 askari, 13 kalana way ka dhaawaceen.

10/04/07 cutubyo ka tirsan ciidammada xoreynta Ogaadeenya ayaa weerar mir ah ku
qaaday ciidammo cadowga ka tirsan oo fadhiyay magaalada Haar-cad, waxayna
weerarkaas ugu gaysteen khasaare aan faahfaahintiisa la haynin.

11/04/07 dagaal sidoo kale ka dhacay Balliga Marsin, waxaa cadowga lagaga dilay
4 askari, 3 kalana waa lagaga dhaawacay.

11/04/07 meel u
dhaw Nusdariiqa dagaal ka dhacay waxaa ciidammada cadowga lagaga
dilay 6 askari, 8 kalana waa lagaga dhaawacay.

15/04/07 ciidammada sida gaarka ah u tababaran ee xoreynta Ogaadeenya ayaa
weerar mir ah ku qaaday Xerada Dhuumoodka ee magaalada
Qabridaharre, waxayna
ciidammada cadowga u gaysteen khasaare ba�an oon faahfaahintiisa la haynin.
Waxaa sidoo kale weerarkaas lagu gubay bakhaarro ay ku kaydsanayd saanad
millatari, kuwaasoo iyaga iyo wixii yaallayba ay danbas noqdeen.

Dadwayne cadowgu xidhxidhay.

Markii ay taariikhdu ahayd 11/04/07 waxay ciidamma cadowgu magaalada
Qabridaharre ku xidhxdheen dadwayne rayad ah oon waxba galabsanin, kuwaasoo qof
kasta oo ka mid ah lagu xukumay 5000 oo Bir oo Ganaax ah. Dadkan qaar ayaa
diiday inay Ganaaxaas bixiyaan, qaar kalana markii ay u adkaysan waayeen
jidhdilkii iyo dhibaatadii lagu hayay ayay bixiyeen lacagtaas sida sharci
darrada ah loogu ganaaxay. Dadka diiday inay Ganaaxaas bixiyaan ee wali
xidhxidhan waxay kala yihiin;
1- Xasan Maxamuud Macalin
2- Daahir Sh Axmed-nuur
3- Fataax Xasan Maxamuud
4- Asad Xasan Biixi
5- C/llaahi Maxamed Aar
6- Agaasin Wacdi Shaqlane
7- Dibjir Wacdi Shaqlane
8- Wali Xasan Maxamed Saxane
9- Maxamud Sh C/llaahi
10- Abshir Dayib iyo
11- Haybe Kilaas Xuseen

Dadka lacagtaas Ganaaxa ah bixiyay ee la sii daayayna waxay kala yihiin;
1- C/llaahi Maxamed
2- Cabdi-Madoobe Yuusuf Jihaad
3- C/llaahi Cabdi Jikre
4- Shan-fool, oo magaciisa buuxa aanaan haynin
5- Axmed-shuun Ibraahim
6- Maxamed Cabdi iyo
7- Cirro Maxamed Baddal

Markii ay taariikhdu ahayd 23/03/07 waxay ciidammada gumaysigu degmada Dannood
ku xidhxidheen dadwayne rayad ah oo fara badan, kuwaasoo magacyadooda aanaan
haynin.

14/04/07 waxay ciidammada gumaysigu magaalada Sagag jidhdil xun ugu gaysteen
gabadh lagu magacaabo Faadumo Deeq, taasoo ay dhibaatooyin waawayn gaadhsiiyeen.

Isla 14/04/07 waxay ciidammada gumaysigu Karin-barkhadle, oo ka tirsan degmada
Sagag, ka afduuben labo nin oo iyagoo indhaha ka duuban halkaas ay ka afduubeen,
ka dibna ay ula kaceen dhinaca Sagag. Labadan nin waxaa lagu kala magacaabaa
Xuseen Maxamed Aaden iyo Yuusuf Sh Axmed
Good.

Magaalada Wardheer waxay sidoo kale ciidammada gumaysigu toddobaadkan gudihiisa
ku xidhxidheen dadwayne rayad ah oo la sheegayo in tiradoodu 100 gaadhayso.
Waxay sidoo kale ciidammada gumaysigu aad u baadhayaan gaadiidka ka imanay
dhinaca Soomaaliya ee yimaada magaalada
Wardheer, waxayna gaadiidkaas ka
dajiyaan rarka saaran oo dhan, iyagoo u gaysto xayiraado kala duwan.

Qaybta Hanqadh ee ciidammada xoreynta oo shir yeelatay.

Taliska Qaybta Hanqadh ee
ciidammada xoreynta Ogaadeenya ee ka hawlgasha gobolka
Nogob ayaa kulan uu yeeshay intii u dhaxaysay
11�15/04/07, waxaa lagu falanqeeyay hawlgalladii ay Qaybtu fulisay iyo kuwa
mustqabalka la doonayo inay fuliso.

Waxaa kulankaas lagu qiimeeyay waxqabadkii Qaybta iyo sida ay u
gudatay
waajibkeedii ciidan ee kaga aaddanaa dagaalka lagula jiro ciidammada gumaysiga
Itoobiya ee ka socda dalka Ogaadeenya.

Waxaa sidoo kale kulankaas lagaga hadlay arrimo badan oo khuseeya gobolka iyo
dadwaynaha ku dhaqan, xidhiidhka u dhexeeya ciidammada xoreynta Ogaadeenya iyo
dadwynaha iyo xidhiidhka u dhexeeya
dadwaynaha gobolka wada dega laftooda.

Go�aamadii kulankaas ka soo baxay waxaa ka mid ahaa; In siday ahaayeen loo
fuliyo go�aamadii ka soo baxay Kalfadhigii ugu denbeeyay ee Golaha Dhexe; In
laga shaqeeyo sidoo wax looga qaban lahaa colaadaha u dhexeeya beelaha gobolka
wada dega; In laga hortego qorshaha gumaysiga ee deegaamaynta loogu magic daray,
kaasoo uu gumaysigu u adeegsado iska horkeenida dadwaynaha gobolka ku dhaqan;

Inaan la isticmaalin (la dagin) goobaha la isku haysto inta ay Jabhaddu qorshe
cad uga dajinayso;In la joojiyo dhul-daaqsimeedka la seeraynayo, kuwii hore ee
la seereeyayna la baabi�iyo iyo In Jabhadda iyo shacbigu ay gacmaha
is-qabsadaan
oo iska kaashadaan danaha guud, isla markaana tallaabo wadajir ah ka qaadaan
cidda ka soo horjeedsata danta guud ee isku dayda inay u adeegto cadowga.

Itoobiya oo markii ugu horraysay qiratay inay hayso Bashiir Makhtal.

Xukuumadda Itoobiya ayaa markii ugu horraysay qiratay inay gacanta ku hayso
Bashiir Axmed Makhtal, oo afar bilood ka hor laga soo afduubay magaalada Nairobi
ee dalka Kenya. Xukuumadda Itoobiya ayaa ballanqaaday inay qunsulka Canada u
fasixi doonto inuu la kulmo Bashiir Amxed Makhtal, marka ay dhammaato waxa ay
ugu yeedhay baadhis lagu hayo oo ku saabsan xidhiidhka uu la
leeyahay Jabhadda
Waddaniga Xoreynta Ogaadeenya.

Sargaal ka tirsan wasaarada arrimaha dibada ee dalka Canada ayaa warkan soo
gaadhsiiyay qaraabada Bashiir Axmed Makhtal ee ku sugan magaalada Ottowa.
Wasaarada arrimaha dibada ee Canada waxay sheegtay in wasiirka arimaha dibada ee
xukuumadda Itoobiya uu qirtay in xukuumaddiisu ay
hayso Bashiir Axmed Makhtal.

Xukuumadda gumaysatada Itoobiya ayaa sheegtay inay baadhayso in Bashiir Axmed
Makhtal uu xidhiidh la leeyahay Jabhadda Waddaniga Xoreynta Ogaadeenya, ka dibna
ay safaarada Canada u oggolaan doonto inay soo aragto.

Bashiir Axmed Makhtal, oo uu awow u yahay halgmihii caanka ahaa Garaad Makhtal
Daahir, wuxuu ahaa ganacsade haysta dhalashada Canada, oo bishii Disember eek al
hore laga qabtay xadka u dhexeeya Soomaaliya iyo Kenya, ka dibna gacanta loo
galiyay ciidammada Itoobiya ee qabsaday dalka Soomaaliya, kuwaasoo isla markiiba
u gudbiyay dhinaca xabsiyada tacaddiga ee
Itoobiya.

Bashiir wuxuu ka mid yahay 41 qof oo u kala dhashay 17 waddan oo kala duwan,
kuwaasoo ay xukuumadda Itoobiya qiratay inay xabsiyada dalkeeda ku haysay.

Radio Xoriyo

17 April 2007
Axmed Gaal-Eri
Info@radioxoriyo.com
raadioxoriyo@yahoo.com

Radio Xoriyo waxaad ka dhegaysan kartaa Mawjadda 19 MB ee dhererkeedu yahay 15260 KHZ,iyo internetka Radioxoriyo.com,Ogaden.com Maalinta Talaadada ah 7:00PM � 8:00 waqtiga Afrikada Bari

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | April 18, 2007